ياسياج الدار يالدرع القويا

السلام عليكم

الفرحة اكبر من ان تعبر عنها قصيدة

ولكن مشاركة مني وتعبيرا عن فرحتي بمقدم سمو الامير سلطان بعد شفائة كتبت هذه القصيدة املا ان تحوز على رضاكم

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يوم زان البدع والمعنى تهيا=واالقوافي جيت اقدمها هدايا



نحمد الله عد ذعذاع نديا=وعد همال الوسوم من الرفايا



يوم عافا د رعنا سمح المحيا=ابو خالد سيدي وافي السجايا



وللوطن في فرحتي حق عليا=مثل حقه لادعى داعي الحمايا



ياوطن قدرك رقا فوق الثريا=انت عالي ماعليك من الحكايا



ياوطن نفرح بعزك ونتفيا=في ظلالك عن هجير وعن شظايا



بيرق ال سعود يجمعنا سويا=بالمدن هي والبوادي والقرايا



شعبنا وافي وحاكمنا وفيا=والصدور بحب عبد الله ملايا



اشهد انه قايد ماله حليا=ولجل شعبه مال قوماته حلايا



غير ابوه اللي عن الخذلان عيا=ووحد الامه على ظهور المطايا



ولابو خالد راعي الكف النديا=من صميم قلوبنا نرسل تحايا



ياسياج الدار يالدرع القويا=ياذرانا عن كبيرات البلايا



لاومرنا للجهاد وقال هيا=تحت رايه مانهاب من المنايا



ونايف اللي بالشجاعة والحميا=يدحر الارهاب ويقودالسرايا



قام يطوي صفحة الارهاب طيا=وقادة الفتنة وطاهم بالحذايا



هكذا قمع الفتن والا بليا=المهادن مايفيد مع الحيايا



وعزنا سلمان حي الذكر حيا=الامير اللي جمع خير المزايا



الكرم والدين والخلق الرضيا=والسداد وحل صعبات القضايا



باسمك اللهم يالرب العليا=قابل التوبات غفار الخطايا



ياولي مالنا غيره وليا=ياعليم بالبيان وبالخفايا



اطلبك يالله وارفع لك يديا=يالله انك لاتخيب لي رجايا



انصر اهل الدين والنهج السويا=وعزهم بالنصر يارب البرايا



واخذل اهل الحقد والعلم الرديا=قادة الفتنة خبيثين الطوايا



والسلام ختام ماغرد شجيا=وردد الحانه على خضر الشغايا









[/poem]

الغااالي/عبدالرحمن

اشهـد انـه قايـد مالـه حليـاولجل شعبه مال قوماتـه حلايـا
غير ابوه اللي عن الخذلان عيـاووحد الامه على ظهور المطايا


صح لساانك على الشااعريه الفذه

ويستاهل امير الوفاء والخير

دمت بووود يالقرمـ

يسلم راسك وفكرك ياعبدالرحمن
قاف رائع ومشاعر الشاعر الوافي
لاعدمناك

اشهـد انـه قايـد مالـه حليـاولجل شعبه مال قوماتـه حلايـا
غير ابوه اللي عن الخذلان عيـاووحد الامه على ظهور المطايا
ولابو خالد راعي الكـف النديـامن صميم قلوبنا نرسـل تحايـا
ياسياج الـدار يالـدرع القويـاياذرانـا عـن كبيـرات البلايـا
لاومرنـا للجهـاد وقـال هيـاتحت رايه مانهاب مـن المنايـا
ونايف اللي بالشجاعة والحميـايدحر الارهـاب ويقودالسرايـا
قام يطوي صفحة الارهاب طيـاوقادة الفتنـة وطاهـم بالحذايـا
هكـذا قمـع الفتـن والا بلـيـاالمهـادن مايفيـد مـع الحيايـا
وعزنا سلمان حي الذكـر حيـاالامير اللي جمع خيـر المزايـا
الكرم والدين والخلـق الرضيـاوالسداد وحل صعبات القضايـا


اررررررررررررحب ياعبدالرحمن



وصح لسانك يالقرم



وعسى الله يحمي وطنا في حكم القياده الرشيده



لك تقديري

بيض الله وجهك يانقي


مشاعر صادقه



والحمد للــه على سلامة ابو خالد

جمال الجابري
صح بدنك
شكرا لمرورك الجزل
تقبل تحياتي

القدير عبد الرحمن
الله يعطيك العافيه بدعت وأبدعت صح السانك
:
تقديري

عبدالرحمن العريفي

.
.

صح قلبك وولاء يستحق سلطان الخير ...

.
.


مودتي لك .