درس الدهـــــــــــر

بسم الله الرحمن الرحيم

مشاركه لتواصل واتمنى ان تنال اعجابكم




[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

قالولي اهل العلم عندك شهاده = قلت اكتسبت من التجارب شهادات

من جامعة درس الدهر والجلاده = درست درس ٍ يحيي القلب لامات

وسلمت لله الحكيم الرياده = جل وتعالى فوق سبع السموات

علام ماتخفي سراير عباده = باامره خلق كون ٍ وسيع المدارات

رب ٍ خلقنا كلنا للعباده = وارسل رسوله بالهدى والمنارات

كل البشر تحته شعوب ٍ وقاده = تخضع لوجهه في جميع الصلوات

جميع مافي الكون سيد ٍ وساده = ماتفرق الا بالعمل والزيادات

يارب عفوك يوم تقرا الافاده = لاحان تدقيق العمل والحسابات

يارب عبدك خايف ٍ من معاده = واذنوبه اكبر من جبال السروات

يرفع يديه ويطلبك فالنجاده = ياارحم رحيم وياشديد العقوبات

يارب انا مقصر وحملي زياده = حملت بالدنيا خطايا وسيات

ياباسط ٍ ارضه ومرسي وتاده = جرني صلو نار ٍ تهيج بزفرات

واعوذ بك من شر دنيا القراده = ومن خوة اللي مايعز المقامات

واعوذ بك من كل فقر ونكاده = ومال ٍ مايقضي للمخاليق حاجات

واعوذ بك من كل راعي نقاده = ولاتشمت بي على كل شمات

واعوذ بك من كل جهل وبلاده = وجهد ٍ بليا قول ماله نتيجات

واعوذبك من الغلا واضطهاده = ومن الوبا والدين وامخاصم الذات

واسالك التقوى وزدني زياده = واجعل مقالي من كبار المقالات

واجعل تعاملنا بالاخلاق عاده = والطيب فينا والكرم والجمالات

واجعل لنا حظ ٍ مايكبو جواده = وصيت ٍ يشيع بفعلنا فالمهمات

واجعل مكانتنا بعلو ونياده = ولاتورينا الجفا والكسافات

واجعل خواتمنا بنطق الشهاده = لاجفت الاقلام والخاتمه جات[/poem]





وسلامتكم



اخوكم بطي الاكلبي

ارحب يابوناصر
وصح راسك ومنطوقك
قصيدة جميلة جدا وعلى لسان شاعر جزل جدا
لاعدمناك يابطي.

الاخ الشاعر / بطي الاكلبي
صح لسانك وافيه من شاعر متمكن وجزل
الله يقبل دعواتك ويوفق لما تحب وترضى

تحياتي

اررررررررررررحب يابطي



وصح لسانك يالقرم



قصيدة طيبه من طيب



لك تقديري

وسلمـت لله الحكيـم الـريـاده
جل وتعالى فوق سبع السمـوات
علام ماتخفـي سرايـر عبـاده
باامره خلق كون ٍ وسيع المدارات
رب ٍ خلقـنـا كلـنـا للعـبـاده
وارسل رسوله بالهدى والمنارات
كل البشر تحته شعـوب ٍ وقـاده
تخضع لوجهه في جميع الصلوات
جميع مافي الكون سيـد ٍ وسـاده
ماتفرق الا بالعمـل والزيـادات



بطي


حياك الله وبياك


للــه درك كم أنت مميز في حضور دائماً


بارك الله فيك قصيده روحانيه فائقه الروعه والجمال


الله يحفظك

صح الله لسانك يابطي

بطي

صح السانك ولاهنت


قصيده ماعليها كلام وافيه


لك تحياتي

من جامعة درس الدهر والجـلاده
درست درس ٍ يحيي القلب لامات

::
:

من المؤكد ليس الموت الحقيقي

صح لسانك

بطي

صح لسانك وصح قلبك

حضورك جميل دائما


لاعدمنااااااك


مشهوووور....