Tweet
جاءتني هذه الأبيات الجميلة عن طريق الجوال ويبدو والله أعلم أنها للشاعر : عبدالله الغيث
يوم الرسايل صارت اليوم ببلاش
كبت من اللي قاطعين الرسايل
قامت تجيني مثل طلقات رشاش
وإلا كما سيل من المزن سايل
حتى عيوني ما الحقت ترمش إرماش
ماهن على وحدة يجنك جمايل
اثر القطيعه خوف من دفعة الكاش
وانا احسب اللي صد بالقلب شايل
معقوله إن الناس ما عاد تعتاش
معقوله ربع ريال سوا هوايل
الشاعر/ عبدالله الغيث
[وكان الرد مني]
لا والله ألا جاهم جنان وخراش
وياليتها بعلوم طيب وجزايل
لا شك فاكثرها رسايل على ماش
كلام ما ينفع وسب القبايل
منها رشيد العقل يتعب وينداش
وش فيه حال الناس بالحيل مايل؟!
ولو يقدر الجوال من كفي انحاش
وين الشهامة يا عيال الحمايل؟!
الوعي والتفكير في حالة انعاش
على تخلفنا يا كثر الدلايل
عايض بن مساعد
ثم أرسل لي الشاعر القدير : عويّد المطرفي بهذه الأبيات :
اللي تعاني منه يا رابط الجاش
حنا نعاني منه والعلم هايل
صارت رسايل ربعنا طاش ما طاش
نكت وهمز ولمز و السيل سايل
وين النوادر والطرايف والإنعاش
اللي تبادلها عراب السلايل
وين القلوب اللي تلالا كما الشاش
وين الوناسه والوفا والجمايل
راحت بها الأيام ما عاد تناش
أبعد من اليابان عن شرق حايل
تحياتي للجميع
يوم الرسايل صارت اليوم ببلاش
كبت من اللي قاطعين الرسايل
قامت تجيني مثل طلقات رشاش
وإلا كما سيل من المزن سايل
حتى عيوني ما الحقت ترمش إرماش
ماهن على وحدة يجنك جمايل
اثر القطيعه خوف من دفعة الكاش
وانا احسب اللي صد بالقلب شايل
معقوله إن الناس ما عاد تعتاش
معقوله ربع ريال سوا هوايل
الشاعر/ عبدالله الغيث
[وكان الرد مني]
لا والله ألا جاهم جنان وخراش
وياليتها بعلوم طيب وجزايل
لا شك فاكثرها رسايل على ماش
كلام ما ينفع وسب القبايل
منها رشيد العقل يتعب وينداش
وش فيه حال الناس بالحيل مايل؟!
ولو يقدر الجوال من كفي انحاش
وين الشهامة يا عيال الحمايل؟!
الوعي والتفكير في حالة انعاش
على تخلفنا يا كثر الدلايل
عايض بن مساعد
ثم أرسل لي الشاعر القدير : عويّد المطرفي بهذه الأبيات :
اللي تعاني منه يا رابط الجاش
حنا نعاني منه والعلم هايل
صارت رسايل ربعنا طاش ما طاش
نكت وهمز ولمز و السيل سايل
وين النوادر والطرايف والإنعاش
اللي تبادلها عراب السلايل
وين القلوب اللي تلالا كما الشاش
وين الوناسه والوفا والجمايل
راحت بها الأيام ما عاد تناش
أبعد من اليابان عن شرق حايل
تحياتي للجميع
تعليق