السلام عليكم ورحمة الله وبركاته
اشتكى لي احدهم من الضيق والهجر والحب وما إلى ذالك فأهديت له هذه البويتات مداعباً وممازحاً له لعله يهدأ ولا يعطي الامر اكثر مما يستحق والحمد لله اتت بنتيجه
واليكم القصيده
[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بين بعد المكان وبين هجر الخليل=جمرة الشوق تكوي صدر غليونها
باح صبر الموده ما بقى إلا قليل=والدقايق بها تمشي على هونها
يالله لا تجعل المدّات في يد بخيل=يا شحاح المباسم لا تمنّونها
صرت يا قايد الغزلان كنّي دخيل=عيشتي من غلاكم ما ترشونها
من تجرع هواكم عاد مثل القتيل=تذبحون النفوس ولا تعزونها
الغلا يا خشوف الصيد حمله ثقيل=ترتعد به كتوف طويق ومتونها
راكد العقل يصبح في هواكم هبيل=دايم اهل الصبابه لي يقولونها
دمعة الودّ من محجر جفاكم تسيل=شفت قدر التواصل طاح من نونها
العتب للقلوب اللي تقسوت غسيل=والصراحه دوا القسوه وصابونها
من تغانا وقرّب مهرته للرحيل=حنشل الهجر والله ما يردونها
بعد ما كان له لبّ الفؤآد ارخبيل=جفّ نبع الحنان وذبلت اغصونها
راعي الوجد في حكم النواعس ذليل=حتى لو كان شيخ الدار وحصونها
يرشد الناس ويسولف وقلبه عليل=وإن نظر عين محبوبه هلك دونها
الجوى مهنته بين المشاعر عميل=سار يعرف خفاياها ومضمونها
والمولع برا حاله وجسمه نحيل =لو تقله هلابك قال وش لونها
كلّ ما قلت وينك قال عابر سبيل=سكّةٍ تجبر العشاق يمشونها
دام درب النوى للمبتلي مستحيل=فكّو اضلاع صدره وابعدوا كونها
من نوى يشري الماسه بليّا كفيل=لا يغرّه بريق ونضف ماعونها
الجواهر لها صايغ وخام ودليل=تعرفه من يدين اللي يصوغونها
غاب خيط الشفق والليل عاده طويل=ولا يهم الليالي جرح مطعونها
يالهواوي ترى لو تقطع الفين ميل=كلّ ديره تعاني سم طاعونها
اشتر الرنج بأوراقه وختم الوكيل=واترك اللي هل السرعه يكدونها
حطّ تحت المراتب للطواري صميل=وانثر ابيات شعرك فوق طبلونها[/poem]
اشتكى لي احدهم من الضيق والهجر والحب وما إلى ذالك فأهديت له هذه البويتات مداعباً وممازحاً له لعله يهدأ ولا يعطي الامر اكثر مما يستحق والحمد لله اتت بنتيجه
واليكم القصيده
[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بين بعد المكان وبين هجر الخليل=جمرة الشوق تكوي صدر غليونها
باح صبر الموده ما بقى إلا قليل=والدقايق بها تمشي على هونها
يالله لا تجعل المدّات في يد بخيل=يا شحاح المباسم لا تمنّونها
صرت يا قايد الغزلان كنّي دخيل=عيشتي من غلاكم ما ترشونها
من تجرع هواكم عاد مثل القتيل=تذبحون النفوس ولا تعزونها
الغلا يا خشوف الصيد حمله ثقيل=ترتعد به كتوف طويق ومتونها
راكد العقل يصبح في هواكم هبيل=دايم اهل الصبابه لي يقولونها
دمعة الودّ من محجر جفاكم تسيل=شفت قدر التواصل طاح من نونها
العتب للقلوب اللي تقسوت غسيل=والصراحه دوا القسوه وصابونها
من تغانا وقرّب مهرته للرحيل=حنشل الهجر والله ما يردونها
بعد ما كان له لبّ الفؤآد ارخبيل=جفّ نبع الحنان وذبلت اغصونها
راعي الوجد في حكم النواعس ذليل=حتى لو كان شيخ الدار وحصونها
يرشد الناس ويسولف وقلبه عليل=وإن نظر عين محبوبه هلك دونها
الجوى مهنته بين المشاعر عميل=سار يعرف خفاياها ومضمونها
والمولع برا حاله وجسمه نحيل =لو تقله هلابك قال وش لونها
كلّ ما قلت وينك قال عابر سبيل=سكّةٍ تجبر العشاق يمشونها
دام درب النوى للمبتلي مستحيل=فكّو اضلاع صدره وابعدوا كونها
من نوى يشري الماسه بليّا كفيل=لا يغرّه بريق ونضف ماعونها
الجواهر لها صايغ وخام ودليل=تعرفه من يدين اللي يصوغونها
غاب خيط الشفق والليل عاده طويل=ولا يهم الليالي جرح مطعونها
يالهواوي ترى لو تقطع الفين ميل=كلّ ديره تعاني سم طاعونها
اشتر الرنج بأوراقه وختم الوكيل=واترك اللي هل السرعه يكدونها
حطّ تحت المراتب للطواري صميل=وانثر ابيات شعرك فوق طبلونها[/poem]
[/align]
تعليق