.. حراير الفكر ..

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلام حسب السلوم ومثل حد الشطير =يرقا على النايفه واتطير عقبانها
يقودها الطيب من طيبه بسلك الحرير = ويطول باعه مع اللي طالت ايمانها
في مهرجان الامير ابن الامير الامير =خال الملوك السديري رمز عنوانها
الشاعر الفارس الانسان غيث الفقير= مطلق قيود المحبس خصم سجانها
لاقطت الغدفه العذرا بيومن خطير = يعتق رقابٍ تشوف الموت باعيانها
ويضفي عباته على المحتاج والمستجير= شجرة وفا من قربها عاش باغصانها
العيلم اللي عليه الناس ورد وصدير=والبايسه واليتيمه يجبر احزانها
الروح غابت وفعل ابن الاكابر كبير= يبقا مع دورة الايام وزمانها
وعقبه فهود الزراج امدلهين القصير= توارثو هيبة محمد وجدانها
الشعر مايوفي الغايه قليل وكثير= لو تصدح القافيه وتردد الحانها

وحضورنا عز مافيها كبير وصغير=حصنٍ تنافس على الطوله بميدانها
الخيل قرح وقدم الخيل جمعن غفير=تشوح بيمانها وتعرف فرسانها
وخترت شقرن ليامس الحقب تستذير= تصرم مصاريعها وطوح اعنانها
من شارداتن تصافق من شهر بالضمير=تبا تشوف الفضا واغلقت بيبانها
واليله اسرجتها مع درب صفرا جرير= اللي سراجيفها قامه عن ابطانها
ماكنها الا السهم لو حت صياح النذير= هملول ندرن بردها قبل ودانها
تارد على الميد ميراد القطا للغدير= كن الفهود الكواسر حذف ذرعانها
ماستعرضت للمزاين تعترض للمغير= تسلطنت وكبرت في عين سلطانها

الفصل الاول قضا والفصل الاخر يثير= لاترفعون البيوت الابعمدانها
يامفصلين الثياب البيض عين الضرير= تصير قدامها ماتميز الوانها
الدرب موحش ولاول مايشوف الاخير=والبحر بطنه ذهب ويشيل حيتانها
لو البواخر تجوبه والمراكب تسير= الغاليه غاليه ماترخص اثمانها

وحراير الفكر يجذبها الندا من عصير= للجادل اللي ينومس فعل عمانها
ماتشوفها عين حاسد لو غداله زفير= شمسن ورا المزنه اللي ماع ربانها
ملبوسها الماس والانفاس مسك وعبير= ومضمونها اكبر من العالم وسكانها
لو تطلب المستحيل ابشاية الله يصير= نقوم لعيونها ويغيب شيطانها
استوطني في سنام المجد مالك خشير= الا غلا من تغلغلتي بوجدانها
اذبابت السيف ماتنشاف وسط الجفير= والارض من ضغطها يثور بركانها
لاقال من قال صعبه قلت خيره وخير= وعين العدل يقنع العاقل بميزانها
واللي يهاب الوعر والكايده يستخير= واللي يبا الطيبه يتعب على شانها[/poem]

صح لسانك يابو متعب

قصيده غير ف يمناسبه غير ومن شاعر غير

لاهنت ولا شنت


تقبل تحيتي



مشهوووور....

ماشاء الله تبارك الله
لاعجمت ياراعي الحُرّة
وسلمت ودمت على العز والطاعة يابومتعب

اررررررررررررحب يابومتعب



وصح لسانك ملايييييييييييييين



شاعر مبدع في جميع الاحوال



تقبل تقديري

صح لسانك يابو متعب


ولاهنت على القصيدة الجزله

تقبل تحياتي

ابو متعب

صح السانك ولاهنت

قصيده ماعليها كلام من شاعر متمكن


لك تحياتي

أخوي مجعد بن متعب

صح لسانك وبيض الله وجهك

رايعه بروعة حضورك هنا وهناك

تقبل احترامي وتقديري

الله الله عليك يابومتعب

صح لسانك لين ترضى

ابيات في قمة الروعه ومعبره

لاتبطي علينا وفي انتظار جديدك




تقديري

فاااااااالح

لله درك يابومتعب

قلت وطلت ولايستغرب منك هالابداع

الله يبيض وجهك

تحياتي وتقديري

مجعد


حياك الله وبياك


حضور المطر ماشاء الله


دائماً متصفحك عامر بكل جزل


للـــه درك

صح لسانك يابو متعب ولاهنت


ولاهنت على القصيدة الجزله

تقبل تحياتي

اخوي الغالي ابو فارس
وانت حضورك غير ويشرف القصيده مصافحتك الاولى لها

محبتي وتقدير لك

ابو متعب


صح لسانك ياجزل


قصيده اكثر من رائعه



تقبل مروري

مجعد

لشعرك نكهته الخااااااصة

و جزالته التي لا يختلف عليها متذوق للشعر


تحياتي لك

وفيت وكفيت يا ابو متعب

صح الله لسانك وبيض الله وجهك

قصيدة شاعر متمكن و لها روح جعل روحك ما تعرض على النار

تحياتي

اخوك