سيــآحة منــآعير !!!!

[align=center][align=center]ــ مساء النور والسرور لكل من مر ولم يمر من هناا..


خروج عن المآلوف فقط والتواضع في مكاسرها ..


/
/
/









[poem=font="Arial,6,#FF0000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الصبر صفصف من ورا الصدر يامنير = وآكفـخ سـطـر مــن فـقـد قلـبـي مـرامـه
الجيب : جالي عنـه صـادوف . ماغيـر = آسـتـآجــره . وإلا آكـتـفـيـت بـســلامــه
شبّـوا ورا سـعـره .. اعـيـال الهوامـيـر = وآصـبـح بعـيـد لـمـن تـشّــرب ريـامــه
وقــت ن تقـفّـى اشفـوفـنـا باالسـواطـيـر = آلـيـن مـآحـت مــن خشَـشْـنـا الـوسـامـه
ولا حال دون آهـواك قـل ن وتعزيـر ؟ = أمـــر مـــن حـاجـتـك عــنــد الـهـلامــه
لـكـن جـدانـا الصـمـت لــو المقـاديـر .. = أشـــد مـــن غـــدر الـدخـيــل لـعـمـامـه
يامنيـر لـي اسـبـوع مانـيـب فــي خـيـر = اجــزع وآنـافــس باالمـطـيـر الحـمـامـه
ومـن الـمـأذن التـالـي الـيـن العصافـيـر = تـصــدح نـغــم قـــدّام فـســخ الجـهـامـه
وشـوح السهـر يـودع عيونـي مجامـيـر = كــن الجلـيـجـل فـــي جـفـونـي دوامـــه
فقـدت يـاابـن معـيـض قطـعـة مشـاويـر = تـآخــذ عـلــى زود الـونـاســه عــلامــه
موجـع ضرمهـا . مـن حنـيـن وتفاكـيـر = كـنــي علـيـهـا طـفــل يـشـكـي فـطـامـه
ولا شيـف فيهـا مـن عسـوس وصقاقيـر = ولا آحـفــى معـارقـهـا مـبـنّـي خـيـامــه
ولا طبّهـا كشّـات مـن صبـح . لعصَيـر = مـتـعـافـي الـبـدنَــه وشــابــع غـشــامــه
سـبـحـان خالـقـهـا بــديــع الـتـصـاويـر = تــــآرد شــفــوق ولا تــصّــدر نــدامــه
لا هــي نـفــود ولا صـبــاخ ومكـاسـيـر = ولا هـــي عـبــال معـيّـفَـتْـك الـحـوامــه
لا جيـت اسميـهـا ( سيـاحـة مناعـيـر ) = واللـي عــن السـجّـة حــرام ن صيـامـه
حــرّة سـويــط وشـوهـقـان القـصـاديـر = وفَلـيَ البحَـص شرقـه وغـربـه وشـامـه
وحـبــران ذكّـرنــي بـآآبـآنـآت والـنـيـر = والـدلــو يـآخــذ مـــن عـــلاوي تـهـامـه
متـفّـتـق ن فـيـهـا الـزهــر والـنـواويــر = والـشـيـح والقـيـصـوم مــثــل الـتـوامــه
وطـرح اليَهَـق نبتـه تقـل نبـت جرجيـر = وقـشِـع الـرتَـم مـثــل الـثـمـام استـقـامِـه
والطلـح فـي ظلّـه : عـرايـش جماهـيـر = وحشايـش ن فــي منتِشَـرهَـا انسجـامـه
ونـهّــاض رجـلـيّـه عــــدّو السـمـاكـيـر = كـــن الـولــي معـطـيـه عـنـهـم كـرامــه
الـلـي مــن اليـابـان مصـنـع وتـصـديـر = مامـرمـسـوه الـصـيــن مــــع فيـتـنـامـه
كـنّـه مطـربَـل مــن جـلــود الـخـواويـر = اشهب مرشّه . صفـو . عسجـد رغامـه
جيـب ن مقفّـص لا وقــف كـنـه الـزيـر = والـيـا مـشـى بهـويـن ممـشـى زعـامــه
ولا فـزّ كنـه مــن ركـونـه يـبـى يطـيـر = وكـن الكفـر مـن فــوق يــاي ارتطـامـه
وكـنّـه يــذوق مـــن المـنـشّـط تقـاطـيـر = وتـقـوم فـــي وســـط الـقــزوز القـيـامـه
اجعـص قـفـا . مـربـوع مافـيـه تطـويـر = ولا هــو مـنـفّـخ تـحــت بـنــد الفـخـامـه
كــنّــه امـلّـحــم . مـاتـقــول بمـسـامـيـر = متمـاسـك ن فــي حـبـك بـديِـه وجـامــه
