ليته ســــكت

[align=center]إن كان منته بقايل شـي يمـلا العقـول
الصمت خير إلك من ترديد بعض النكت
محدٍ بقايل لراعي الصمـت ليتـه يقـول
لكـن كـم قيـل للهراج ليتـه سـكـت
والهرج من دون قال الله وقال الرسـول
جسمٍ بلا روح لـوإن العقـول أدركـت

والرسول صلى الله عليه وسلم يقول ((من كان يؤمن بالله واليوم الآخر فليقل خيراً أو ليصمت ))

عبدالله الطلحي اهنيك على هذه القصيدة الجزله والنابعه من تجارب عميقه في الحياه

صح لسانك ولا عدمنا تواصلك[/align]

والهرج من دون قال الله وقال الرسـول
جسمٍ بلا روح لـوإن العقـول أدركـت


اهلا بشاعر الحكمه


عبدالله الطلحي



صح لساااانك

مذهل ومبدع ورائع ....


مودتي لك .

هلا والله وغلا بك ياعبدالرحمن

صح بدنك يالغالي


تسلم والله


.

لـو القصايـد تقـدم للقضايـا حلـول
ماكل ساعة نزف جرحك وعينك بكـت
في سكة الوهم ماتلقى محطـة وصـول
كم ضيعت ناس قدامك ونـاس اهلكـت
قبلك ترانـا مشيناهـا طلـوع ونـزول
سقنا الركايب بدرب الجهل ليـن بركـت
حتى وصلنا بعد مرت علينـا الفصـول
لنهاية الصيف وايام الخريـف اوشكـت
من هرجنا ويش مكسبنا بعـد مانـزول
ياما حكينا ويامـا النـاس عنـا حكـت
والهرج من دون قال الله وقال الرسـول
جسمٍ بلا روح لـوإن العقـول أدركـت



ارررررررررررررررررررحب يابوناصر



وصح لسانك ملايييييييييييييييييييييييين



شاعر مبدع وحكيم



لك تقديري

هلا والله بالأخ الغالي

والشاعر الرائع

هادي بن عسكر

مجرد مرورك من هنا يعني لي الكثير


أشكرك من القلب


.

انا أشهد انك شاعر الحكمه
محبني لك ومحبني لقصائدك
بيض الله وجهك الين ترضى ى ى يالجزل

تقبل مروري جعلني مااعدم راسك

هلا وغلا بالرائع دائماً ( فيصل الوعيلي )

هذه الأوسمة التي كنت دائماً أنتظرها وأتطلع للحصول عليها
هذه الكلمات التي تنبع من شخص لرأيه إعتبار ولذوقه وضوح

شكراً لك من أعماق القلب يالغالي


.

انشهد ان اللي سمّاك شاعر الحمكه ماغلط

هاذي ماتحتاج شهاده من احد

صح لساانك لين ترضى ياعبدالله

تقبل تحياتي وتقديري واحترامي

بل شهادتك إجازة للنص وشاعره طال عمرك


لاهنت يالغالي


.

عبدالله


صح لسانك


اعجاب جديد بما تكتبه.

يا مضحّك الناس مايطري عليك الفضـول
النـاس تضحـك معـك وإلا عليـك إضحكـت
إن كـــان مـنـتـه بـقـايـل شــــي يــمــلا الـعـقــول
الصمت خير إلك من ترديد بعـض النكـت

ايو الله انك صدقت

عبد الله الطلحي
جمال الشعر والحكمه .. والموهبه الشعريه الفائقه...تجسدت من خلال هذ النص الرائع

دمت ودام تالقك يالطلحي

شـــكراً أخ مجعد

أسعدني حضورك الرائع

وأثلجت صدري كلماتك


لاهنت يالغالي


.

أخوي الراقي عبدالله الطلحي


صح لسانك وبيض الله وجهك


حضور رايع ولايستغرب


تقبل احترامي وتقديري

لله درك يالجزززززل

اولا ً الف مبروك على حصولك على شاعر الشهر

على قناة الساحة

وتستحق اللقب عن جداره

ثانيا ً هذا هو الشعر الحقيقي الذي نبحث عنه

لله درك وكفى

حياك الله أخ نايف

الله يبارك فيك ويبيض وجهك

وأشكرك على عذب الكلام
وطيب الحضور

.

وأنت ممن نتمنى أن تطول قصائدهم وأن تمتد أحاديثهم لأنك الأقرب إلى العقل والقلب




لك أعذب الأمنيات


أخوك

يالبا قلبك يابوناصر كلك حكمة ياشاعر الحكمة وانا احد جماهيرك

صح لسانك على هذه الابيات الرائعة ولاتبطي علينا يالقرم


لك خالص سلامي وتقديري

اخوك
فاااااالح

هلا هلا هلا بالغالي

أخوي / فالح

بيض الله وجهك

وعساني ماأعدمك



.

محدٍ بقايل لراعي الصمـت ليتـه يقـول
لكـن كـم قيـل للهراج ليتـه سـكـت

الله اكبر على شيطانك





والهرج من دون قال الله وقال الرسـول
جسمٍ بلا روح لـوإن العقـول أدركـت


الله يستر عليك يابو ناصر

ودي ان قافك يطول

هلا يابو مشاري

شكراً يالغالي


لاعدمتك


.

عبدالله


سجل اعجابي بك وبشعرك


صح لسانك

شــــكراً يافهد


صح بدنك يالغالي




لاهنت


.

ماكل دخان في المجلس يجيله قبول=من قال دخان عود الطيب مثل البكت
ولاكل قافٍ سمعته قلت ليته يطول=قيفان ماهزت إحساسي ولاحركت
ولاكل راعي سوالف ملتزم بالأصول=كم سالفة من خيال الراوي تفبركت
يا مضحّك الناس مايطري عليك الفضول=الناس تضحك معك وإلا عليك إضحكت
إن كان منته بقايل شي يملا العقول=الصمت خير إلك من ترديد بعض النكت
محدٍ بقايل لراعي الصمت ليته يقول=لكن كم قيل للهراج ليته سكت


الله الله الله ياعبدالله ياسلام عليك


والقفله لحالها قصيده

والهرج من دون قال الله وقال الرسول=جسمٍ بلا روح لوإن العقول أدركت

انا عندي ذا القصيده تشفع لغيابك لو انه 10 سنين


صح الله لسانك مليار على هالابداع الممميز


تحياتي

حياك الله أخ فهد

بدون أهل الذوق أمثالك ماللقصيد معنى

شـــكراً لحضورك الرائع


لاهنت


.

اخي القدير عبدالله الطلحي

ثقال النفوس يفرضون انفسهم في المجالس باقاويل وسوالف تغث الكبد

ليثبت شيئا ما في نفسه في حين ان الرسول عليه افضل الصلاة وازكى التسليم كره المتفيقهون وهم الذين يظهرون

الفقه والعلم والتلاعب بالالفاظ للفت الانظار اليهم بيد انهم يكرهون الجالس الجلوس وبالحديث

وعبدالله الطلحي تعرض لهذا الموقف فصاغ شعرا جزلا لمعناته منهم

صح الله فكر ك وسلم الله بنانك