.. حمـــام القـــافيه ..

بسم الله الرحمن الرحيم

السلام عليكم ورحمة الله وبركاته


اخواني واخواتي الاعزاء ..


سأدعكم مع هذه المعزوفه التي عزفتها اوتار قلبي .. نبضا





[poem=font="Simplified Arabic,6,#112897,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
طيّـر حمـام القافيـه مـن مقيلـه=ضلٍ لقت فيه احرف الشمس مدخال
جمرٍ تشيـل الريـح مقـدم شليلـه=امقلـط ٍ فوقـه هواجـيـس ودلال
صدفت مـن ريحـة دلالـه دليلـه=علامـة ٍ ماتنلقـي فـ..اي فنجـال
تخاشـرت فالـروح بنـه وهيـلـه=مازال وسط الروح والريـح مـازال
فاااح الكثيـر اللـي جذبنـي قليلـه=جذب الضمى في كبد من يطرد اللال
لغايتـه مديـت كـفـي وسيـلـه=لمصافح دموع .. وتباريح .. واهوال
وليت الجواب اللي حروفـه ثقيلـه=في راحتي .. ماهوب في راحة البال
ياااروعة ايام الرجـاء المستحيلـه=بعد انثنت فنحور الاجيـال الاجـال
ماني ذليـل .. ولاحروفـي كليلـه=رجّال واحمل بين الاضـلاع رجّـال
انا الطويـل اللـي فعولـه طويلـه=اليا قصر عـن غايتـه كـل تنبـال
ماللشتاء في غـرة الشمـس حيلـه=لاذابت الدمعه علـى روس الاطـلال
طغى الجفاف اللي ضلوعي تشيلـه=واستنزف ارواح المشاعر والامـال
اركض وراى حلم ٍ عيونـي تخيلـه=مبطي وهو في عثعث الروح ما سال
وان كانـت احـلام الليالـي ذليلـه=ما للأمل في ديرة الخـوف منـزال
يبا يطـول الجـرح ويطـول ليلـه=ويشتال شرهة روح مجروحة الشال
وموت الرجاء لابار سـوق العقيلـه=خله يجي لو يفرق السـوم بريـال [/poem]








اعذروني ..

فلكم العتبى عن كل هذا الغياب ..

ارررررررررررحب ياصالح



صح لسانك يالقرم



قصيدة طيبه من طيب



تقبل تقديري

صح لسانك واعتلى شانك اعتليت بالشعر تبارك الله

الله يعطيك العافيه

صالح

صح لسانك


انت مبدع


واتمنى اشوف شي في الوصف


لك تحيتي.

وليت الجواب اللـي حروفـه ثقيلـه
في راحتي .. ماهوب في راحة البال
ياااروعة ايـام الرجـاء المستحيلـه
بعد انثنت فنحور الاجيـال الاجـال
ماني ذليـل .. ولاحروفـي كليلـه
رجّال واحمل بين الاضلاع رجّـال


مساءك شعر يابو دخيل الله

اركــــض وراى حــلــم ٍ عـيــونــي تـخـيـلــه
مبطي وهو في عثعث الروح مـا سـال
الله اكبر على هذا الوصف

ومــــوت الــرجــاء لابــــار ســــوق الـعـقـيـلـه
خـــلـــه يـــجـــي لـــــــو يـــفــــرق الـــســــوم بـــريــــال
يابري حالي
انا اترقب لنصوصك ياصالح فلا تبطي
طاب حظك ياشعر

مذهل ياصالح وتأتي بماهو صالح دائماً ..
صح لسانك

ماني ذليـل .. ولاحروفـي كليلـه
رجّال واحمل بين الاضلاع رجّـال
انا الطويـل اللـي فعولـه طويلـه
اليا قصر عـن غايتـه كـل تنبـال
ماللشتاء في غـرة الشمـس حيلـه
لاذابت الدمعه على روس الاطـلال
طغى الجفاف اللي ضلوعـي تشيلـه
واستنزف ارواح المشاعر والامـال



والله ونعم يابو دخيل

ولازلت القادر على الابداع متى شئت

ثق ان مكانتك ومكانة ابداعاتك محفوظة في قلوبنا


صح لسانك

صالح



رجّال واحمل بين الاضلاع رجّـال



سبحان من هداك على هذا الشطر


لله درك

من الشرايع لين اشارة جبل النور مشي على رجلي صح لسانك


لاتقول المسافه قريبه تراها مشي على رجلي


صح كلك ولاهنت يابو دخيل