[poem=font="Simplified Arabic,5,#000000,normal,normal" bkcolor="" bkimage="images/toolbox/backgrounds/8.gif" border="solid,2,#400000" type=1 line=1 align=center use=ex num="0,#400000"]
توك تجيني تعترف بانـك أخطيـت؟! =وانك على الهجران ماعدت قـاوي ...!
توك تجـي وتقـول ياليـت ياليـت ..؟! =يرجع لنا ليلا بـه الفـرح ضـاوي !
وينك مشاش الملح ماجيت وسقيـت؟ =عطشى تحرى منك خلب الهقـاوي
وينك وانا من كسر ساقي تشاقيـت ؟ =يوم اعتزيبـك وارتجيـك التـداوي
ياكم على جمـر اللواهيـب ونيـت=يومك على بـرد الهنـا والمنـاوي
ياكم انا من دمعـة الحـزن هليـت=وانته سعيد البـال والبـال خـاوي
قلبي تفطر من عنا الوقـت وأقفيـت=يومـي لقيـت المحقـره والبـلاوي
بصدرا يضيق ابه الدوى وان تداويت=عسر الزفير ولاهب الجرح كـاوي
جريت صوتي بالشقـا والتناهيـت=واكتب على جـر الربابـه غنـاوي
غنى بها طير القطا وأثرك أوحيـت=بيت عوى به في دجى الليل عـاوي
ثم جيت يمي تعترف بإنك أخطيـت=وتقول جيتك يانظـر عيـن هـاوي
لاجابـك الله يـوم عنّـي تخليـت=ولاعـادك الله يالسنيـن الخـلاوي
جعل الخلا فالك عسى بدربك تهيت=محزم فشل ماجاب غيـر البـلاوي
قلت الخلا ثم الخلا بذنـك أوحيـت =وأقولها مـن قلـب حـراً نـداوي [/poem]
:
:
وسلامتكم
[/align]
تعليق