رجـــــــع سلـطـــــان

[align=center]نحمد المعطي المتفضل المنان
ربنا الخالق المعبود سبحانه


السميع المجيب الواهب السلطان
الجليل العظيم المعتلي شانه


نشكره في عطاه الباري الديان
ونحمده ما سجد عبده لرضوانه


يابلادي صباحك تو نوره بان
وتو ابو متعب اقفت عنه احزانه


ابتهج ياوطن توه رجع سلطان
سالم وغانم ومشتاق لاوطانه


رده الله بدعوة شعبه الشفقان
لعطاياه ولجوده ولاحسانه


الكرم والوفا والطيب والاحسان
عادت بعودته شفقه وطربانه


ومدة الجود في الظاهر وفي الكتمان
شوفيت مع شفاه وصحة ابدانه


من يبشر ضعيف يشكي الحرمان
ومن يبشر مريض زادت اشجانه


ومن يبشر يتيم ضايق حيران
ينتظر رجعته .. ويبشر اخوانه


ومن يبشر بوجه السعد والسلوان
الوطن باكمله .. ارضه وسكانه



عاد سلطان وابيض وجه ياسلمان
موقفك نادر وتشكر على شانه


عاد سلطان .. حظ الشعب توه زان
عاد سلطان .. غنى الطيب بالحانه


بشروا جده ومعها جبل دخان
عاد عضد المليك وخيرة اعوانه


مرحبا ما سجد عبد وخفق جنحان
وما اجتمع غيم واسبل جود ودانه


رجعتك رجعت الروح لجسد الانسان
وشوفتك شرعت للفرح بيبانه[/align]

الحمدلله على سلامة ابوخالد


وصح لسانك يامسعود لاهنت

صح الله لسانك يالشاعر

ولاهنت على هالوطنيه الجزله

والحمد لله على سلامة الأمير

تقديري,’’

مسعود

صح لسانك وهكذا هما الشعراء المتمكنين واصحاب الولاء تجدهم اينما تتواجد وتحل المناسبات

صح السانك واعتلاشانك

والحمدلله على سلامة ولي العهد وعودت

بدعت وأبدعت في الطرح


:

:

كل التقدير

الغاااالي / مسعوود

طيب رااس وساس معدن نفيس

والحمدلله على سلامة سيدي ولي العهد

مسعود
صح السانك
ونحمد الله على سلامة سموه
ابدعت والله لا يهينك
تحياتي لك

الشاعر مسعود
صح لسانك

وصدقت مشاعرك في الولاء لولاة الأمر




لك احترامي

شكرا للجميع بدون استثناء

مسعود صح الله لسانك وجعل ماهوب اتلا


وسلطان الخير يستاهل والحمدلله على عودته سالم وانت وافي

بيض الله وجهك يانقي


مشاعر صادقه



والحمد للــه على سلامة ابو خالد

شكرا للجميع

l

لله درك

مسعود اليامي

نص فاخر و زاخر

سلمت عليه وبوركت

صح بوحك

تقبل مروري المتواضع


l