صــوت وصــدى

[align=center]السلام عليكم ورحمة الله

أخواني..أخواتي..كل عام وأنتم بخير..وعسى أن تكونوا بتمام الصحه والعافيه

وأن يصل ما أقدمه للرضى وحسن الذاائقه..

أعزائي..يقول الشاعر/كديميس السيحاني:[/align]


[poem=font="Simplified Arabic,6,#0A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
انا لو سج فكري وامطرت دهم المزون اشعـار=تخيلت اني بنجـد العذيـه والسمـاء صافـي
اسج الرجل بالممشى ما بين المزرعه والـدار=من الرشاش سقيا المزرعه والغصن غريافـي
رذاذ الماء ليا هب الهواء مامعه نسف غبـار=معه يحمل رياحين الـزروع ويمنـع السافـي
مع المنظر همومي كلها عنـي تـروح يسـار=و تروح الضيقة اللي في الحنايا سمها خافـي
وليا من الغسق قرّب ردمت من السمر في النار=سناها يجذب اللي من بعيـد الديـره يشافـي
[/poem]



[align=center]أعجبتني أبيات الشاعر ورغبت في مجاراته بعد إذنه بهذه الأبيات:[/align]


[poem=font="Simplified Arabic,6,#9C00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أبياتك ياجزيل القاف ثـارت فينـي التذكـار=وتذكّرت المـزارع والأهـل والقلـب ميلافـي
مزارعنا حقيقه ماكتبت إمـن الخيـال أفكـار=أصـوّر مزرعتنـا واتخيّلهـا علـى قـافـي
ألا يامزرعـة (.....) ألا يامنتجـع ل/اخْيَـار=ألا يانبـع ماهـا العـذب ياشلالهـا الدافـي
مع الرشاش لامن أشتغل والزرع ريحـه ثـار=على وقت الغروب يْصـوّر الفنـان ماشافـي
وقصر المزرعه حوله زرعنا روعة الأشجـار=تحتها الجلسه اللي جوّهـا ماهـوب ينعافـي
مَعَ لمّة حبايب قلبي امن كْبار ومْـن صْغـار=ودلال الكيف في يدين النشامـا بنّهـا وافـي
وإلى من السحاب المدلهم أستوقـف الأنظـار=تباشرنـا بْشوفـه والرعـد لاقـوّم الغافـي
يطيب الوقت لامنهـا علينـا هلّـت الأمطـار=وعلى ذيك النفود اللي طرفها حولنـا ضافـي
نشوف السيل وسط المزرعه يجري مع المعبار=على تصميم رائع هندسـي ممتـع وجغرافـي
وإلى من المطر جهّى وثارت ريحـة الأزهـار=هذاك المنظر الخلاب شوفـه لاحصـل كافـي
[/poem]

صوت و صدى ولا أجمل

قرأت و كأنني أشاهد لوحتين من جمال الطبيعة

تحياتي لكما

شاعرة نجد

صح السانك والسانه

مجاراه رائعه

تقبلي تحياتي

صحيت ودام نبضك

صوت وصدى رائعين بروعة حضورك

صح لسانك ولسانك الشاعر السيحاني

يعطيك العافيه

ولاهنتي ولا عدمنا حضورك

ياسلام عليك

صوت وصدى حلوين

شاعرة نجد . عندك فلسفة شعر


تحياتي ومتابعتي المستمرة للشعرك

صوت وصدى ولا اروع
صح لسانك شاعرتناوصح لسان
شاعرنا الفخر ايومنصور
مودتــــــــــــــي

الاخت شاعرة نجد

صوت وصدى رائعين بروعة حضورك

صح لسانك ولسانك الشاعر كديميس السيحاني

تقبلي احترامي ومودتي

شاعرة نجد

صح لسانك ولسان الشاعر كديميس


وكل عام وانتوا بخير



مشهوووور.....

نص من القدير كديميس أتى به ِ كــ السحابه لتنهمر وتسقي نجد العذيه بتخيّل رذاذ الماء عندما تتنفس الهبوب .
واتت مجاراة شاعرة نجد بتصميم هندسة الشعر متداخله بهندسة جغرافيا تلك المزرعه وقصرها

:
:
شاعرة نجد
صح لسان الشاعر كديميس وصح لسانك

صوت و صدى ولا أجمل

قرأت و كأنني أشاهد لوحتين من جمال الطبيعة

تحياتي لكما

[align=center]الجميل حضورك طال عمرك

والتحيه والتقدير لك’,,[/align]

شاعرة نجد

صح لسانك ولسان كديميس

ابيات رائعه ومتميزه


تحياتي

شاعرة نجد



صح الله لسانك ولسان السيحاني على القصائد الرائعه غنيت معكم وعشت جوكم


كل عام وانتي بخير

ياسلام ياسلام

صح لسانك ولاهنتي يابنت الرجال



كل عام وانتي بخير

نعم ياشاعرة نجد
زرعتي هنا مزرعة شعر كاملة الحدود بمائها وهوائها واشجارها
ويسلم السيحاني على جذب هذا السحاب المنهمر لسقياها
لاعجمتي ياطويلة العمر.

شاعرة نجد

صح السانك والسانه

مجاراه رائعه

تقبلي تحياتي

الراائع حضورك طال عمرك

وصح بدنك

والتحيه لك’,,