ودي بوصلك وانت لاشك تدري !!!!!!!!!!!!!!!!

مما نظمت :
. . .
. .
.
ودي بوصلك وانت لاشك تدري
والظاهر انْ مالك على الوصل نية
.
جاني العنا من بعد غيبتك بدري
نار كوتني داخل القلب كية
.
من كثر ماجرحي توغل بصدري
اصبحت انا للحزن درب ومطية
.
احاول اتصبر و ياطول صبري
عز الله ان البعد همْ وبلية
.
احس انا حبك مع الدم يجري
حتى سكن في كل عرق وخلية
.
اتذكرك في كل حرفٍ بشعري
وفي كل بيت اكتبه تطري عليّه
.
واتذكرك في وقت فجري وعصري
ويجيني الزلزال وقت العشية
.
اواه منك . . اخذت عقلي وفكري
وسرقت مني كل لحظة هنية
.
ان كان صدك ( شك ) ياكل عمري
فعز الله ان هذي قوية قوية
.
وان كان ما تبغاه وضعي بقبري
فلاشك من صدك باذوق المنية
. . .
. .
.

احاول اتصبر و ياطول صبري
عز الله ان البعد همْ وبلية
.



كلام وياسلام

ياعلي

صح السانك ابدعت بإيصال الفكره بمجملها



:

تقبل تقديري

الله الله
نص جميل ومتماسك جدا
وقصيدة تقطع الشك
لاعجمت ياعلي

علي القرني

صح لسانك

اواه منك . . اخذت عقلي وفكري
وسرقت مني كل لحظة هنية
.
ان كان صدك ( شك ) ياكل عمري
فعز الله ان هذي قوية قوية
.
وان كان ما تبغاه وضعي بقبري
فلاشك من صدك باذوق المنية

بوح جميل..

سلمت ودمت ياعلي

لاهنت ..

تحياتي

ارررررررررحب يابوعايض



وصح لسانك يالقرم



قصيدة رائعه من شاعر مبدع ومتمكن



تقبل تقديري