رداً على بن جسار

10-01-2001, 03:48 AM

هلااااااااا

هلااااااااااا

يابوبدر

صدق

انك

ماتستحي

لوتستحي

ماتاخذ الطيب كله

""""""

10-01-2001, 10:30 AM

الشاعر الكبير فيصل الرياحي ...

بيض الله وجهك شاعر مبدع وصاحب فزعات وقلب كبير ...

صح لسانك وسلمت يمناك .

اخوك /// ابو مهدي

10-01-2001, 10:35 AM

صباح الخير ابو بدر

صح السانك يالأديب ولاهنت

سلمت و حفظك الله

10-01-2001, 01:36 PM

** صوت جميل لابن جسار..........وشكوى لمن يستاهل ويقدر الشكوى
ومساجله بين عمالقه!!

البارحه مامسيت نومى على الكوع

=================ليلٍ سهــرتة والمخاليق هجــاع

ليلٍ هـواجيسه تفاريد وجـموع

=================لين الصبح نوره غدالة تشعشاع

على وليفٍ لاعنى با الهوى لوع

================ذقة العزاير من غرامة والا وجاع

قليل جنسة كامل الوصف مربوع

=================حلوٍـمحلى حـالىٍ زين الاطـباع

ادعج غنج عاقل مؤدب ودلوع

================وتحس فى هـرجـة مزوح وتمـياع

لقبل علية كن فى خدة شموع

================وشقرٍعلى السرجوف والردف تنثاع

ومبيسمٍ كن العسل منة مصنوع

=================يضـفى على بيضٍ رهافٍ ولمــاع

حبة بقلبى بين الاضلاع مزروع

==================واثمر غلاة وجالة اغصان وافراع

يامر وينهى ولمرة السمع والطوع

==================امرة نطيعة وان ومرناة ما طاع

واليا طرا طارية فزيت مفجوع

==================ويفز قلبى بين الاضلاع مرتاع

ويا ابوبدر من دونة الوصل مقطوع

=================وانا على شوفة شفـوقٍ وـطماع

ممنوع من شوفى وانا منه ممنوع

================واللى منعنى فاهمن كل الاوضاع

ويا ابو بدر ما اقدر على بعدة اسبوع

===============حيثه هنا قلبٍ للاشـواق خضــاع

ملاحضه/المقصود بأبوبدر

الشاعر/فيصل الرياحي

**************************************************

وهنا ياتي صدى المبدع فيصل الرياحي
وياتي هذا الردف المتناغم ...ليكون بلسم الشكوى!!

حي الكلام اللي على النت مطبوع

==================== فالمنتدى رمز الثقافه والإشعاع

قصيدة فيها من الحب مشروع

==================== من شاعر شعره مجلل بالإبداع

هلا يابن جسار والصوت مسموع

====================وشكوى المحبه تأخذ أشكال وأنواع

حب الغلاء ينبت له جذور وفروع

==================== وحب التسلي يوم ، يومين ثم ضاع

الله يـجيـرك من هوى كل منزوع

==================== اللي يقسم قلبه أنصاف وأرباع

يامن غزا فكري بكلمه وموضوع

===================== ماعاد لي عن كلمة الحق مطلاع

مسلط شرب من كأس الأحباب قرطوع

====================== ملتاع يشكي هم قلبه لملتاع

الحب يابن سعود لوعات ودموع

===================== وأحيان ، ورد وريح كادي ونعناع

طقوس المحبـه كل يوم على نوع

======================أحيان صيف وحر وأحيان مرباع

وإسلم ودم يالقرم واللغز مرفوع

======================= لين إنتواجه وإنتشاور فالأوضاع

** صح الله لسان الشاعرين على هذا الجمال.

تحياتي للجميع

اخوكم الصغير/عبدالله بن فلاح الحميدي الهاجري

**شفق** · 10-01-2001, 02:54 PM

في مضمار المساجلات تاتي دائما الكلمات فوق العاده
وتاتي الاحاسيس الصادقه تترى.

ابن جسار سطر وابدع, فافاض عليه ابو بدر باسمى حروف
الشعر والمعاني

دمت يافيصل الرياحي,

تحيات اخوك

شفق

10-01-2001, 04:20 PM

ابوبدر صح لسانك ولسان ابن جسار

ابدعتوا .فتل ونقض على احسن ما يكون

لاهنتوا

10-01-2001, 04:37 PM

الاخ العزيز والشاعر الكبير فيصل بن منصور الرياحي

صح السانك والله لايهينك على الكلام الطيب واتحفنا بجديدك

وتقبل تحياتي
اخوك سعيد المري

10-01-2001, 07:53 PM

صح السانك وبيض الله وجهك يابو بدر

على هذا الرد الجميل

وصحيح ماتعرض الشكوى الى على اللي يقدرها

ونت وفيت وكفيت وهذي ماهي عليك غريبه

ياراعي الاوله

ولك مني جزيل الشكر والتقدير

اخوك وتلميذك

مسلط بن جسار .

رداً على بن جسار

رداً على بن جسار

تعليق

تعليق

تعليق

تعليق

تعليق

تعليق

تعليق

تعليق