[align=center]السلام عليكم ورحمة الله وبركاته
يسعد الله اوقاتكم بالخير والسرور
وبدون مقدمه اسمحولي بهالمتواضعه [/align]
[poem=font="Simplified Arabic,4,#530505,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا شيخ ياللي لحيته تاصل محاري سرته = يعني بعد ما شابت الحانا تجيز الاختلاط ؟
ما جزتها يوم ان ابن دابس مكبس غترته = واليوم من تحت الشباب الشيب يسحب بالبساط !
من فرط بعرض امهات الناس فرط بمرته = يوم الفتاوي اصبحت فوضه ولعبه واعتباط
مدري وش اللي صار بالماخوذ غير نظرته ؟ !=يارب سترك من زمان العولمه والانحطاط
مدري وش اللي صار في صوته وغير نبرته ؟ != والمسبحه صارت لعب والمرجله صارت اهياط
ماعاد نعرف وش يبي عجزت أفكك شفرته = يكتب بدون انقاط وبعض احيان يكتب بالنقاط !
معاويه لوهو حضر يقص حلمه شعرته = يسيل دم الجاريه فوق الكراسي والبلاط
يوم الشفق يسحر وتسحر كل ناظر حمرته = واليوم اشوف القاهره تضحك على ليل الرباط
حتى المطر ماهو مطر والقطر ماهي قطرته =وقوس القزح كنه على صحراء ضمى الدنيا سياط
وترى الرجل في ضحكته يا شيخ يدفن عبرته = يعني على راي المثل ما يعني الضحك انبساط
ليت الرجل يبقى رجل بالستر يكسب شهرته = والا ترى ثوب الستر لانشق ما يفيد الخياط
خالف وتعرف حيلة المسكين وهذي قدرته = يجمع نقاطه من كثير الهرج في سوق النقاط[/poem]
[align=center]
وسلامة قلوبكم [/align]
[/align]
تعليق