الحب لك ياغلا النفوس الحشيمه

عزيل قلب(ن) كل ما قلت انا طاب
تجددت فيه الجروح القديمه



ياصاحبي ان قلت لي عارضك شاب
قلت السبب فرقا القلوب الحميمه



وان خاب ضني فالجماعه والاقراب
ماقلت لك وين العوض والغنيمه



انا وقلبي مثل سعدون وعقاب
مانشتكي قل الوفا والعزيمه



والمرجله ماهيب فتال الاشناب
ولا عليها ...للقبايل و سيمه




والمرجله ماهيب سلعه و جلاب
ولا هيب .. نقااال الحكي والنميمه




والموقف اللي فيه مشروه واعتاب
ما حط نفسي فيه وارضى الهزيمه




القلب مادامه من البعد من صاب
ترى الوصل طب القلوب السقيمه




وترى السجين اللي ورى سور وحجاب
مسجون ظلم .. وراكبته الجريمه





يبغون فرقا احباب وموادع احباب
واللي يبونه صار باسهل قسيمه




حطوني ابغيهم وانا فيك طلاب
واشفق عليك من الهبوب ونسيمه




صحيح سوء الفهم من بعض الاسباب
اللي تلبسك الخطا و الظليمه




والا انت .... قدرك فوق وغيابك غياب
والحب لك ياغلا النفوس الحشيمه



مبارك العمور

الله الله يامبارك
ما اجمل حروفك
صح لسانك وبدنك

مبارك


صح السانك ولاهنت


قصيده وافيه من راس وافي

لك تحياتي

مبارك


صح السانك ولاهنت


قصيده وافيه من راس وافي

لك تحياتي

سعيد مقبل الاكلبي


صح بدنك ولا هنت


ويعطيك العافيه يابو مقبل

ابدعت يا مبارك

وامتعتنا بهذه القصيده الرائعه ..

ارررررررررررحب يابومناحي



وصح لسانك يالقرم



قصيدة رائعه من شاعر متمكن



لك تقديري

حسن الوطري


صح بدنك ولا هنت ولي الشرف بحضورك


ولا هنت

عبدالرحمن السمين

صح بدنك

ولا هنت

عبدالهادي آل تواه


صح بدنك

وسلم على الشايب السبوق اطال الله في عمره

هادي بن عسكر

صح بدنك


ولا هنتي

صح بدن الجميع

والمرجله ماهيب فتال الاشناب
ولا عليها ...للقبايل و سيمه


صح الله لسانك يا مبارك



تحياتي