Tweet
[poet font="Simplified Arabic,14,darkred,bold ,normal" bkcolor="" bkimage="http://diwan2000sa.50megs.com/wall_papers/ANIMALS_5.jpg" border="none,9,black" type=0 line=200% align=center use=ex char="" num="0,black"]
قمر ..والا مطر يفتح درايش لآخر الغيّاب=
صرير ابواب تستقبل فرح غارق باحزانـه
غناوي شوق ممهوره بحنين ووردة بكـتاب=
تهزهزني بثلاثيني ويفز عصفور باغصانه
سحابة عشـق ظلـلني شعـرها برفرفة احـباب=
تمشطني باصـابعها واضيـع بليل يا دانه
هلا باول سفر يسرق عيوني من حكاياالباب=
غزل لاجلي خيـوط الشمس ضعت بريش جنحانه
هلا بمرايتي لا سالت الكـحله بليل عتـاب=
وتماوج بي شراع الحب ابيع الكل على شانه
اذوب بضحكتـه وابكـي اذا فز الخفوق وغاب=
واصير بدرب خطواته اريج بقلب ريحانه
احبه حب لبسني المدى حجل وسهر وحـجاب=
وخـلاني سجـيـن يـذوب في نظرات سجانه
رسم لي بنظرته ضحكة بَخَتْري والهوى غلاب=
واخذني صوب عرس الشمس يرمح بي على حصانه
اهو عشب ندي بيت اجودي بابه هلا وترحاب=
وانا فـ عيونه اسهر ليل وعيوني هي اوطانه
******************
******************
وهذه مجــــاراه للقصيـــــدة من الشــــاعر (( سعيـــد الحمــالي )) بعنوان:هـــــــــــلا "يالنــــــــايــفـــــــــــــــــــه"
نجـوم الليـل ترقبنـي وتلمـع مثـل عيـن الــداب=
مشيـت الـدرب متهيب وصمتـي عـاقـد لسـانـه
سـرى بـي هاجـسٍ يقـدح معـانٍ كنـهـا المشهــاب=
نجـوم لا تهـاوت تـرجم العـاصـي وشيطــانـــــه
أسرحهـا و أضويـهـا وأعديـــها علــى المرقــــاب=
وأسـوق الهـرش الأملـح وأنهمه مـن فـوق معطانــه
وأنـا مثـل الغمـامـه ظلهـا ضـافٍ علـى الأصحـاب=
يمـوت الجـوع فـي جـوفـي وراسـي معلـيٍ شانــه
سحـاب الخيـر بعيـونـي يلـوح وبـارقـه عجـــّاب=
وتضحـك لـه عروقـي ضحكـة المعفـي لسجـّانــــه
هـلا يـا رمـح أبـو زرجـه تخلصنـي مـن الأنشــاب=
يمـوت الخصـم مـن دونـه قهـر والنفـس منهـانـــه
هـلا يالنـود بـردك ينعـش اللـي خـافقـه منصــاب=
يقـش بدربـه أوراق الخـريـف وتـزهـر أفنــــانـــــــه
أقـود حصـانـي "الجـامـح" وظنـي فيـه مـا قـد خـاب=
أصـيل ويعـرف المعـروف وفـي ويصـون مـن صـانـه
هـلا "يالنـايفـه" والقـاف لأجلـك لا نظمتـه طــاب=
ثلاثينـك !!!.. ثلاثينـك !!!.. وعـاش الـوردلأغصانــه
سعيد الحمالي(( قلب الذيب ))
[/poet]
تعليق