لا وااااا تعب قلبي
[poem=font="Arial,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا وااا تعب قلبي ويا صرم حالي=كان الحبيب اللي رجيته تخلا
كنت اعتقد لو عافني كل غالي=يبقى حبيبي طول الايام ظلا
يامر على قلبي ويشرب دلالي=وانزل لرغباته ولو هو تغلا
له منزله في القلب في برج عالي=محدٍ مكانه في خفوقي تعلا
مهما حكوا ما كنت اخلي مجالي=ما كنت اصدق فيه ذلا وذلا
ما كنت اصدق لين صرّم حبالي=حتى اصبحت من فوق راسي تدلا
واصبحت متحير على ما بدا لي=هذا حبيبي ، منه قلبي تملا
إن كان هذا صدق يا شين فالي=ما عاد لي بين المخاليق خلا
ما عاد لي نورٍ يضيح الليالي=لا صكت الدنيا بجورٍ وغلا
وإن كان محبوب الحشى ما صفا لي=وش عاد لي وش عاد باقي وظلا
مير الحقيقه ماش شيٍ محالي=حتى الفرح من بعد ما كان ولاَّ
والكل يتغير سوى ذا الجلالي=سبحانه المعبود عزً وجلَ[/poem]
محمد بن حمدان المالكي
13 / 2 / 1431هـ - الـرياض
تعليق