هذا قراري

ابيات للتواصل اتمنى لها القبول

[poem=font="Simplified Arabic,6,#0F0A3B,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
فسّر كلامي علـى أقل مــــن مهلك=واليا وصلت إل نتيجة مقصدي قلّي

والكلمة اللي تخلط الدمع مع كحلك=ماقلتـــها لين صـــــبري باح ياخـلــي

انا وطيت الخطـــر ياصاحبي لاجلك=من بعد حبك بوسط القلب قد حلي

حطيّتلك فـي ضميري منزل ومسلك=على عــروش الفؤاد وصرت متعلي

وأصبحت غالي وأغلـى كل ماأملك=ميرأنت من كثر حبي صرت متغلي

ياما سهرت الليالي منتظــــر وصلك=فـي كل يومٍ امــــــنّ النفس واسلّي

ولافيه يومٍ حصل عنيّت لي رجلك=والقلب يطــــرب لشوفك حيل ويهلّي

أنا على الوصْل ميّت وانت تتلكلك=حتى تعب قلبي من اعذراك ومــلّي

واليوم انا اقول روّح ياحبيب اهلك=مدري علـى ويش انا صابر ومنعلّي

هذا قـراري وفكّر به على رسلك=لاعــــاش حـبٍ يهين القلـــب ويذلــي[/poem]

فسّر كلامي على أقل مـن مهلـك
واليا وصلت إل نتيجة مقصدي قلّي

استهلال بفعل امر صارم

وهو اعني فعل الامر عندما تستهل به القصيده يعطي زخم معنوي للقصيده ويركب المتلقي موجة القصيده منذ الابدايه

والكلمة اللي تخلط الدمع مع كحلك
ماقلتها لين صبري بـاح ياخلـي

راق لي هذا التصوير وخصوصا اختلاط الدمع بالكحل صوره عاطفيه وجماليه مهيبه


انا وطيت الخطر ياصاحبي لاجلك
من بعد حبك بوسط القلب قد حلي
حطيّتلك في ضميري منزل ومسلك
على عروش الفؤاد وصرت متعلي
وأصبحت غالي وأغلى كل ماأملك
ميرأنت من كثر حبي صرت متغلي
ياما سهرت الليالي منتظر وصلـك
في كل يومٍ امنّ النفـس واسلّـ


استعراض للتضحيات واستعطاف للاخر


ولافيه يومٍ حصل عنيّت لي رجلك
والقلب يطرب لشوفك حيل ويهلّي
أنا على الوصْل ميّت وانت تتلكلك
حتى تعب قلبي من اعذراك وملّـي

توضيح للجحود رغم التضحيه


واليوم انا اقول روّح ياحبيب اهلك
مدري على ويش انا صابر ومنعلّي
هذا قراري وفكّر به علـى رسلـك
لاعاش حبٍ يهين القلـب ويذلـي

تسجيل موقف وتهديد للطرف الاخر واعتقد بانه للتهديد فقط وربما تراجع الشاعر في اي لحظه والدليل قوله:هذا قراري وفكّر به علـى رسلـك

اتمنى لك التوفيق يامتعب

اخوك/محمد لطيف العنزي

اررررررررررحب يامتعب



وصح لسانك يالقرم



قصيدة رائعه من شاعرمبدع



تقبل تقديري

اي والله لاعاش حب يهين القلب
ولاعجمت ياصاحب الحرف الراقي
صح لسانك يامتعب

رغم تذيل النص بماهو مُتعب الا انك امتعتنا يامتعب
صح لسانك

ابو رشيد


أنا على الوصْل ميّت وانت تتلكلك
حتى تعب قلبي من اعذراك وملّـي
واليوم انا اقول روّح ياحبيب اهلك
مدري على ويش انا صابر ومنعلّي




ماقولك جدة مأثره فيك واااااااااااجد ههههههههه

ياحبي لك وياحبي لقصيدك اشهد بالله انك مبدع اينما تحل

محمد العنزي

اشكرك لك مرورك الكريم

اخوك ومغليك

الشاعر متعب العتيبي
صح الله لسانك
والله يعطيك العافيه