مدهل الطيب

السلام عليكم ورحمة الله وبركاته

أولا أعتذر عن غيابي لظروف خارجة عن الارادة


منصور بن حمد بن حميد الصميلي السبيعي

رئيس احدى قطاعات الأمن الصناعي في شركة أرامكو السعودية

رجل معروف وذاع صيته بالكرم والأخلاق العالية وكسب المراجل بيمينه

زارنا في الكويت قبل مدة ثم دعانا قبل ثلاثة أيام في منزله العامر بالدمام

فوجدنا أجمل صور الترحيب وكرم الضيافة الغير مستغربة على أبو حمد

حيث أقام وليمة كبيرة على شرفنا حضرها الكثير من كبار الشخصيات

ولفيف من الأهل والأقارب الذين تسابقوا لاستضافتنا جزاهم الله خيرا

وقبل العشاء ألقى ابنه محمد بن منصور قصيدة ترحيبية بالضيوف

ثم قلطونا على العشاء المشرف ( قعود وخروفين ) بيض الله وجهه ومن يقرأ

فقلت هذه الأبيات المتواضعة في أبو حمد وهو بلاشك يستاهل أكثر منها

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الطيب له بين النشاما مداهيل=والطيب منصور الحمد مدهلٍ له

النادر اللي للصعيبات حلحيل=اللي على روس المعالي محله

قصرٍ رفيعٍ عانق الجدي وسهيل=رمز الكرم والجود كلٍ يدله

ريف الخوي والضيف منصى المشاكيل=الطايله كسبه بدقه وجله

ضلعٍ شمخ فوق القلوب المغاليل=وسيف المراجل في يمينه يسله

وربعه بني عمي قروم الرياجيل=آلاد صامل منقع الطيب كله

وحنا خواله متعبين المشاويل=قحص المهار اللي عليها الأجله

لاد القريشي محتمين المباهيل=من دونها نفرق خليلٍ وخله

ولي الشرف بالمدح بدع التماثيل=باللي جنابه لا حشى ما نمله[/poem]

[align=center]خالد عبدالله السبيعي[/align]

ونعم ونعم
وصح لسانك ياخالد
يستاهل من يفعل الطيب

صح الله لسانك ياابا عبدالله وغياب ملحوظ وبـانتظار ماتجود به في بوحك القادم

ونعم فيك وفيه
تستاهلون الطيب
وراعي العلم الغانم يستاهل الذكر


تقبل تحيات أخوك الصغير غريب
أبو ولايف

خالد

صح السانك ولاهنت

ونعم فيك وفيه

يستاهل المدح من يستحقه

لك تحياتي

أرحب ياابو عبد الله ترااحيب المطر ومن طول
الغيبات جاب الغنايم كما يقال وهاذي إحداها
صح لسانك وسلمت يمناك على هالراااائعه
وكفو يالاد القريشي والاد صامل عينين في
رأس أسجل إعجابي وتقبل تحياتي ,,,

اررررررررررحب يابوعبدالله



وصح لسانك يالقرم



قصيدة طيبه وتستاهلون المدح انت وابوحمدوربعكم ولايهون الحاضر




تقبل تقديري

ابو عبدالله


والله إنا فاقدينك والله إن لك وحشه كبيره ولكن الحمد للــه على العوده الحميده



وأنتو تستاهلون الكرامه ورفيقكم يفعل الطيب


صح لسانك وبيض الله وجهك ووجهه

هلابك يا خالد

حضور اسعد الجميع حقيقه

حضور بقصيده جزله وصادقه امتلت صور وتشبيهات ومدح لمن يستحق وان دل ذلك يدل على نفسك الطيبه اللي يأسرها اي جميل او طيب

النـادر اللـي للصعيبـات حلحـيـل
..................اللـي علـى روس المعالـي محلـه

صح لسانك ولا عدمنا تواصلك