رفـيـقـك الـلــي مايتـحـمـل خـطـايـاك

[poem=font="Traditional Arabic,7,#000000,bold,italic" bkcolor="" bkimage="" border="none,4,#400000" type=2 line=1 align=center use=ex num="0,#400000"]
رفـيـقـك الـلــي مايتـحـمـل خـطـايـاك = ويخطـي عليـك بـدون سابـق خطـيـه
اللي على ابسط شي يزعل ويجفـاك = أبـعــد عـنــه لا رحـــم جـــده وحـيــه
ومـن مارضـا بطبعـك ولا همـه رضـاك = مــامــن وراه الا الـتــعــب والا ذيـــــه
لاراح شرق أعكس عنه غرب ممشاك = ومــن بيـنـكـم خـــل الخـفـايـا خـفـيـه
حـتــى لـــو أنـــه بالـنـمـايـم تـقـفــاك = أخــذت حسنـاتـه وهــو جــاه سـئـيـه
ولا قـال أنــا مـانـي بامثـلـك شــرواك = هرجـه صحيحـآ مـا أنــت مثـلـه وزيــه
قل أنت شيـخ ولا علـى الارض حليـاك = ولا يـسـتـفــزك لـلـعــلــوم الـــرديـــه
وخلـه يـمـوت ولا عــرف وش خفـيـاك = لـيـا أكـشـف مـــع ظـاهــره داخـلـيـه
وابعـد عـن الانــذال قـربـك وممـسـاك = لـو عشـت فـي ديـارن جفـاف وخلـيـه
والـلــي تـغــداك ضـحـويـه تـعـشــاك = لـو بانلـك فــي حـسـن صحـبـه ونـيـه
يـجـي نـهـارن فـيـه بالـهـرج يـشـنـاك = ويحـطـك بـوجــه المـشـاكـل ضـحـيـه
ومـــــن مـايـمـيــز بـــيـــن ذولا وذلاك = ولا عـــرف مــــن بـالـشـدايـد خــويــه
جـالـه مـــن الايـــام لـوعــات واربـــاك = ويـوم(ن)مـنـه اخـيــر يـــوم الـمـنـيـه
وصديـقـك الـلـي ماضحكـلـك وبـكــاك = الـلــي يــــردك عــــن دروب الــزريــه
ماهـو صديق(ن)لاقضـا مـنـك هلـفـاك = فـي بلشت(ن)ماهـي بسيطـه قويـه
وابـذل قـصـا جـهـدك المنـهـو تنـصـاك = وجـــزاك عـنــد الله جـزيــل العـطـيـه
الـلـي عـلـم نيـتـك واقـصـاك وادنــاك = والـلـي مـنـه تــرج العـفـوا و الـجـزيـه
يعـلـم بامـقـدرتـك ومـاتـطـول يـمـنـاك = والــعــفــو لــلانــســان بـالـمـقـدريــه
وماتـمـلـك الا مـاكـتـب لـــك بـدنـيــاك = ان قمـت نـصـف اللـيـل والا اضحـويـه
ولا يهـمـك الـلـي بالـسـوالـف تـبــلاك = الـلــي ذهــيــن وبـالـسـوالـف بـلـيــه
كـل(ن) يقـول الطيـب عنـدي ليـاجـاك = مــاحــدن رضــــا بالـهـيـنـه وشــويــه
احـدن ليـا جيتـه علـى الكبـش غــداك = عـــاده وعـــادات الـنـفــوس الـنـقـيـه
واحــدن لا ياجـيـتـه وبـالـهـرج حـيــاك = عـفـتـه وعــفــت مـقـابـلـه والـتـحـيـه
ونـظــرت عـيـونـه بالـمـغـادر تـحــراك = وان كــرمــك قــــدم كـرامـتــك نــيــه
حديتـنـي الله عـلـى الشـيـن يـحـداك = يــابــن الـتـويــس ويـاولـيــد الـحـويــه
قـل(ن)تـهـنـابـه ولا مـــــال عـــنـــاك = مال(ن)مـنـه تـرحـل حـيـاتـك شـقـيـه
كم من رجال(ن)عندها امـوال وامـلاك = مـاكـفــروا مـنـهــا بـالافـعــال ســيــه [/poem]

خليف

صح السانك ولاهنت

قصيده وافيه ما عليها كلام

لك تحياتي

الأخ : خليف الوهيداني

صح لسااااانك على القصيدة الوافية

والمليئة بالحكمة

لاهنت

تقبل تحياتي

الاخ العزيز /خليف

صح لسانك

جزاله وقرامه من راس جزل

بيض اله وجهك

ودمت بوود

خليف الوهيداني
بيض الله وجهك الين ترضى
حكم يالجزل

انت عارف اني احد متابعيك

تقبل مروري وجعل راسك يبطي حي يالجزل

[align=center]الاخ خليف

صح لسانك

قصيدة حكم

واجتماعية بنفس الوقت






لك احترامي[/align]

[align=center]وابعد عن الانذال قربـك وممسـاك
لو عشت في ديارن جفـاف وخليـه
واللـي تغـداك ضحويـه تعشـاك
لو بانلك في حسـن صحبـه ونيـه
يجي نهـارن فيـه بالهـرج يشنـاك
ويحطك بوجـه المشاكـل ضحيـه
ومـن مايميـز بـيـن ذولا وذلاك
ولا عرف مـن بالشدايـد خويـه
جاله من الايـام لوعـات واربـاك
ويوم(ن)منـه اخيـر يـوم المنيـه
وصديقك اللي ماضحكلك وبكـاك
اللي يـردك عـن دروب الزريـه


خليف الوهيداني
شاعر حكمه وابدعت في طرح تجاربك في الحياة ونظرتك للامور
قصيدة رغم ان نمطها استهلاكي في القيفان الا انك جددت بالافكار والمعاني اشدد مصداقيتي مع نوعيه عقلك

صح لسانك ولاعدمنا تواصلك الادبي[/align]

ارررررررررررحب ياخليف



وصح لسانك يالقرم




مبدع في جميع الاحوال



لك تقديري

خليف
صح لسانك مليارات ولاتكفي

خليف


صح لسانك ولا عجمت

تقبل تحيتي


مشهووور....

أخوي خليف الوهيداني


صح لسانك واعتلا شانك

رايعه بروعة حضورك

تقبل احترامي وتقديري