قصيدة الدعوة

السلام عليكم ورحمة الله وبركاته
أضع بين أيديكم هذه القصيدة والتي شاركت بها في شاعر الدعوة . وآمل أن تحوز على رضاكم .
[poem=font="Simplified Arabic,7,#0005FF,bold,normal" bkcolor="#FFFFFF" bkimage="" border="none,4,#400000" type=2 line=0 align=center use=ex num="0,#400000"]
ما اصعب من القرار إلاّ إتخاذ القرار = إتخاذ القرار اللي يحدد مصير
بين جنه وفوز . وبين خيبه ونار = شر يجزا بشر . وخير يجزا بخير
كل مسلم ذكي يملك زمام الخيار = يعرف انْ الاجر مقدار جُهد الاجير
ويعلم انْ لاخره مقر دايم ودار = وان دنياه للأُخرى ممرٌ لا غير
ويعرف انْ الاجل كنّه يبي منْه ثار = والعمر ينطوي لو طال مثل الحصير
مثل ما تاخذ من الليل شمس النهار = ياخذ من العمر كثر الشهيق الزفير
ويحتزم بالإجابه لسئلة لختبار = يا عسى يتقي مُنكر ويسلم نكير
ويدري انه بيوم الحشر يجني ثمار = ما زرع في حياته بين فيّ وهجير
ويسرج الـ غايته وسيلة الإنتصار = غايته جنه وعتقٌ من الزمهرير
مهر غايتْه معْ الايمان شد الإزار = وشمّر الـ مهرها كمّه وجافى السرير
بالقضا والقدر مؤمن وزاده وقار = نور بالوجه وإطمئنان قلب وضمير
إستقامتْه في بحر الظلام الفنار = وقاربٍ للنجاه ان جا لموجه هدير
ستّل من العزيمه له جناحٍ وطار = شد حبل الإراده . فك سلك الحرير
للطموح ان تعلّى الحق يملك مدار = اسوةٌ بالكواكب والسراج المنير
بنشوة الانتصار يكيّفون الكبار = وعقدة النقص فيروسٍ يصيب الصغير
الشجاع ادمن الاقدام خوف إنكسار = والجبان ألبسه خوفه عباة الحقير
فازو اهل اليمين وخابوا اهل اليسار = اغنم الليل واستثمر بثلثه لخير [/poem]

عبدالله بن عايض بن رده الفهري

عبد الله بن عااايض الفهري صح لسانك ملايين
وبيض الله وجهك وافيه من شاعر وافي ومبدع

ارررررررررررحب يابونواف



وصح لسانك يالقرم



مبدع في جميع الاحوال



تقبل تقديري

الاخ الشاعر / عبدالله بن عايض بن رده الفهري
صح لسانك وبيض الله وجهك ولاهنت يالغالي
وافيه وجزله من شاعر جزل بمعنى الكلمه

تحياتي

اخوي عبدالله بن عايض الفهري

الله يجعلها في ميزان حسناتك

صح لسانك وبيض الله وجهك

حضور رايع ولايستغرب

تقبل احترامي وتقديري

ابو نواف وافي ولاتجيب الا الوافيه


صح لسانك طال عمرك