وهج السيوف

[poem=font="simplified arabic,5,#000000,normal,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]

ياوطنا دامت افراحك ودام العز دام=دام فيك الرايه اللي مجدنا من مجدها

ياوطنا وانت حبك في ضمايرنا وسام=والعلاقه ثابته لو حاول احدٍ هدها

يا وطنا لا يهمونك خفافيش الظلام=قدمهم وهج السيوف اللي يروع حدها

ياوطنا دامنا لجلك عيونٍ ماتنام=ماتزعزعك النفوس اللي تواصل صدها

ياوطنا وانت عنوان التسامح والسلام=وانت وكرٍ للصقور اللي ينومس هدها

ميزك ربي عن البلدان بالبيت الحرام=باقي الميزات يصعب ياوطنا عدها

قدر الله لك رجالٍ من نصاهم مايضام=يحكمون ابعدل وايديهم جزيلٍٍ مدها

وابتديت اتعانق الأمجاد من عصر الأمام=قصةٍ لاجيت بأسردها يطول سردها

وازدهرت ابعهد ابومتعب وصافحة الغمام=واحتزم لك بالرجال اللي توفي عهدها

المليك اللي منحلك ياوطن كل أهتمام=ماسمح لأحدٍ يدوس ارضك ويجرح خدها

وانشد اللي يغدر الجيران في جنح الظلام=يوم جته الضربه اللي ماتريح بعدها

يوم جوه اجنود عبدالله تخفا باللثام=وارتدا لبس الهنوف اللي تلامع عقدها

والختام الله يديمك ياوطن بأمن وسلام=تحت ظل الرايه اللي مجدنا من مجدها
[/poem]

عزالله وهج سيوف وناقوس حرب بالشعر
لاعجمت ولاهفيت ياعايض

عايض ، نزف مستمر ونص وطني ولائي في وقته

صح لسانك

عزالله وهج سيوف وناقوس حرب بالشعر
لاعجمت ولاهفيت ياعايض

الغالي ابو مقبل

مرورك بحد ذاته شهاده

سرني مرورك

وتقبل تحياتي

عايض صح لسانك

والله لايهينك

ابيات جميله

عايض بو شيبه

صح لسانك

ميزك ربي عن البلدان بالبيـت الحـرام

باقي الميـزات يصعـب ياوطنـا عدهـا


أحسنت وأجدت

وانت مميز ومميز لاهنت

تحياتي

عايض ، نزف مستمر ونص وطني ولائي في وقته

صح لسانك

الغالي حمد الدليهي

مرور اسعدني

تقبل تحياتي

ارررررررررررحب ياعايض



وصح لسانك يالقرم



قصيدة طيبه من راس طيب



لك تقديري

صدقت يا عايض

والله يصح لسانك


الله يديم الامن في وطنا ويحفض ولاة الامر

ويرد كيد العدوان في نحورهم

لا تنسون اخوانكم المرابطين على الحدود من الدعاء


تقبل مروري

عايض


شاعر وشعور



بيض الله وجهك

أبو عبد الله صح لسانك وسلمت يمناك
على هالرااائعه التي لاتستغرب على
شاعر مبدع بحجمك ..