[poem=font="Simplified Arabic,5,#FF1F00,bold,normal" bkcolor="" bkimage="images/toolbox/backgrounds/8.gif" border="none,4,#400000" type=0 line=0 align=center use=ex num="0,#400000"]
ألا يالله يلي ما تغرّك رمسة المخلوق = يناجيك البشر وانت اللطيف المعطي الباري
طلبتك طلبةٍ من ذلّها دمعي تغشّا الموق = تفرّج همّي الي دوم اكنّه وانت به داري
يسرّيني ليا صار الجفن فوق الجفن مطبوق = هل المجلس بعد ما روّحو عوّدت له ساري
احرّك ما اندفن من جمرنا البارح واردّه فوق = وازوّده الحطب من عقب موته تدّهر ناري
وافوّح في طرفه الما وسط معماله المطبوق= واكيل لفوحته بنٍّ تعنّا لجله الشاري
جنا خولان حمسة حرص لانيٍّ ولا محروق = يلاطم رغوته كنّه على حرّ الجمر زاري
واحوزه لا قطع في جنب حتى يركد المطفوق = واجهز له من الرسلان عنقاً كنّها الصاري
نحيلة خصر منسب جدّها في جنبها مدقوق = مثل لون الذهب فوقه شعالة بدر الاقماري
واغرف الهيل باربع والعويدي بروسها مفروق = وطعمة زنجبيل وزعفرانٍ جرّه الذاري
واسلّ البن فيها لين يزما بهارها للطوق = وابرّكها على الجمر آتحرّا الوضع وآداري
ليا منّه تقلّب هيلها شلّيتها برفوق = وفي فنجالها صبيت كيفٍ صرت به ضاري
وليا منّي شربته قامت تلوح الهجوس بروق = من مزون القصيد الي تحدّر سيلها الجاري
أعدّ ابيات ما تلقا بها هزلٍ ولا مسروق = فرايد من شرايدها تفيد السامع القاري
يحير بها الغشيم الي يعذرب غالي المنطوق = من انصار الحضاره يا عسا ماهو من انصاري[/poem]
ألا يالله يلي ما تغرّك رمسة المخلوق = يناجيك البشر وانت اللطيف المعطي الباري
طلبتك طلبةٍ من ذلّها دمعي تغشّا الموق = تفرّج همّي الي دوم اكنّه وانت به داري
يسرّيني ليا صار الجفن فوق الجفن مطبوق = هل المجلس بعد ما روّحو عوّدت له ساري
احرّك ما اندفن من جمرنا البارح واردّه فوق = وازوّده الحطب من عقب موته تدّهر ناري
وافوّح في طرفه الما وسط معماله المطبوق= واكيل لفوحته بنٍّ تعنّا لجله الشاري
جنا خولان حمسة حرص لانيٍّ ولا محروق = يلاطم رغوته كنّه على حرّ الجمر زاري
واحوزه لا قطع في جنب حتى يركد المطفوق = واجهز له من الرسلان عنقاً كنّها الصاري
نحيلة خصر منسب جدّها في جنبها مدقوق = مثل لون الذهب فوقه شعالة بدر الاقماري
واغرف الهيل باربع والعويدي بروسها مفروق = وطعمة زنجبيل وزعفرانٍ جرّه الذاري
واسلّ البن فيها لين يزما بهارها للطوق = وابرّكها على الجمر آتحرّا الوضع وآداري
ليا منّه تقلّب هيلها شلّيتها برفوق = وفي فنجالها صبيت كيفٍ صرت به ضاري
وليا منّي شربته قامت تلوح الهجوس بروق = من مزون القصيد الي تحدّر سيلها الجاري
أعدّ ابيات ما تلقا بها هزلٍ ولا مسروق = فرايد من شرايدها تفيد السامع القاري
يحير بها الغشيم الي يعذرب غالي المنطوق = من انصار الحضاره يا عسا ماهو من انصاري[/poem]
تعليق