يابوي ..!

[align=center].
.

السلام عليكم ورحمة الله وبركاته ،،


[align=right]مدخل :


أنا تراني يابو مازن بـ وصيك
______ في طاعة الله لاتقلل مقامه .!
وإحذر عسى وال المقادير يهديك
______ وعساك دايم بالسعد والسلامه
الله يحقق بالسعاده مساعيك
______ اللي حفظ من ضللته الغمامه [/align]


أبيات كانت رساله من والدي اطال الله في عمره
فـ كان الرد هذا ولن نوفي آبائنا حقوقهم مهما طال الزمن








[poem=font="Simplified Arabic,5,#271458,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
يابوي جعل الناس هـذي فداويـك=والله يديمك عمّر .. يابو الكرامـه
ارسلت لي ثـم اطربتنـي معانيـك=قلت الوليّ ، وانته ، ودرب السلامه
ونصايحك عندي عسى الله يعافيك=تبقى على صدري وسام وعلامه
وإن كان ماكنت افتخر دايـمٍ فيـك=لابـارك الله فالعقـل والعمـامـه
وإن خابت ظنونك وخابت هقاويـك=ماني برجلٍ ينحسـبّ فـي كلامـه
نتبع على روس النوايف خطاويـك=معْـك معْـك إليـن يـوم القيامـه
وإن جيت بين رجال ثم حلّ طاريك=كنّـي ملكّـت المملكـه والمنامـه
والضيف لاجالك في بيتك وناصيك=في مجلسك يلقى جزيـل إحترامـه
وإليا لقينا .. فالزمن مـن يعاديـك=إنعلمّـه قـدره ، وندفـن مقامـه
أكبر امانينا ، رضاك ، ومساعيـك=يالمجد ، يالتاريخ ، ياصل الفخامـه
وفاك ، وإعفاك ، ونقاوة دعاويـك=تجلي عن الرجـال سكـةّ ظلامـه
وطالبك دام ان الرضا بين أياديـك=جدد رضاك إليّـه ولـو بإبتسامـه
وإن جيت للعالم فـلا احدن يساويك=هامه وبين النـاس قامـه وهامـه
والشعر لاجالـك وغنـى حواليـك=يزداد في وجـه الخلايـق وسامـه
يابوي جعل الناس هـذي فداويـك=والله يديمك عمّـر يابـو الكرامـه[/poem]



[align=right]مخرج :

أطال الله في عمرك والشعر لن يوفيك حقّك



وسلامتكم ،،[/align]

.
.[/align]

الله يطول في عمره ابو عبد الرحمن


وصح لسانه و لسانك

عبدالرحمن مازن العطاوي

اطال الله في عمر والدك- صغت فأبدعت

انت كريم وهو يستاهل قواميس الشعر ولن

تفيه- صح الله لسانك

الله يطول في عمره ابو عبد الرحمن
ويخليكم لبعض
لاهنت
وصح لسانه و لسانك

آمين

وعساه مايبكيك ياعبدالرحمن

قصيدة وفاء في اكثر الناس استحقاقا

لاهنت يابومازن

تحيتي لهذا الحضور


مشهوووور...

الله يطول بعمره ويرزقك بره ياعبدالرحمن

صح قلبك وكلك

عبدالرحمن مازن العطاوي

اطال الله في عمر والدك وعمرك على الطاعه
انت كريم وهو يستاهل و صح الله لسانك

تحياتي

أكبر امانينا ، رضاك ، ومساعيـك
يالمجد ، يالتاريخ ، ياصل الفخامـه

:
:

صح الله لسانك شاعر ووافي

ابو مازن

صح لسانك

وحبة خشم لك ولأبوك

لاهنت

الله يطول في عمره

صح السانه والسانك

لك تحياتي

.
.



الغالي


ناشر العاطفي



صح بدنك ولاهنت على مرورك



تحيتي لك


.
.

أخوي أبو مازن

اطال الله في عمر والدك وعمرك على الطاعه

انت كريم وهو يستاهل و صح الله لسانك

سلملي على شايبك جعل عمره مديد

تقبل احترامي

.
.

الحوراء

صح بدنك ولاهنتي على مرورك

تحيتي لك

.
.

.
.

الغالي


سعيد القير



ولايحرمنا حضورك هنا دائمآ

صح بدنك وتحيتي لك




.
.

وطالبك دام ان الرضا بين أياديـك
جدد رضاك إليّـه ولـو بإبتسامـه
وإن جيت للعالم فلا احدن يساويك
هامه وبين النـاس قامـه وهامـه

أسأل الله أن يرزقك بر والديك ورضاهما عنك، إنه جواد كريم.

صح لسانك يالعطاوي

صغت وبدعت

تقديري