الامانه

[align=center][rams]http://smanalhrj.org/mlffat/files/1937.rm[/rams]
[poem=font="Simplified Arabic,4,#080800,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الامانه ياطويل العمر ماكلٍ عرفها=غير ياليتك تقول اليوم وش معنى الامانه
واحدٍ قال الامانه ناقةٍ تاكل علفها=وواحدٍ قال الامانه مالها ذالوقت خانه
وانت لوشفت العرب وش لون تاكل في طرفها=ماتخلّي واحدٍ منهم وراسه في مكانه
غير شفها ياطويل العمر يانفداك شفها=لين تدري منهم اللي يستحقون الادانه
عالمٍ من خير ذالدولة تنعّم في ترفها=ايتمتّع في نفوذه وايتمنّع بالحصانه
الوجيه اللي على حب الطمع باعت شرفها=اخلفت درب السيول وحطّت العالم وزانه
وانشد اهل الديرة اللي عاصف الماطر عصفها=يوم جا سيل الربوع وعان درب السيل عانه
البيوت اللي دخل فيها على دربه جرفها=والنفوس استشهدت والله يفاولها جنانه
والشباب اللي ترعرع طول عمره في كنفها=ما اسعفه وقته ولاهي سرّته خبرة زمانه
مادرى انه في طريق التهلكه روحه حذفها=لين شيّع والدينه عُقْب ماشيّع اخوانه
والعيون اللي تدامع وا اسفها وا اسفها=مالها غير الدموع ودبرة الله جل شانه
منهو اللي خطط الديره ومنهو اللي رصفها=ومنهو اللي سكّر دروب السيول بخيرسانه
ومنهو اللي وقّع صكوكه وهو خابر تلفها=ومنهو اللي داريٍ عنها ولاطلّع بيانه
ومنهو اللي من كثر ماياخذ الرشوة ولَفْها=يوم ولّيته على الامه تحَسْب انّه تكانه
كلّهم قدّام عينك شلّةٍ والله كشفها=وانت عاد ابخص وتدري ويش ماجوب الخيانه
ياتجي عبره ومنها يعتبر من جا سلفها=ياتروح نفوس من ماتوا على ذمة الامانه[/poem][/align]

اخوي سعيد الاكلبي

قوة الشعر .قوة المعنى .قوة الفكر

ماذا اقول . كثر الله من امثالك ومتعك الله بالسعادة في الدارين

بيض الله وجهك ياسعيد وصح لسانك

والله يكون في عون اخواننا في جده وحسبنا الله ونعم الوكيل في من تسبب في هذه الكارثه

لاهنت يالاكلبي

استوقفني كثيرا هذا النص الراقي الغير

مستغرب على رجل وشاعر بحجم سعيد بن مقبل


ياتجي عبره ومنها يعتبـر مـن جـا سلفهـا
ياتروح نفوس من ماتوا على ذمـة الامانـه

باتجي عبره ومنها يعتبـر مـن جـا سلفهـا
ياتروح نفوس من ماتوا على ذمـة الامانـه


صح لسانك مليون ولايسدون يابو مقبل

+++

منهو اللي خطط الديره ومنهو اللـي رصفهـا
ومنهو اللي سكّر دروب السيـول بخيرسانـه
ومنهو اللي وقّع صكوكه وهـو خابـر تلفهـا
ومنهـو اللـي داريٍ عنهـا ولاطلّـع بيانـه
ومنهو اللي من كثر ماياخـذ الرشـوة ولَفْهـا
يوم ولّيته علـى الامـه تحَسْـب انّـه تكانـه
كلّهـم قـدّام عينـك شـلّـةٍ والله كشفـهـا
وانت عاد ابخص وتدري ويش ماجوب الخيانه
ياتجي عبره ومنها يعتبـر مـن جـا سلفهـا
ياتروح نفوس من ماتوا على ذمـة الامانـه




قصيدة رجل كفو غيور على الشعب محب للوطن يواكب أحداث المجتمع أول بأول حتى اصبح لهم (صوت من لاصوت له)

