إستراحة محارب ...!!

[align=center]
نص جديد .. بعنوان [ إسترآحة محارب ]





أولآ : القصيدة بالصوت


[rams]http://www.s303s.net/files//uploads/files/s303s-fbae282003.mp3[/rams]

ثانيا : كتابةً



[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بين الليالي والنتائج تضارب!!=وأكثر سؤال الناس: ( هالوقت وش فيه؟)
أخذت من وقتيْ إستراحة محارب=من ما مضى بآخذ عِبَر لجل تآليه
الوقت ساعه .. والضروف العقارب=أحيان تِزْعل شخص وأحيان ترضيه
وأنا ..؟ كِثِر ماصادفتني تجارب؟=أضيق من وقتي وشعري يغنيه!
ياليت قلبي للحزن سد مآرب=وأهين حزني وسط الأضلاع وأخفيه
طال الزمان وشان وجه التقارب=وبأيامنا ضاعواْ المداوير في التيه
تصفي ونوب إيغثبرن المشارب=واللي يصدّر لو صبر عنه يآتيه
أحدٍ يصدّر ماشرب وأحدْ شآرب=وأحدٍ يجي نص الدلو وأحدْ ماليه
ولضروفنا .. حدب الحنايا مضارب=من كثرها تهنا بوسط المشاريه
لو مايشيل السمّ غير العقارب؟=تضائل المكروه وآمكن تلافيه
إضروفنا تفتل علينا الشوارب=وحنّا ماوالله نسأل إضروفنا ليه!!
والآدمي في العسر يبغى المهارب=درب الهروب إبغالي السعر يشريه!
أمنيّة الغرقان في البحر ؟ .. قارب=وإذا نجا للبر .. زادت أمانيه
فينا عذاريب وبالأيام ذارب=والآدمي يُنشد عن اللي يسويه
أحيان في وجهك جماعتك .. غارب=والأجنبي وجه السَعَد يوم ترجيه
ليت الأجانب بعض الأحيان أقارب=لو كان إبن عمّك ليا جاك .. تعطيه[/poem]





ولكم كل الإحترام



تلميذكم / بدر بن غازي[/align]

نص كـ البدر يابدر

لـو مايشيـل السـمّ غيـر العقـارب؟
تضائـل المكـروه وآمـكـن تلافـيـه
بصراحة يابدر تعبت وانا ادوّر بيت اقتبسه لهذه المنضومة المتعوب عليها
ماشاء الله تبارك الله
ايه هذا الشعر والا بلاش
ولايستريح محارب الشعر عندك الا شدّه بالشد السفري وخلّه يجيب مثل ماجاب

ارررررررررحب يابوغازي



وصح لسانك يالقرم



مبطين منك ومن قصيدك الجزل



تقبل تقديري

ابو ديم

.
.

مبدع ورائع . صح لسانك وقلبك .

.
.


مودتي لك .

:

[ بدر غازي ]

هيض رائع
لا فض فوك ولا انلجم لساانك

إحترامي وتقديري
دمت

:

صح لسانك يابدر غازي

اخذت استراحه طويله عن الشعر استراحه من الالم من كثر ما شان الوقت وزادت مسؤلياته ومنذ فتره حقيقه لم نتابع نصوصك

لـو مايشيـل السـمّ غيـر العقـارب؟
............تضائـل المكـروه وآمـكـن تلافـيـه

بيت رائع وعميق المعنى بيت القصيده بلا تردد

لدي تعقيب على هذه الابيات الاخير


أحيان في وجهـك جماعتـك .. غـارب
..............والأجنبي وجـه السَعَـد يـوم ترجيـه
ليت الأجانـب بعـض الأحيـان أقـارب
.................لو كان إبن عمّك ليـا جـاك .. تعطيـه

والله مانيب معاك في المعنى الاجنبي وجه السعد ويفضل على القرابه !! الواحد ماله الا جماعته وعصابته

المثل يقول (قريبك لو ماحبك ارحمك )

مجرد وجهه نظر في المعاني تقديري واحترامي

بدر



حياك الله وبياك


حضورك دائماً مشرق وغيابك موجع



لاهنت ياكحيلان

بدر\


صح لسانك ولا عدمنا حضورطك الغالي

تقبل تحيتي


مشهوووور....

حمد



فديت حضورك يالاصيل

الله الله يا بو غازي

حبك وسبك وشاعرية مفرطة


تقبل مروري الضئل أمام قامة الشعر


لك وافر التقدير

سعيد

علي بالحرام ان حضورك غالي علي بالحيل

ردك يالاصيل بمثابة شهادتة اعتز بها للابد

فالشعر لن ما ارضى المطاليق شرواك ومن يسمع فلا خير فيه


احترامي ياغالي

هادي

فديت خشمك يابعد راسي



احترامي

ابو داحم

غالي والله العظيم وحضورك غالي حيل



احترامي ياريّس

أختي شجن

حضورك هو الاروع


احترامي