@@@@@محمد النايف ولد نايف الخير@@@@@

السلام عليكم
هذه قصيده بمناسبة دعوتي لأكون ضيف شرف في مسابقه شعريه تبع الحرس الوطني بالمنطقه الشرقيه التي كانت في يوم السبت السابع من شهر رمضان 1430هجري تحت رعاية الشؤون الاسلاميه لتشجيع الشعراء الشباب اللذين لا تتجاوز اعمارهم العشرين سنه وإليكم القصيده



[poem=font="Arial,6,#F3F3D6,bold,italic" bkcolor="" bkimage="images/toolbox/backgrounds/38.gif" border="double,6,#121210" type=0 line=1 align=center use=ex num="0,#400000"]
الله يجزي فاعل الخير بالخير=الخير فعله مثل وبل السحابه
لا صار غيمه في سمانا مزابير=اللي درابه لا عناله حكابه
وبله علي ذكره يجيله تباشير=طش السحابه ينعش اللي درابه
يشفقله الطيب زبون المخاسير=اللي علي فعله يعني اركابه
وذاليل اشوف اهل الوجيه المسافير=عنت ركايبها بعزم وصلابه
يبغون تشجيع الفتى عاده اصغير=وعقب صبين ما ينومس شبابه
خطوا الولد لا ثار من صغره ايثير=من كان في سنه ويحسب حسابه
حافظ حقوق الله ولا منه تقصير=وسيرة رسول الله وكل الصحابه
وطايع ولات الامر حشمه وتقدير=للي حمو بيتن نوقر رحابه
وللوالدين بديننا خير توقير=لا مدهم بالوصل لين ولبابه
ودون الوطن يثني خلاف المظاهير=لا بين المبغض وكشر ابنابه
ويكافح الارهاب نسل المناعير=اللي مشكل دون داره عصابه
ذبح ابريا وارهاب فكري وتزوير=جل الحقايق و الوجيه اتشابه
وفي ليلة الجمعه عرفتو وش ايصير=في واقع الارهاب ساس الغرابه
كذب وخيانه واخر الامر تفجير=والمنتحر يلقا من الله عذابه
حنا ما نرضاها علي فرد وامير=والا علي ضيف البلد يا رقابه
ومن دون ابونايف ندك الطوابير=سمح الجناب اللي وطنا رقابه
محمد النايف ولد نايف الخير=ما فيه ليلن ملتمس قد غفابه
يسهر علي امن الشعب حنكه وتدبير=ونبح الكلابه يدحره بالذيابه
الحر ما همه اكبار العصافير=وما همه احديا الوعر مع غرابه
ما دام عسكرنا جنود ومغاوير=والدين الاحنف حالفين بكتابه
ترا البلد يسوا الذهب والقناطير=يا اللي تنابح مثل نبح الكل
بشبهك يا العاصي بنافخ الكير=من يقربه خنزه واحرق ثيابه
ترا الوطن حكمه ابحد البواتير=والسيف عبدالله وحنا انصابه
مليكنا صقر العروبه ولا غير=عبدالله اللي كل مسلم هقابه
كم دولتن دارت عليها الدواوير=واستنجدت بالله وثم ابجنابه
ارها عليها في ليال المعاسير=لين الفقر سكر من العز بابه
هذا وطنا يا عبيد الدنانير=مهبط رسول الله ودار الصحابه[/poem]

Nasser1445@hotmail.com

صح السانك

قصيدة رائعه اخي الفاضل


تقبل احترامي



اختك
مضاوي

ارحب يابوحمد


وصح لسانك على القصيده الجزله ياجزل

مضاوي نجد"""""""""""""""صح ابدنك ولا هنتي علي المرور

ارررررررررررررررحب يابوحمد



وصح لسانك وعلاشانك



وافي في قصيدك وفي علومك الغانمه ولايهون الحاضر



تقبل تقديري

ارحب ياناصر


وصح لسانك

قصيده جزله من شاعر جزل

صح الله لسانك ياناصر

والأمير يستاهل


وحضورك دائماً مشرف



أخوك
عبدالله بن غفره