يا سامع اسمع

[align=center]بسم الله الرحمن الرحيم
أولا
أهنئ جميع الإخوان والأخوات أسرة منتديات النداوي الشعبية
بحلول شهر رمضان المبارك أعادة الله علينا وعليكم
وعلى الأمة العربية الأسلامية بالخير والمسرات
وجعلنا الله وياكم من صوامه وقوامه.
ثانياً:
هذه أول مشاركة اخترتها لكم وأعتذر مقدماً فأنا لست ناصحاً ولا مرشداً
وإنما وجدتها الأنسب من وجهة نظري خاصة في هذه الأيام
ونحن على أبواب الشهر الفضيل.
وأتمنى إن تنال استحسانكم,,,[/align][poem=font="Simplified Arabic,7,#090900,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يقـول مـن زيـن المثايـل صخرهـا=مثايـل تترجـم إحـسـاس وشـعـور
هاضـت قريحـة خاطـري مبتكرهـا=من هاجس يخطر علـى البـال ويثـور
وان ثار من بيـن الضمايـر صهرهـا=صهر الرصاص اللي على النار مصهور
فكّـرت فـي دنيـا تقلّـب صـورهـا=دنيـا تخلـي كامـل العقـل مبـهـور
مـن لا يميـز نفعهـا مـن ضررهـا=ترميـه هقواتـه وراء سبعـة بـحـور
يا سامع اسمـع واعتبـر مـن عبرهـا=لا تغامـر بدنيـاك والبـايـر يـبـور
احسـب عواقبهـا وجنّـب خطـرهـا=قدام تجنح بك علـى ريـش عصفـور
مـن يعمـل لدنيـاه هــذا خسـرهـا=حتى ولـو يبنـي عمـارات وقصـور
مـا تنفعـه دنـيـاه لــو اعتبـرهـا=ما له بها في ساعـة الصفـر مذخـور
واللـي عمـل لـلآخـرة وانتظـرهـا=يجني ثمرها يـوم ينفـخ فـي الصـور
لا زالــت الدنـيـا ودارت دورهــا=كـل علـى أعمالـه بدنيـاه مـأجـور
أحـد جهنّـم منزلـه فــي قعـرهـا=واحـد يفـوز وينـزل بجنّـة الحـور
اخذ النصيحـة مـن نصـوح شهرهـا=آمـن بربـك واجعـل الديـن دستـور
أدّ الفـروض وقـم لـهـا مقتـدرهـا=صل وصم وحـج وتصـدّق بميسـور
وزكـاة مالـك عنـد دايـر شهـرهـا=ادفـع زكـاة المـال لا لحقـه الـدور
والعمـرة احـرص لا يفوتـك أجرهـا=واطلب عسى ذنبـك مـن الله مغفـور
والقبـة الخضـراء تطـوّع وزرهــا=اللـي تحتهـا سيّـد الخلـق مقـبـور
ونفسـك بفعـل الصالحـات تحجرهـا=لا تصيـر للشيطـان منهـي ومامـور
و( أمك وأبوك ) اليـا لحقهـم كبرهـا=سخّر لهم نفسـك ولـو يلحقـك جـور
أوصيك فـي سـر الأمـور وجهرهـا=امش برضا والديـك وتجيـك فالنـور
إلهـم حقـوق عنـد ربـي خبـرهـا=واليـا وفيـت بهـا مجمّـل ومشكـور
و( الجار) لا منـه نـزل فـي جورهـا=أنت بحقـوق الجـار ملـزم وماثـور
تـرى حقـوق( الجار) مــاحــد نكـرهـا=ولا ينهدم بيـت علـى العـز معمـور
زلاتـه إدمحـهـا وزلـتـك أدرهــا=حق الجوار ولا يجـي منـك أقصـور
حتـى اليـا منّـه رحـل عـن ديرهـا=يرحل وتبقـى منـه بالخيـر مذكـور
وأكرم ( الضيف ) اللي ديارك نحرهـا=الضيف حقّـه عنـد الأجـواد مخبـور
لا حط عنـدك عقـب طرقـه عبرهـا=لا يصير بيتـك طافـي النـار ديجـور
رحب وهـش وبـش وأشعـل فنرهـا=وقدّم لـه الموجـود وان قـل معـذور
و ( خويك ) اللي صاحبك فـي سفرهـا=ليّن جنابـك وأشركـه معـك بالشـور
نسّـه مشقـات الطـريـق وكـدرهـا=وخلّك أنيس وراضي النفـس مسـرور
تـرى الخـوي مخوتـك وان ذكرهـا=بالطيب يبقـى منـك بالطيـب مغمـور
وأحفظ ( حلالك ) في يسرهـا لعسرهـا=يغنيك عن غيرك ترى الوقت مخطـور
حتـى اليـا احتجتـه بقاسـي دهرهـا=حصّلت مـا يكفيـك والحـال مستـور
المـال عـز والفقـر مــن بـورهـا=وتبذيـرك لمالـك يخلـيـك مطـفـور
و( أهـل المفاسـد ) لا تتبّـع أثـرهـا=خلّك نزيـه ولا تجـي كـل محظـور
من قادك لـدرب الـردى مـن بشرهـا=لو اضحكوا لك معهم الشـرّ مضمـور
أبعـد هدفـك وسيرتـك عـن سيرهـا=منته على صحبة هـل السـوء مجبـور
كم واحـد معهـم غـرق فـي بحرهـا=وأصبح جناحه لو بغى يطيـر مكسـور
( صاحب ) ولا تصاحب إلاّ من خيرهـا=لعـل لـك حـظٍ بدنـيـاك مـوفـور
علـيـك بـرجـالٍ بعـيـد نظـرهـا=اللـي لهـم فعـل تبيّـن ومشـهـور
تعتـز وتنـال الظفـر مـن ظفـرهـا=ويصير لـك قيمـه مـع كـل مـنعـور
و( الكذب والنمّـات ) واللـي نشرهـا=لا تسمع اللي هرجهـم زور فـي زور
عاداتهـم طعـن البشـر فـي ظهرهـا=شافوا عيوب النـاس وعيونهـم عـور
مـن شـاف منهـم خلّـةً مـا سترهـا=صنفٌ على شذب العراقيـب مسعـور
و( الصدق ) ياقى صاحبه مـن عثرهـا=اصدق بمنطوقـك ولا تصيـر ثرثـور
أعـط السوالـف حقّهـا ومختصرهـا=ما قـل دل وزبـدة الهـرج محصـور
ينصت لها في مجلسـك مـن حظرهـا=وتكبر بعينه ما تصيـر أنـت مكبـور
وان ( جاتـك الزلّـة ) تحمّـل أثرهـا=خلّـك حليـم وعالـج أمـور بـامـور
بالعقـل والحكمـة تجـنّـب قشـرهـا=لو كـان دمّـك فـي شرايينـك يفـور
( العاقـل ) إذا شـاف زلّـة طمرهـا=مـا يلتفـت لمناقـرة كــل مثـبـور
واصبر علـى الدنيـا وهـذي دورهـا=مـر بهـا خيـر ومـر بهـا شـرور
و( المرجلة ) مـا كـل رجـل قدرهـا=المعطـي الله والفلّـك دايــم يــدور
وصلاة ربي عـدّ مـا أنشـى مطرهـا=وإعداد من حـجّ وعـدد زائـر يـزور
علـى النبـي اللـي الرسالـة نشرهـا=شفيعنـا يـوم بـه الخلـق محـشـور[/poem]
[align=center]عبد الله المشعلي[/align]