وصــداّم مــن فــولاذ وسـطـه شنـاكـيـر = تقـل اعتـبَـه فــي قـصـر يلـمـع رخـامـه
عـلـيــه كـشّـافــات مــاهـــي دواويـــــر = مثـل الضويحـك . فـي جمـا زيـن قامـه
واوّصــف التـنـده تـقـل خـــوذة ابـعـيـر = هـرش ن ولـد جرمـي ردوم ن سنـامـه
والوجـه وجــه الـذيـب لا حــوّل مغـيـر = زاويــه بــرد الـجــوع يـبـغـى طـعـامـه
ورفــارفــه عــــن الـتـوايــر مـشـامـيـر = ولصـقـة اسبـيـره فالظـهـر تـقـل شـامـه
مـايـشـكـي الـتـفّــه ولا حــنّــة الـسـيــر = واسـرع مــن الـبـرق العـمـود ابتـرامـه
وفرامـلـه : ضـبـط الدركـسـون والقـيـر = ( وهل من مزيد ) اسمه على كل خامه
ومعـي ابـلـج ن مـاهـو ربــاوة معاثـيـر = مــن صـلـب عــود ن باالثـرّيـا مـقـامـه
سـعـود لا راحــت عـبـوس ومعاصـيـر = يـاحــظ مـــن حـطّــه بـريـمـة حـزامــه
حـــر ن مجـاذيـبـه خــيــار الـمـواكـيـر = يـــازن ذهـــب مـــن كـاحـلـه للعـمـامـه
ماهـو حضيـبـي ن يحـسـب المخاسـيـر = سـويــد فـعــل وتـنـقــده مــــن كــلامــه
مــاذاق مـــس الـعــوز مـغــرم دنـانـيـر = وسـبّـابـتـة تــفــرك طـبـيـعــه بـهــامــه
طـوي الرشـا مـن خـوّتـه طـهْـر للبـيـر = ومــــاردّه الـشـخّــآل حــــظ الـقـمـامــه
ومطعومنـا فيهـا خـشـوف ولـحـم طـيـر = وجــرم عـدنَـه جـايـد وصـافــي ادامـــه
ومشـروبـنـا نـقــع الـمــزون المـزابـيـر = بأعلـى الصفـا الصـافـي مـهّـل الغمـامـه
والــنــار لا شِــبّــت زراق وتـسـاعـيـر = مــن سـمـر مـاهـي قـشِــع والا ثـمـامـه
وشبـوبـهـا لا هـــو بــقــازن ولا كــيــر = رمـث ن يبـاس مـن المنـابـت صـرامـه
والـكـيــف دارج بــاالــدلال المـبـاهـيـر = َـجـلا عــن الــراس المغـوشـي منـامـه
وسـوالـف ن طـرفـه وشـعـر وتعـابـيـر = وذكرى القصـصَ باالمرجلـه والشهامـه
ولا انسى ضحَويّه يـوم نمشـي مخاديـر = قـمــزة عـلــى غـفـلـه ضـبّــي الـعـدامـه
تـقـول بطـنـه واربـعــه مـــن طبـاشـيـر = وشـعـر اظـهـرِه باالزعـفـران التحـامـه
وجرعة نشاط احيَـت عـروق النواطيـر = والجـيـب فــرّه مــن يـصـون اسـتـلامـه
متقاسـمـيـن الـجـيـب جـــن وسعـاطـيـر = وابـعـد مــن الـزهـره عليـنـا الـرخـامـه
العـيـن : تـرقـب مزبـنِـه حـيـث مـاذيِـر = والـوجــه مـابـيـن اكْـضُـمَـه وابتـسـامـه
حـتــى : قـسَـمْـه الله طـعــام الـمـداويـر = الـلـي عـلـى المقـنـاص تـدفــع غـرامــه
من كـف رمـاّي ن ولـو هـي شمنصيـر = تــقــول دربــيــل الـشـمـيــزر امــامـــه
ومـن فريَـة البـعّـاج والمـحـرق تصـيـر = مناسـم المرمـي عـلـى اقـسـى عضـامـه
سـجّــة لـهــا باالـقـلـب يامـنـيـر تـآثـيـر = يــوم الـعـذول مـريـح شـهــره وعـامــه
عـدّيـت مـاواجـهـت مـاآحـتـاج تـذكـيـر = ويكـفـي عــن استـرسـال قـافـي ختـامـه
ومـــادام مـنـهـا كـــل ابــونــا مـدابـيــر = الــرابــح الــلــي عـاشـهــا بااسـتـقـامـه
هــذي طــراة العـمـر مــن دون تبـريـر = فـي وقـت مكسـب مـن غثـاه : السلامـه [/poem]





