Tweet
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هاك يا محمد و بلّغ يوسف اعن اخر قصيده=ما كتبت الا بعد ما طال صبري و احتمالي
اهزم اهمومي بحلمٍ مابقى له لي شريده=والرجاء بالله يا محمد ترا هو راس مالي
ولو جحدت الهم تبقى له رسوماٍ تستعيده=كنها تدعي دموعي . يا دموعه لي تعالي
اتجمل في ظروفي لكن اظروفي عنيده=كل ما ادلي بدلوي تقصر بكفي حبالي
اطوي احلامي بكفي مثل ما تطوى الجريده=صايره بعدالتصفح باهته لون و سمالي
ما اكترث لو كثر همي وقّف الدم بوريده=ومن قبل لبني حلومي توقف بعمري رحالي
خلني اكوي جروحي دامها فرصه وحيده=موتت الذيب بشموخه واحده لو بالظلالي
اتسلى بس ما حولي سوا ناسٍ بليده=عايشين بجو ماهو يا محمد في مجالي
كم نشدني خاطري عن رحلة ايامٍ سعيده=وعن حرارٍ نقله يا خوك صاير شف بالي
ما لقيت العذر و الخاطر سؤاله لي يعيده=والجواب اصفق كفوفي كيف ترّجيع الليالي ؟!
ما دفعني يا بن ابوي الا صور ذكرىً بعيده=كنت اطالعها و لحظه شيء بالخاطر طرى لي
اتذكر خوة ارجالٍ على نهج و عقيده=ونقلتي لطير معهم بين ريضانٍ خوالي
اشهد ان الله خلق و اضاف فرقه في عبيده=ما رأت عيني شبههم بالفعول وبالمقالي
اعرف ان المدح و إن ما صاب يرجع بالنقيده=مير مدحي بالذهب ما قل لو قل الريالي
في حياتي شفت ناسٍ في طبايعها فريده=وشفت ناسٍ غطت انساها على فعل الرجالي
وكان بعض الناس همه كيف يجمع في رصيده=همي اشري عرف ناسٍ عارفه بأغلى حلالي
خل كلاٍ يستلم قدره على مخزن بريده=ولو يطول الوقت لازم يعزف النجر لدلالي
هذا اخبار الخفوق وهذا هو اخر جديده=قصةٍ من واقعي لكن تشابه للخيالي[/poem]
هاك يا محمد و بلّغ يوسف اعن اخر قصيده=ما كتبت الا بعد ما طال صبري و احتمالي
اهزم اهمومي بحلمٍ مابقى له لي شريده=والرجاء بالله يا محمد ترا هو راس مالي
ولو جحدت الهم تبقى له رسوماٍ تستعيده=كنها تدعي دموعي . يا دموعه لي تعالي
اتجمل في ظروفي لكن اظروفي عنيده=كل ما ادلي بدلوي تقصر بكفي حبالي
اطوي احلامي بكفي مثل ما تطوى الجريده=صايره بعدالتصفح باهته لون و سمالي
ما اكترث لو كثر همي وقّف الدم بوريده=ومن قبل لبني حلومي توقف بعمري رحالي
خلني اكوي جروحي دامها فرصه وحيده=موتت الذيب بشموخه واحده لو بالظلالي
اتسلى بس ما حولي سوا ناسٍ بليده=عايشين بجو ماهو يا محمد في مجالي
كم نشدني خاطري عن رحلة ايامٍ سعيده=وعن حرارٍ نقله يا خوك صاير شف بالي
ما لقيت العذر و الخاطر سؤاله لي يعيده=والجواب اصفق كفوفي كيف ترّجيع الليالي ؟!
ما دفعني يا بن ابوي الا صور ذكرىً بعيده=كنت اطالعها و لحظه شيء بالخاطر طرى لي
اتذكر خوة ارجالٍ على نهج و عقيده=ونقلتي لطير معهم بين ريضانٍ خوالي
اشهد ان الله خلق و اضاف فرقه في عبيده=ما رأت عيني شبههم بالفعول وبالمقالي
اعرف ان المدح و إن ما صاب يرجع بالنقيده=مير مدحي بالذهب ما قل لو قل الريالي
في حياتي شفت ناسٍ في طبايعها فريده=وشفت ناسٍ غطت انساها على فعل الرجالي
وكان بعض الناس همه كيف يجمع في رصيده=همي اشري عرف ناسٍ عارفه بأغلى حلالي
خل كلاٍ يستلم قدره على مخزن بريده=ولو يطول الوقت لازم يعزف النجر لدلالي
هذا اخبار الخفوق وهذا هو اخر جديده=قصةٍ من واقعي لكن تشابه للخيالي[/poem]
تعليق