من منطلق حديث الرسول صلى الله عليه وسلم فيما معناه ( من رأى منكم منكراً فل يغيره 00000 فإن لم يستطع فبلسانه000000الخ)

[align=center]

صح الله لسانك

ودائماً نصوصك جميلة وراقية وهادفه


اخوك

ارحب ياعبدالله
وصح بدنك والله يسلمك يالكفو[/align]

[align=center]

لله درك يابومقبل

قصيده تحمل اسمى اهداف الحياه

وابداع لايستغرب من شرواك

تقبل تحيات اخوك

ارحب يابومناحي
والله يجمل حالك على مرورك الجزل يابالجزلات[/align]

[align=center]

كم هو مؤلم ان نرى ان النفوس البشرية تصبح بلا قيمة تذكر امام اشخاص بلا ضمير وبلا امانه اخي القدير ان اخذ ربك اليم شديد انما غفلت نفوسهم عن الحساب الديني والدنيوي فاصبحت لا تخشى شيئا
صح الله لسانك والله يعطيك العافيه يابو مقبل

اشكرك ياشواهق نجد على هذا التعليق الرائع والكلام الجزل
صح بدنك والله لايهينك على مرورك[/align]

[align=center]

سعيد
صح السانك ولاهنت
ايبالله انك صدوق
كفيت ولا هفيت
تحياتي لك

ارحب يامحمد
وصح بدنك والله لايهينك على مرورك الجزل[/align]

[align=center]

ابو مقبل بـــحــر في المعنى والجزاله والحبك والاداء وانتقاء الموضوووع

شاااعر لا يشق لك غباااار من العيار الثقيل

واافيه وجزله من راااس واافي وجزل لاعدمتك

سطر حضوررري وبقوووهـ ياقرم

ارحب ياجمال
ولاهنت ولاهان غاليك
سرني مرورك[/align]

[align=center]

قصيدة طيبة



صح لسانك


مدد بلاعدد


تقديري


:




:

طاب حالك يامعاني الشوق
وتسلمين على مرورك[/align]

[align=center]

ونعم ياسعيد




صح لسانك وبيض الله وجهك




نص لاذع وعبره لمن لايعتبر وعسى الله يديم الامن والامان ويكفينا شر غضبه ويجعل حالنا من احسن الى احسن





لاهنت ياسعيد

ارحب يامحمد
والله يبيض وجهك ولايهينك ياطويل العمر[/align]

[align=center]

ابو مقبل


تبي الامانه عزالله انك

شاعر اطرب له وتعلم منه

جزاله معاني ساميه مفرده مفهومه

ترابط فكره كل شي موجود في قصيدة بن مقبل


دمت بخير

ارحب يافهيد
ويسلم لي راسك ياراعي الكلام الذرب[/align]

[align=center]

ابومقبل

ابدعت ولاغرابه

نص نبيل يدل على نبلك

وانت كفو



صح الله لسانك



تحياتي لك

ارحب يافهد
والله يجمل حالك ياطويل العمر
ويسلم لي راسك[/align]

[align=center]

كلّهـم قـدّام عينـك شلّـةٍ والله كشفـهـا
وانت عاد ابخص وتدري ويش ماجوب الخيانه
ياتجي عبره ومنها يعتبر مـن جـا سلفهـا
ياتروح نفوس من ماتوا على ذمـة الامانـه


:
:

وامام عيناي ومسامعي نص مُعبر
صح لسانك يابومقبل

وامامي رد رجال وافي
لاعدمتك يابوسعد[/align]

[align=center]

[align=center]الله يعطيك العافيه على هالجزله يامبدع


ولا شك ضياع الامانه مؤشر خطير على الفساد


واذا ضيعت الامانه انتظر الساعه وضياع الامانه اسناد الامر الى غير أهله


تحياتي وتقديري[/align]

ارحب ياعبدالرحمن
ولاهنت ياطويل العمر[/align]