و
س
ل
ا
م
ت
ك
م




******************[/align][/align]

يا سلااااااااااااام


ادهاااااااااااااااااش

جزاله ورائع هذا النص

جا بوقته مع بدايه الوسم يا عبدالله


صح لساااااااانك

وتخبر رايي مبطي


مبدع


مودتي لك .

الله الله يابوعلي
والله يمتعك بالعافية
قصيدة مميزة واخذتنا في جوٍ مميز
الله لايهينك

عبدالله

صح السانك ولاهنت


قصيده طيبه من راس طيب


لك تحياتي

ومطعومنـا فيهـا خـشـوف ولـحـم طـيـر
وجــرم عـدنَـه جـايـد وصـافــي ادامـــه
ومشـروبـنـا نـقــع الـمــزون المـزابـيـر
بأعلـى الصفـا الصـافـي مـهّـل الغمـامـه
والــنــار لا شِــبّــت زراق وتـسـاعـيـر
مــن سـمـر مـاهـي قـشِــع والا ثـمـامـه
وشبـوبـهـا لا هـــو بــقــازن ولا كــيــر
رمـث ن يبـاس مـن المنـابـت صـرامـه
والـكـيــف دارج بــاالــدلال المـبـاهـيـر
َجــلا عــن الــراس المـغـوشـي مـنـامـه
وسـوالـف ن طـرفـه وشـعـر وتعـابـيـر
وذكرى القصـصَ باالمرجلـه والشهامـه



ارررررررررررررررررحب يابوعلي




وصح لسانك ملاييييييييييييييييييييييين




شاعر رائع وتصوير حي امتعتنا به



تقبل تقديري

وصــداّم مــن فــولاذ وسـطـه شنـاكـيـر
تقـل اعتـبَـه فــي قـصـر يلـمـع رخـامـه



لك فيه غرض..
الله يوصلك مقصدك.




ابو علي صح الله السانك
امتعتنا ..ياجزل


::

كل التقدير

[align=center]عبد الله عزالله انك قلت قصيدة في قمة الجمال
امتعتنا شعرا الله يمتعك بالصحة والعافية.
تقبل تحياتي وسجل اعجابي[/align].

حياك الله ياعبدالله

ملحمه شعريه وافيه

للـــه درك يانقي

القدير عبدالرحمن السمين
هلابك وبمرورك



صح بدنك
ولا خلا ولاعدم





***********

امتعتنا شعرا الله صح السانك ولاهنت