كلك لكلي

[align=center]
السلام عليكم ورحمة الله وبركاته

طابت أوقاتكم جميعاً وكل عام وانتم بخير

متواضعة جديدة أول مرة تنشر لعلها تشفع لي لدى قلوبكم الطيبة بعد هذه الغيبة[/align]
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
نسنس على قلبي من الغربي عليل=مابين ضل السُحب وامواج البحر
واهتزّ له قلبي على بعد ألف ميل=وامسيت واصبح قلبي غصونه خُضُر
هذا وهو للحين مااسقاه المخيل= وشلون اجل لو باشره وابل مطَر
ياالله عسى ماني بمحروم الحصيل= متى عن المأمول يأتيني خَبَر
متى متى متى ألتقي بك يا جميل= هاوي ومستعجل ولا فيني صبر
لا تحسب انّي مثل ما تعرف ثقيل= لو انّ لي جنحان خاويت الصقر
حبّي كرم والحب ما يبغي بخيل= والشوق لا يبقي بقلب ولا يَذَر
اللي بقى ما للخليل الا الخليل= كلي زهور وكلك لكلي نهر
لا تعتذر وانا استغيثك بالنهيل= ما ينفع الضميان دون الماء عذر
يا زين احبك والمحبة ما تزيل= اسطورة الدنيا ومعجزة العصر
وانا لمعشوقي وللنار الفتيل= يشعل قناديلي ويتركها جمر
احتاج لك في كل يوم وكل ليل= واعيش بك نبضات وابصر بك نظر
لي في ضفافك عن مشاويري مقيل= ولي في ضياءك عن دجى ليلي بصر
تهبّ نفحاتك على قلبي واميل= كما تميل النود بغصون الشجر
واسمَع حمام الشوق له فيني هديل= واغيب واستيقض على حنّة وَتر
وارحل على نسج الخيال بلا رحيل= واهجر كياني مع خيالك والشِعِر
وإلى صحيت وفقت وإلى لا ذبيل= إلا ورق مليان بالوان الحِبِر
الظّاهر انّك غاسلً مخّي غسيل= بين العيون السود وشفاك الحمر
من يوم ما حلّيت في قلبي نزيل= مااشوف غيرك نور شمس ولا قمر
حتّى شعرت انّي على العالم دخيل= الناس ما كنّي ولا كنهم بشر
احسّ طعم الهرج منهم حنضليل= واشوفهم غبران لو ماهم غُبُر
واحسّ طعم الهرج منّك سلسبيل= حالي ويتحوّل على شفاهك خَمر
استقِبِلك عن بعد واتصوّر واخيل= واستنشق النسناس من يمّك عِطِر
ويزورني لك طيف وضلالً ضليل= استشعِرِه مثل السديم إلى غَمَر
وتغيب عين الشمس ويضيع الدليل= ويذوب حَبّ الثلج ويذوب الحَجَر
مثل ما إنّك بالحلا مالك مثيل= مالك مثيلً بالغلا حِبّ وقَدر
زين ودلال وثالث الثنتين اصيل= واصناف زينك ما لها حِسبة حَصَر
وانا بقلبي لك عن امثالك نفيل= وانت الذي تنهى وتأمر فيه امر
إلِعَب فديت القدّ والخصر النحيل= واللبّة وما تحتويه من الثمر
والجيد والغرّة وشلال الجديل= وإنعاسة وسهوات ذوات الحَوَر
يا تاج رأس الزين والمجد السليل= ما تدري ان شرواك معرفته فَخَر
اموت ما دوّرت في حبّك بديل= امّا انّه استشهاد والا انّه نَصر
مادام قلبك فيه لي شأناً جليل= ترى سنين العمر لعيونك نَذر
رافع لك شراع الولا والله وكيل= على أمل ساعة لقاك المنتظَر
والمستحيل المستحيل المستحيل= انساك لو طال الزمن والا قصَر
حتّى لو اقضي رحلتي عابر سبيل= واعيش متغرّب واموت من القَهَر[/poem]

واسمَع حمام الشوق له فيني هديـل
واغيب واستيقض على حنّـة وَتـر
وارحل على نسج الخيال بلا رحيـل
واهجر كياني مع خيالـك والشِعِـر


الله الله


ابدعت


رائعه


صح لسانك


تحيتي

مسفر بيض الله وجهك من عندي الي عندك يالجززززل

يالبى قلبك يامسفر ايش ذي الباذخه

علي الحرام انها من اول بيت الي اخر بيت كفو

تقبل مروري ودمت للشعر منهلا ننهل منه

لاتستغرب مروري مرة اخرى فهذه الفاتنه تستحق المرور اكثر من مره


تحياااتي لك

مسفر


للـــه درك ودر حضورك المشرق



لاهنت

مرحبا يامسفر

من طول الغيبات جاب الغنايم


حيه وحي ماجاب

اموت ما دوّرت فـي حبّـك بديـل ـــ امّا انّه استشهـاد والا انّـه نَصـر


الله عليك



صح لسانك


استمتعت بهالقصيده الراااااااااااائعه



تحياتي لك

هذا وهو للحيـن مااسقـاه المخيـل
وشلون اجل لو باشره وابـل مطَـر


جعل حقوق الخيال يسقيه ويعله لين يرويه يامسفر

صح لسانك مدد بلا عدد

مسفر
الله يسفر دربك
ماخليت من الزين شي الا وكتبته في هذا النص الفاخر بكل المقاييس
امتعتنا الله يمتّعك بالعافيه
صح لسانك وبدنك ياطويل العمر.

مسفر

صح السانك ولاهنت

قصيده رائعه

لك تحياتي

اررررررررررحب يامسفر



وصح لسانك ملاييييييييييييين



قصيدة جزله من شاعر جزل ومتمكن



لك تقديري