ياما تحت السواهي دواهي
وجاي البارح ولا كأنك مسوي شي !!!
انت كاتب مصيبه من مصايب الشعر يا ابو تركي وتوني ادري عنها !!
هين ان زيد سمعتك شي
بس على العموم قصيدة رائعة بحق اخذتنا في جو ثاني
صح الله لسانك و بيض الله وجهك
تحياتي
-
العذارا دداسن و الغضي ((( بنتلي )))
اسعد الله أوقاتكم
[poem=font="Simplified Arabic,5,#56160B,normal,normal" bkcolor="" bkimage="" border="groove,4,#3C130A" type=1 line=0 align=center use=ex num="0,#400000"]
واعذاب المشقى من فراق الهنوف=قلب يا اللي من الضيقات ماهو خلي
كثر ما صادفنّك في حياتك صدوف=ذي ثلاثٍ تتالى كلّها تقتلي
لا تشاليت من وحدة للأخرى تحوف=أشهد إنّك من صدوف الزّمن ممتلي
جيت تبغي تطوّفها و عيّت تطوف=وقّفت وقفةٍ منها الفواد يغلي
من سبايب غريرٍ مدّ لي سلك صوف=قوووم يا كيكة ابن فطيس مدري جلي
أتلعٍ ناف عن كل المزايين نوف=ما لوصفه شبيه ولا لطبعه حلي
لو يلد النضر صوب العذارا عيوف=ما لقى له من أطلقهن جليس و سلي
لو بأوصّف لو إن العذب فوق الوصوف=العذارا دداسن و الغضي بنتلي
خابر إن التّعب معها مهوب امخلوف=خصّ لا عوّدت عقب المزوح صملي
لا سقى الله علي ليلٍ حدته الضروف=يوم جتني و قالت لي درو بي هلي
وأرخت الرّاس و أغضت لي بعكشٍ صفوف=واختفى صوتها و الدّمع هل سبلي
وقربت و شبكتني شبكةٍ بالكفوف=وقتها ضاع عقلي مع سواد جهلي
قلت يا بنت ما لي عند غيرك شفوف=كيف ذا الغمّة اللي بيننا تنجلي
والله إنّي ما بي دربٍ ماهوب (امعروف)=و الدروب الضعيفة ما قربها شلي
قالت عيال عمّي يا مبارك جلوف=حاجريني من أدنى كلّ منهم ولي
كل منهم قطوعٍ صارمٍ ما يروف=جعل ما هو نصيبي من نتاج عملي
قلت و اليوم قالت مثل مانك تشوف=استر الله يبيحك ما خذيته علي
وادعتني .. و أنا توي بحالة وقوف=مع خفوقٍ من الضيقات ماهو خلي[/poem]
اترك تعليق: