ازمة احنيش؟؟

[poem=font="Arial,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قصيد الهوى لهل القلوب المعاطيش=غذا لنّفوس الميّته والعطاشي
نفوس ٍ لها في طرد ذيك العكاريش=سنين ٍ طويله مير راحت بلاشي
ونا ناشني عقب التزامي مناويش=سوات اللهيبه كان حام الفراشي
حليل الضعيف اللي قليبه مفاريش=همومه كبيره والسّكن في عشاشي
طموحه كبيره مايحب الدراويش=طبوعه كذا بين القسا والهشاشي
حياته سوات المرسمه والخرابيش=بطولة غرير ٍ مايبيله معاشي
ولو تزعله او تظحكه بالفشافيش= نقي السريره والخفيّات شاشي
ونا شوف بعض الناس مثل الخفافيش=تحب الهجاد ولاتحب الغباشي
سواليفهم عند الخطا بالوشاويش=تدور على العثرات شغلات واشي
الا جعلهم فدوة رجال ٍ مداغيش=عيال القروم امذبحين الكباشي
هل العرف واهل المدح تعابة الجيش=كلام الحقيقه مايبيله نقاشي
تحب الجميله لو بعيد المطاريش= وشيخ ٍ حكم بالعدل مثل النجاشي
يعيش بأمان وراحته ناعم الريش=ولا يشغله مفلس كثير الغشاشي
نفوس الردى مخزون كل المغاشيش=ومن غيهم فكري تطاير وشاشي
وجوي تعكر صاير ٍٍ فيه تشويش=وجيه الردى ترها مثل جلد حاشي
خذت موضة اهل الغي حمر الطرابيش=نفوس ٍ تكبر كلبوها خياشي
ترى اقرب قريب ٍ لذعته لذعة الفيش= يعكر عليك بنومتك في الفراشي
يقولون دوّر للخوي بالمناقيش= خوي ٍ على وضح النقا او بلاشي
يضيع الكلام الزين في لحظة الطيش=زمان ٍ غريب ٍ صار فيه انكماشي
تغيّر تأزّم ازمته ازمة احنيش=ولاعاد في راس الغزاله عراشي[/poem]

صح لسانك مدد


و بيض الله وجهك

وجمل الله حالك على القصيد الوافي

ارحب يامنصور
وجمّل الله حالك على هذه القصيدة
وعزالله ان وجه الردي مثل جلد الحاشي الله يعز الحاشي.

منصور

صح السانك ولاهنت

قصيده رائعه من رائع

لك تحياتي

اررررررررررررحب يابن حيان



وصح لسانك



مبطين منك ومن قصيدك الطيب



لك تقديري

الله عليك
يامنصور
صح لسااانك مليون
تحيااتي

لاهنت على المرور الكريم اخوي

ابو مقبل ولاهان راسك

لاهنت اخوي تركي على المرور الكريم

تقبل تحياتي وتقديري

منصور

صح لسانك


لاهنت على القصيدة الجزله

تحياتي

لاهنت يا خوي حسن

على المرور الكريم

وبيض الله وجهك

منصور بن حيان

صــح لســانك

لاهنت يابو حمد

علي المرور الكريم