@@مادام تقدر تفعل الطيب سوه@@

صح لسانك يابو حمد ومرحبا بك مليون





شهادتي مجروحه يابو حمد

السلام عليكم ورحمة الله وبركاته

يشرفني أن أضع هذه الابيات المتواضعه في هذا الصرح الشامخ

مشاركه أولا واتمنى ان تنال على اعجابكم ورضاكم




[poem=font="Simplified Arabic,5,#4000FF,bold,italic" bkcolor="" bkimage="" border="none,4,#400000" type=1 line=1 align=center use=ex num="0,#400000"]
الطيب تدفي يا المطاليق ضوه=وتدل مطنوخن عن الدرب غاوي
الطيب ساس المرجله والربوه=فنجاله يبعد عمس كل خاوي
لامن تزبر في سما الراس نوه=رشاشه يشادي لسيلن نحاوي
وإليا تمزع نوه ايشين جوه=ويروح وقته بين كاتب وراوي
فكري علي ذكره غدابه مفوه=ومن دونه ايطوع اكبار الهقاوي
بينه وبينه من قديمن اعنوه=ويقدره لو المكاسب شلاوي
الطيب ما يرخص كثيره بشوه=الطيب فعله مثل عدن رهاوي
يبزاه رجلن شيمته والمروه=اتجنبه درب الثعل والضراوي
حامي حماه بطيب والا بقوه=لو الليالي صدق ما هي بتاوي
لن الردا ريحه كما ريح جوه=والطيب ريحه مسك مع عود جاوي
يا مخبل اللي يحسب الوقت توه=الوقت ما همه اكبار العزاوي
ما دام تقدر تفعل الطيب سوه=ترا المراجل ما تجي بالمناوي
ما يقتصر بين الامير وسموه=والا كبير الجاه زبن الجلاوي
يفعل لجل رفقه وعشره وخوه=ما هو تصنع لجل بعض الدعاوي
وما ينفعه قولت يا ليت ويا لوه=من كبل ايدينه وفكره يراوي
اما حياتن تدهمه من علوه=لا طاح فيه الرجل طاح امتساوي
والا مماتن ينقذه من عدوه=اللي علي الزله شفوقن شفاوي
والطيب تدفي يا المطاليق ضوه=شروا الوجيه اللي ترود النداوي[/poem]

اخي الغالي والشاعر الرائع / ناصر بن حمد الخالدي

صح الله لسااااانك منا إلى يوم الدين

والله ثم والله انك جزل وانك وافي وانك مجمل وانك تشرف المكان اللي تجيه

شاعر وصقار وعلومك كلها غانمه

لله درك على كل حرف تكتبه

ومتابع لك ومن جمهورك يابو حمد

مبخوت ابن حمد"""""""""""""""""""""""""بيض الله وجهك علي المرور والكلام الطيب وابشر بالخير

ابوحمد

:
:

مرحباً بك

وصح لسانك ودمت بهذا العطاء

هادي العسكر"""""""""""""""""""""""""""""لا هنت علي المرور وبيض الله وجهك

ابو شايع""""""""""""بيض الله وجهك علي المرور والله لا يهينك

لطـيـب تـدفـي يـــا المطـالـيـق ضـــوه
وتـدل مطنوخـن عـن الــدرب غــاوي
الـطـيــب ســــاس الـمـرجـلـه والــربـــوه
فنـجـالـه يـبـعـد عــمــس كــــل خــــاوي
لامــن تـزبـر فــي سـمـا الـــراس نـــوه
رشـاشــه يـشــادي لـسـيـلـن نــحــاوي

اخوي الغالي ..ناصر الخالدي
طيب ولايستغرب عليكم

والف صح الساك على الرائعه

تقبل تحياتي

ناشر العاطفي""""""""""""""""""""الله لا يهينك علي المرور وبض الله وجهك

ابو مسفر بيض الله وجهك ولا عليك زود

خليل ابن هدلان""""""""""صح ابدنك وايشاده اعتز فيها

[poem=font="Simplified Arabic,5,#4000FF,bold,italic" bkcolor="" bkimage="" border="none,4,#400000" type=1 line=1 align=center use=ex num="0,#400000"]

ما دام تقدر تفعل الطيب سوه=ترا المراجل ما تجي بالمناوي[/poem]

الأخ الشاعر/ ناصر الخالدي

صح لسانك
تحياتي....