ارحب ياعبدالله تراحيب المطر
والف الف مليون صح لسانك وافي وقصيدك وافي وذرب وستين نعم ياعبدالله

اخوك

عبدالله المشعلي



أرحب ياكحيلان



كلام طيب وثمين وإختيار مميز


صح لسانك والله يحفظك

أخوي عبدالله المشعلي

ارحب تراحيب المطر يعلم الله انني فرحت بشوفة اسمك

كل سنه وانت بالف خير

صح لسانك واعتلا شانك

تقبل احترامي وتقديري

الاخ الشاعر / عبدالله المشعلي
لله درك وبيض الله وجهك نصائح ثمينه
وافي وجزله من شاعر متميز ومبدع

تحياتي

ارحــــــــــــب ياعبدالله

وصح الله لسانك على القصيده الجزله ياجزل



تقبل مروري وكل عام وانت بخير

ارحب ياعبدالله

والشهر مبارك عليك

وصح الله لسانك

والله يزيدك يارب

وموفق خير


حظر هنا


سالم اليامي

عبدالله

صح السانك ولاهنت

قصيده طيبه من راس طيب

لك تحياتي

ارحب ياعبدالله تراحيب المطر
والف الف مليون صح لسانك وافي وقصيدك وافي وذرب وستين نعم ياعبدالله

اخوك

سعيد القير
الله يبقيك
وصح بدنك
ولا عليك زود
تقبل تحياتي

عبدالله المشعلي



أرحب ياكحيلان



كلام طيب وثمين وإختيار مميز


صح لسانك والله يحفظك

عبدالله بن شايع الزهيري
الله يبقيك ويسلمك
واشكرك على مرورك وكلامك الطيب
تقبل تحياتي

أخوي عبدالله المشعلي

ارحب تراحيب المطر يعلم الله انني فرحت بشوفة اسمك

كل سنه وانت بالف خير

صح لسانك واعتلا شانك

تقبل احترامي وتقديري

[align=center]مهدي بن مسفر الحبابي
البقاء وتسلم وتدوم ....
وصح بدنك ومرورك......
يشرف القصيدة وراعيها[/align]