سراب وحلم

متواضعه للتواصل


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

احيان يوم القاف يطلق سراحه = يجيه مدري وش يجيه ويعيقه

كنت استلذ الغوص واهوى السباحه =واطب في قاع البحور العميقه

واليوم مارس ضيق صدري وقاحه = القاف شيّب والمساحه طليقه

ماكنى الا من يجر النياحـــــه = قدام عينه.. شاف موتة رفيقه

او فارس تملا الكنانه رماحه = والموت ابن عمه واخوه وشقيقه

وترجل الفارس ووطي سلاحه = ماكلف الله نفس مالا تطيقه

مدرى عن الهاجوس نامت جراحه = والا فقد روحه ولمعة بريقه

وقلب البنادم حين يخفض جناحه = يرمي بشرهات العرب في حريقه

وانتى بلا موعد وفي وسط ساحه = تمر فيها اصناف كل الخليقه

شفتك وقلبي تم منك اجتياحه = في فترة ٍ ماكملت لو دقيقه

حسيت في شوفك بنشوه وراحه = يا انتى جميله فالحضور وانيقه

من شاف حسنك صعب يكبح جماحه = الزين وافي والملامس رقيقه

جيتى وضاقت بالهموم المساحه = والحزن اخذ حاله وراح بطريقه

كنك نهار دوب شعشع صباحه = تصدح عصافيره وشمسه مويقه

وياهل ترى؟ ..وابغي الجواب بصراحه = انتى سراب وحلم والا حقيقه[/poem]

احجز لي المقعد الاول لو سمحت

حضور رائع كالعادة
صح لسانك مددقصيده رائعة وتحمل الشعر أبدعت لله درك
دمت بخير

ارحب يامحمد
ومن طول الغيبات جاب الغنايم
استراح الهاجس وجابها سمين
ويسلم لك من حرّك البحر الهادئ
ولاعجمت ياكحيلان

وترجـل الفـارس ووطـي سلاحـه
ماكلـف الله نفـس مـالا تطيـقـه
مدرى عن الهاجوس نامـت جراحـه
والا فقـد روحـه ولمعـة بريـقـه
وقلب البنادم حيـن يخفـض جناحـه
يرمي بشرهات العـرب فـي حريقـه


الله يصح لسانك يالسليس

ولاهنت على هـ النص العذب

مبدع يالشاعر وغني عن شهادتي

لك التقدير طال عمرك’,,

ارررررررررحب يابوعلي




وصح لسانك وعلاشانك




حضورك مثل المطر وقصيدك مثل العطر يابوعلي



تقبل تقديري

محمد السليس


صح السانك امتعنا ماقرينا

لاهنت


::
تحيتي

محمد السليس

صح الله لسانك

اتحفتنا بهذه الرائعة

شاعر مبدع بحق


تحياتي لك

ماكنـى الا مـن يـجـر النيـاحـه
قدام عينـه.. شـاف موتـة رفيقـه

:
:

سلس ياسليس في التصوير


دام عطائك وحضورك