لو كان ربحي مايجيـب التكاليـف**أنا على ممـشى هل العـز ممـشاي
ممشى رجالٍ تكـرم الجار والضيـف**وتعقدعلى درب الوفا قاسي الراي
حتى ولو من وقتـهم حـافهم حيـف**كلن لوجهه في المواقيـف حمــاي
ربعٍ لهتاش الخلا في القـسا ريـف**ومنصاٍ لمن جاهم من الوقت شكـاي
وزبنٍ لمن لحقه ضهـود وتخاليــف**من قـوم والاعـن بني عـم جـــلاي
درب الرجال اللي تعلى المشاريف**ماحيد عن درب المشاكيـل بخطـاي
أمشي مع الطيب وارد المعاريــف**واقابل المقبـل ومبـداه مبـداي
ولاني غلى المقفي كثير التحاسيف**أجازي المقفـي بنسيـان واقفـاي
ياحيـف يابعض الرجاجيـل ياحيـف**خيـره عليه وللمعـاريف نســـاي
ويشوف نفسـه كامـلٍ بالتواصيــف**مــداح نفسه في الاجاويد حكــاي
وهو على ربعه كثيـر العجاريــف**لاحـاذفٍ عنـهم ولابالحصـى جـــاي
وسلامـــــــــتــــكـــم
البـــــــــــــــادي النــــايف[تم تعديل الموضوع من قبل النايف بتاريخ 10-07-2001 الساعة 04:36 PM]
تعليق