يارفيق القـاف هـز الجميـع بكلمتـك

[صقرراشدالسلوة]

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يارفيق القـاف هـز الجميـع بكلمتـك=خل كل الناس لاغبـت عنهـم يسألـون
إنثر الأشـواق هـذي مواسـم غيمتـك=دام عشاق القصايـد لـوردك يقطفـون
ادري إن الصمت لاشك دايـم حكمتـك=عن كثير الهرج مانته مع اللي يكتبـون
هايمٍ فـي كـل وادي وهـذي قسمتـك=تتبـع اللـي هـم يقولـون مالايفعلـون
فسحة الدنيا تـرى مـا تقلـل حشمتـك=كم وكم شاعر بدع في طواريق اللحـون
بيّـن الخافـي وفجّـر منابـع جمتـك=لا تكذّب هقوتك روعة الشعـر الجنـون
فيك روح الحب تعزف روايـع نغمتـك=لا تصحّي سكرة الحلـم داعيهـا يمـون
اكتشف لـذة عـذاب الغـرام بظلمتـك=القليـل اللـي بنظـم القوافـي يبدعـون
افتح الجبهـات بيّـن مواقـع بصمتـك=لك حضورٍ يربك الليل واطياف السكـون
امسياتك وحدتـك والوفـا هـو شيمتـك=لو تناستك الصحايف وصوت المكرفـون
القصايـد همّلتهـا هواجـس زحمـتـك=احفظه تذكار ماهـي سواليـف وظنـون
سجل اقـوال اعترافـك وبـرّر تهمتـك=ترجم احساسك على أي شكل وأي لـون
ينتصف ليل المشاعـر بطلعـة نجمتـك=لا تعدّى في خيالك سنـا هـاك العيـون
عاشق اللي بالهـوى لايـزال بعصمتـك=علّم المشتاق وصل المحبـة وش يكـون
لـك حبيـبٍ لا تبسّـم تعـاود بسمتـك=مثل ماعاود جفاف الورق خضر الغصون
الغـلا والعشـق الأول يـزوّد همـتـك=مثل مايحيي هشيم الوطا وبـل المـزون
عند كل اللـي يعرفـك رفيعـه قيمتـك=انت ابو صدق المشاعر وابو قلبٍ حنون
يكفي إن العمر باقـي أمـل فـي ذمتـك=بالصبر ياما على القلب شيّدت الحصون
النوايـا بيـض لالا تغـيّـر سهمـتـك=ماعليك من الملامـه ولاهـم يحزنـون
كمّل المشـوار واحسـن بقايـا ختمتـك=الأمانـي باقيـة هـوّن الدنيـا وتهـون [/poem]

صقر




صح لسانك


وافيه وسعدت بسبق المصافحه



لاهنت

كمّل المشـوار واحسـن بقايـا ختمتـك
الأمانـي باقيـة هـوّن الدنيـا وتهـون

القدير صقر

دائماً نتتبع اثر قصائدك ونبحث عن جديدك

صح لسانك

مدد بلاعدد

قصيدة طيبه بين ثناياها ابيات رائعة ..

تقديري


:


: