رد الجميل

السلام عليكم

الله يمسيك بالخير الجميع واسمحوا على الانقطاع بسبب مشاغل الحياه

وهاذي قصيده مهداه الى / ربيعان بن عبدالله ال ربيعان السبيعي

وهي تعبر عن نفسها ولو اني اقف عاجرا عن رد جميل ابوعبدالله وهو يستاهل





[poem=font="Simplified Arabic,5,#0061FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلام الله سلام"مايساق الا علا السبعان = رياجيل المواقف والمعارف عاشت اسماها
سلام"من ضميري كنه الياقوت والمرجان = اخص به الرجال اللي تعز الضيف لاجاها
سبيع اهل العلوم الطيبه من ماضي الازمان = ملاذ للدخيل وخصمها مايسهج حماها
علا مدحي لهم عندي دليل وهاكم البرهان = مفرج واحد"منهم ومدحي كفو يزهاها
لهم الوفاء ولهم جزيل الشكر والعرفان = ولهم منا علوم الطيب نكتبها ونقراها
بعد مدح القبيله نذكر اللي صار بالعنوان = ونذكر من تسبب فالقصيده لين قلناها
بعد ماصار حادث ربعنا واللي مقدر كان = حضر في مركز الشرطه ودعواهم تبناها
وفيت ولا هفيت وقمت بالماجوب ياربيعان = عسى عمرك طويل ووقفتك بالعين شفناها
برك لحمله"ماكان قام بها الجمل زومان = وقمت ابها يابوعبدالله ولا قلت مقواها
دفعت التذكره واصلتهم يفدونك الرديان = رخوم"ماتعز الضيف والله يخيب لحاها
فعلت الطيب لله مانشدت من ايت العربان = جزاك الله عنا فالعلوم اللي لقيناها
لكن الطيب مانستغربه من طيب الجدان = وقف وقفه ماينساها الزمن لو بنتناساها
وحنا سلمنا نجري هل الاحسان بالاحسان = وكف"مدت المعروف بالمعروف نجزاها
عسى من كان شبحه اللمراجل والسلوم معان = عسى ربي يبلغه العلوم اللي تمناها[/poem]


وسلامتكم

الله يبيض وجه راعي الطيب يامحمد

والغلبا يستاهلون مايكتب فيهم

وصح لسااانك

ولاهنتتتتتتتتتت


النااااايف

نياف مرحبا ومسهلا

لاهنت على المرور

والغلباء يستاهلون مثل قلت


تقبل تحياتي

اررررررررررررحب يامحمد




وصح لسانك يالقرم



ويستاهل الممدوح ويستاهلون قبيلة سبيع ولايهون الحاضر



لك تقديري

اللي يفعل الطيب يستاهل الكلام الطيب


صح الله لسانك يامحمد

ابن عسكر + حسين المري


صحت الله ابدنكم

واشكركم على المرور

محمد



صح الله لسانك



ويستاهل المدح راعيه

ال مشعاب محمد مرحبابك ويستاهلون سبيع ، قبيلة عريقه ونص يحمل غرض المدح والثناء معاً وصح لسانك

لهم الوفاء ولهم جزيـل الشكـر والعرفـان
راجع هذا الشطر وأعد لحنه مع باقي الأشطر

تقديري

صح لسانك ولاهنت

ابو شايع صح بدنك طال عمرك

سعيد القبر شاكر لك مرورك


اخوي حمد صح بدك وملاحظتك في محلها

والشطر ناقص منه كلمه وهي

لهم منا الوفاء ولهم جزيل الشكر والعرفان = ولهم منا علوم الطيب نكتبها ونقراها


وعدله ولاتهون اذا عندك صلاحيه


مشكورين الجميع

اشكر كل من مر على قصيدتي وارجوا من المراقب التعديل مشكور