Tweet
عسى الله يوفقـني بجارٍ يشـب النـار
من أهل الوفا والطيب مذخور الاجوادي
من اللي يعرفون العوايد وحق الجار
وراعي علـومٍ كنهـا المسـك والكــادي
أسير عليه وهـو يبادلني المسيــار
مجيــي منـاه وجيته غـــاية مــرادي
اله عندنا قدره وعنده لنا مقدار
حسـابه حسـاب الــروح واولاده اولادي
يعطر مجالسنا سوالف ورد أخبــار
عن أحداث حاضرنا وعن ماضي الاجـدادي
وبعض المواقف والطرايف قصص واشعار
أنا أبدابها التقـديم والاهـو البـادي
ومسك الختام من الاحـاديث والاذكـار
يذكر بها اللي نـاويٍ نصـح وارشــادي
ويجي عندنا ربعٍ لحاٍ غانمه وأخيــار
عـوارف على درب الهــدى والله الهــادي
ولانقبل اللي بالحكي عادته هــذار
وراع النمايم عندنا مــاله اسعــادي
هذه الابيات للشاعر البــــــــــــادي
عبدالله العتيـــــــــبي
للتواصل معه بريد albadi40@hotmail.com[تم تعديل الموضوع من قبل النايف بتاريخ 10-02-2001 الساعة 09:07 PM]
تعليق