( سداح ... ما ودك نطالب بالأصلاح ... !!! صوت وصدى )

بسم الله الرحمن الرحيم

يسرني أن أهدي الجديد لمنتداي الأول ( النداوي ) ... هذه القصيده .. والتي وجهتها ... للشاعر الكبير \ سداح العتيبي ... أتمنى أن تنال اعجابكم وتشفع لنا بعد طول الغياب ... وأقول فيها\

\

[poem=font="Simplified Arabic,4,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عم الوبا في ساحة الشعر وجتاح = واستوطنت به ناس ماهو وطنها.

يمرها العارف على خف وجناح = ويرفع مقام النفس من شام عنها.

تصافقت فيها الهبايب والارياح = وننشد ...? صناديق الذهب من دفنها.

دم الحيا من شعر بعض العرب ساح = قصايدن خالط جهمها ضعنها.

عنها حمام الورق قفا ولا ناح = لو لمعوها وابدعو في لحنها.

ولو عطرت من ريحة الورد ما فاح = ولو ثمنوها باخسه في ثمنها.

وياطيب شعرن ينظمه فكره سداح = يجلي عن النفس الحزينه حزنها.

شعرن يداوي من تماثيله اجراح = ونقض له اجروحن قديمن زمنها.

لو كان توه بأول العمر ما راح = النادرات امن التجارب مكنها.

تجريب من شيبه على عارضه لاح = صارع صواديف الزمان وهنها.

ومن لايصيغه مثل سداح يرتاح = اللي حروفه بالمعاني قرنها.

اليا خذاله فالبديعات مشواح = كنك تذوق صافي الذوب منها.

سداح ماودك انطالب ... بالأصلاح = ونرجع الفتنه على من فتنها.

يا صاح نادمني وانادمك ... ياصاح = حتى الرهاين تنطلق من رهنها.

ترا الصدور الكاظمه صبرها باح = أخذ الصحيح وكلمة الحق .. صنها.

أشوف فالساقي ثمانين فلاح = تاجب عليهم لعنة اللي لعنها.

سداح دور للصناديق ... مفتاح = ونضمن فرجها كان ربي ضمنها.
[/poem]

شعر \ ثواب زيد الحارثي
[align=center]
[/align]=======================================

وفيما يلي رد الشاعر \ سداح العتيبي ... على قصيدتي ..!!!

[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هاذي ثلاث شهور وهجوسي شحاح=والشحّ لا فيها ولاهوب منها



تقول نازحها عن الشّعر نزاح=ماعاد تلقى مهنة ٍ تمتهنها



أشيل صوتي وأخفضه بالتنحناح=والصمت خمّ الحنجره واحتضنها



لين اعرض لي شرد ٍ حيل ولقاح =الله من اسباب العوايق يآمنها



فرايد ٍ منظومة ٍ نظم مسباح =يعيش راس المبدع اللي وزنها



ثواب زيد الحارثي رجل لماح=سمّى على كل السيور ودهنها



له بيت ما يهدم وله زند قداح=والميّته ما يحتفظ في كفنها



كنّه يقود المدلهمه بمصباح =على القصيد العذب يامر وينهى



يا بعد شوحه مع بعيدين الاشباح=وصح الله السنة الرجال وبدنها



لبست من منطوقه النادر وشاح =مدايح ٍ مرخي ٍ عليّه رسنها



واليا غشاني مدح كساب الامداح =ناس ٍ ينومسها وناس يغبنها



يا الحارثي ممنون والبال منساح =عسى فداك اللي سلومه خزنها



اللي يجي ويروح سارق ومزاح=وام اليتامى تخشره في صحنها



القافله مرّت على البيرق وطاح=ولا عاد نعرف شامها من يمنها



منيحةٍ من حظ قصاف الأرواح=ينهش جوانبها ويشرب لبنها



ماعاد في البستان مشمش وتفاح=والحبحبه قام الدبى يمتحنها



والبير عثرب ماه من جاه مياح=واصبح ما غير يصبّها ويحقنها

أترك حصاة رزاح وتعيش بافراح=ورزاح لا دربى حصاته .. طحنها !
[/poem]

شعر \ سداح العتيبي ... الكويت.

16\3\1431

=======================================

حيالله ابن زيد

ويسلم رااسك ورااس سدااح صووت وصدى قمة الروووعه
والجزااله وهالشئ موهوووب مستغرب من اهل الجزاااله
الله يديم التوااصل ويسعد قلوبكم وعلى دروب الخير
نلتقي بكم

صح لسانك ياحارثي وعزالله انك سندت على شاعر

وصح لسان سداح العتيبي شاعر متمكن ورجل متزن واخلاقه عاليه وكفو ومن عرفه عن قرب شهدت له بهذا ولانزكي على الله احد.

والقصيدة وردها وافيات والمضمون واقع ........لاهنوا

يا سلا الله عليكم يا اثنين
انشهد انكم قلتوا ووفيتو ولا هفيتو
البدع بارع والرد فارع والموضوع ومناقشته بهالقصيدتين
عباره عن محاضره ذكيه وفي الصميم
ابدعتو ولا هنتوا
تحياتي لكما

ثواب

وسداح

اجرام شعري بمعناه الحقيقي


من اول بيت لاخر بيت في الصوت والصدى

وانا مبتسم


تدري ليه


لاني حسيت ان الشعر للحين بخير


لله دركما ولاهنتم

صح السنتكم جميع انت وسداح العتيبي

ومازل للشعر جناج مفرود

بشعركم ومنهم على شاكلتكم
تقديري

وياطيب شعرن ينظمه فكـره سـداح
يجلي عن النفس الحزينـه حزنهـا

:
صح لسانك يابو زيد وصوت اسندته لم يستحق وسداح غني عن التعريف خُلقاً وشعراً

أترك حصاة رزاح وتعيش بافـراح
ورزاح لا دربى حصاته .. طحنها !

مُبدع ياسداح

أخوي ثواب زيد الحارثي

صح لسانك ولسان الشاعر سداح

صوت وصدى رايع ولا يستغرب

تقبل احترامي وتقديري

اررررررررررحب يابوزيد



وصح لسانك ولسان دكتور الشعر سداح



رديه رائعه وشعراء مبدعين



تقبل تقديري

ثواب وسداح

عزالله العزيز انكم ابدعتو وصدقتو

صح الله السنتكم مدد بلا عدد

نمر العتيبي

يامرحبا مليون وشكرا على مرورك العذب وتقبل تحياتي,,,,,,,,,,,,,,,

بدع ورد ولا أروووووع

صح لسانك يا ثواب

ولسان سداح


تحياتي للجميع

أخي العزيز\ فالح بن راشد ال حثلان حفظه الله

مرحبا وصح بدنك وسلم راسك عدد ماخطن الاقلام ووقوف فكرك على مانكتبه شرف لي يعلم الله وهو الشاهد ,,,, اكرر الترحيب بجنابك وتقبل تحياتي الحاره,,,,,,,,,,,,,,,,,,,,

ثواب بن زيد + ســـــــــــــداح


معادله لا توصل الا للابداع


تحيتي.

شكرا على مرورك اخوي محمد ومرحبا مليون

لك احر تحياتي