يا حالمه

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ما اقول في ( حد الامل ) اشكي الشوق =ولا اقول من ( باقي رمادي ) بكيتي
اقول مهما اكتب مواويل و طروق=انشر عشان انتي لشعري هويتي
ولا اقول لك قلبي من الصدر مسروق =اقول هو اللي سرقك و خذيتي
يا عذبة الالفاظ و الطبع و الذوق=ياسيدة كل المشاعر وفيتي
و ادري بأنك للوفاء كلك حقوق=و لو تبحثي مثلي ترا ما لقيتي
أنا اشهد انك فرق عن كل مخلوق=فيك يتميز كل شيءٍ حويتي
تدرين ليه النخل ينبت له عذوق؟=كله عشانك فوق رمله مشيتي
مثل الجواهر غاليه دوم بالسوق=ولو طال عمرك ما رخصتي غليتي
يسوق قلبي بالغلا خطوتي سوق=و اجيك مشعر مثل مانتي رأيتي
ماهي قضية قلب عاشق و معشوق=انا اعتبرتك شمعتي لو سريتي
و إن كان قلبي من صدى الهم محروق = تشفى حروقه لو ثواني حكيتي
يا حالمه قصر الهواء معتلي فوق=بيدينك الثنتين طوبه بنيتي
شوفي شبابيكه تناديك برفوق =ما ينسكن يا حالمه و ان جفيتي
في غيبتك واسع كياني لي يضوق=و يوسع بعيني كل ما انتي لفيتي
ولو صار شعري لاغلب الناس مبيوق =يكفيني انتي قبلهم له قريتي
ما قصدي الشهره ولا انا لها اتوق=برضي غرورك من تعابير بيتي
وهذي حروفي يالغلا تحكي الشوق=تعزف دموعك يالغلا لو بكيتي[/poem]

صح لسانك ملايين واعتلاا شانك
لاهنت على هذه الرائعه

ارحب يازايد
وصح لسانك وطاب بيانك على هذا النص الرائع

ما قصدي الشهره ولا انا لهـا اتـوق
برضي غرورك مـن تعابيـر بيتـي

:

دام تواصلك وعطائك يازايد
تقديري

يا حالمه قصر الهـواء معتلـي فـوق
بيدينـك الثنتيـن طـوبـه بنيـتـي

::
وظفتها خير توظيف

لان كل فتاه لها فارس أحلام

وعزالله بنيت ابيات صح السانك

يازايد وادم عطائلك



::
كل التقدير

اخي القدير زايد

بحر معطاء ومشاعر فياضة

ووفاء وحب عذري ترددة ابيات قصيدتك

جميل جدا ما انسكب هنا من مشاعر

الله الله
عليك صح لساانك مليون
ولا تكفيك
تقبل مروري

سعيد

صح بدنك يالغالي

تشرفت بحضورك طال عمرك


دمت بخير

[align=center]يامرحبا بزايد الروقي

قصيدة جميله ومعبره وغلبت عليها الصياغه الرصينه وكذلك التصوير والتشبيهات البليغه


بيت القصيده بيت معبر

ولا اقول لك قلبي من الصدر مسروق
اقول هـو اللـي سرقـك و خذيتـي


قفله موفقه وخاتمه قويه

وهذي حروفي يالغلا تحكـي الشـوق
تعزف دموعـك يالغـلا لـو بكيتـي


لدي ملاحظه نقديه بسيطه اصنف اسلوبك من الشعراء الاسهابين الي يسهبون في النص بمعنى ان القصيدة عبرت عنها 17 بيت وهي تحتمل الثمانيه او السبع ابيات او تسعه ولو اختزلناها سوف يكون بنائها الفني ا قوي واوقع في النفس واجمل ولا يعيبها الطول ولكن اريد رايك لو جعلناها بهذا الشكل مع التخلي عن بعض الابيات واختيار بيت الاستهلال بنداء وبعده نداء يا عذبه ...يا حالمه لايجب ان نفصل بين النداء حتى لايكون هناك استطراد في الصياغه


يا عذبة الالفـاظ و الطبـع و الـذوق
ياسيـدة كـل المشـاعـر وفيـتـي
يا حالمه قصر الهـواء معتلـي فـوق
بيدينـك الثنتيـن طـوبـه بنيـتـي
أنا اشهد انك فرق عن كـل مخلـوق
فيـك يتميـز كـل شـيءٍ حويـتـي
تدرين ليه النخل ينبـت لـه عـذوق؟
كله عشانـك فـوق رملـه مشيتـي
يسوق قلبي بالغـلا خطوتـي سـوق
و اجيك مشعر مثـل مانتـي رأيتـي
ماهي قضية قلب عاشـق و معشـوق
انا اعتبرتـك شمعتـي لـو سريتـي
في غيبتك واسع كياني لـي يضـوق
و يوسع بعيني كل مـا انتـي لفيتـي
ولو صار شعري لاغلب الناس مبيوق
يكفينـي انتـي قبلهـم لـه قريـتـي
وهذي حروفي يالغلا تحكـي الشـوق
تعزف دموعـك يالغـلا لـو بكيتـي !!

مارايك لو كانت القصيده بهذا الشكل ؟

تقبل صادق المتابعه لقلمك

تقديري واحترامي[/align]

زايد

صح السانك ولاهنت

قصيده وافيه ما عليها كلام

لك تحياتي

اررررررررررررحب يازايد


وصح لسانك وعلاشانك


قصيدة رائعه من شاعر مبدع


لك تقديري

سعيد الاكلبي


صح بدنك يالغالي

شرفني حضورك طال عمرك


دمت بخير

حمد الدليهي


صح بدنك يالغالي


حضورك شرفني طال عمرك


دمت بخير

عبدالهادي


صح بدنك يالغالي

شرفني حضورك طال عمرك


دمت بخير

شواهق نجد


صح بدنك اختي


شرفني حضورك طال عمرك


كل عام ز انتي بخير