Tweet
يالوعتي ..
وحدي بقيت
ولولا ترقـب رجعتك
كان انتهيت
يا فرحتي ..
وحدي بقيت
وحدي اترقب رجعتك
واليوم جيت
اشتقت لك
ولرجعتك
اشتاقت عيونٍ دواها
من رمدها شوفتك
اشتقت لك
ولرجعتك
اشتاق خفاقٍ تفكـه
من سجونه طلـتك
تعال اشمك
اشتاقت ايديني لضمك
واشتقت انا لمقابلك
اشتقت لك
ولهمستك
اشتاقت اذنٍ ما سمعت
من ليل فرقاكم جديد ..
غير القصيد
واصلتني كنها قطرة ندا ** بشرت بالخير للقلب الندي
وانكفت واستوطن الخافق صدا ** واستمر الحال بالقلب الصدي
بادلتني كل مواصيلي عدا ** والله اعلم لا خطت لي اعدي
اخلفتني كل تفكيري غدا ** بالنهار اضيع الدرب اغدي
جننتني يعلم الله ما اهدا ** ويذكروني جملة اصحابي هدي
ما احدا .. بس خلتني احدا ** والقوافي صرت انا احداها حدي
يا حياتي منين ياصلك الردا ** ما اخبر باخوانك الخمسه ردي
اعتقي هالعبد ضامه سيدا ** افزعي لي منك حبك سيدي
^
^
^
كان يلومك هالردي
يابعدي ..
كم قلت انا : الخيـّـر خفي
(يومه يلومك)
باكر تجين ويختفي
بحزة قدومك
يابعدي ..
قولي لاشعاري : كفا
هذا انا جيته وفا
وياهالليالي البارده
كوني مع حضوري دفا
واستطرد ( بنشوة فرح ) :
داوي لي خفـّـاق انجرح
من اول ايام الغياب
(ناسي بغمرة هالشعور
من بشـّرت في هالحضور
قطرة ندايه صامته )
واستدرك (بشوف السحاب
كن السما ماهي تهاب
تنظر بعينٍ شامته ) :
يا عمري يالطرف الخجول
قولي عسى عمرك يطول
قولي ترى صمتك يروّعني وشين ** قولي يكفيني مع الهمس بسما
قولي ابي الحينه ابي الحين هالحين ** ابي حروفك في فضا الكون تسما
وشلون ابستنطقك يا كامل الزين ** يا الطف البسمات يا ارق نسما
جيتك انا اعرابي ومحتاج تمدين ** قولي ترى اترقـّـا بهروجك واسما
وقالت لي بصوتٍ حزين :
ما أخدعك
جيتك ابي استودعك 0
تعليق