غلاء المعيشة

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ايقال مافيه عيشه من ورا بيشه = والناس ماهي على الامثال منجبره
الموت والله ليامن زادة العيشه = يضيق فيك الفضاء من قلة الدبره
ياهل الشفا مادريتو عن هل عليشه = اللي يدور عظم ماعين الهبره
الرزق ضاقت دروبه يامحاويشه = اضوق على بعضكم من نظمة الابره
امنول الرز بميه قيمة الخيشه = واليوم ضعفينها ينباع فالكبره
والتاجر العود شن الحرب في جيشه = ياصغر ذنبه وعند الله ياكبره
طاش وتمادى وزاد شوي في طيشه = ولحد ٍ معه غيّر الاسلوب والنبره
والامر يصدر ويصدر عمد تطنيشه = من بعض ناس ٍ يقال ان عندهم خبره
والا وزير التجارة تم تفنيشه = عشان يبقى لمن لا يعتبر عبره
الله يستر من القاع وخشاخيشه = ومن حوبة الميت اللي ساكن ٍ قبره
الحمل عند الغناوي كنّه الريشه = والا الضعيّف على ذالحمل ياصبره
الجرح ماودنا والله بتنبيشه = مير القلم باح سده وانتثر حبره[/poem]



[align=center]عبدالله الكحيلي[/align]

يعني العيشه في بيشه ولا وراها مابه الا الجوع

صح لسانك يا الكحيلي

بس يا خوك كبر الخط الشوي بيمرون الشيبان من هنا

ويتعبهم الخط ذا ترا الشيبان واجد في النداوي

ابوفهد

:
:

صح لسانك شاعر وأبن شاعر وأتيت بلسانك ولسان غيرك في ماعبرّت

الله يستر مـن القـاع وخشاخيشـه
ومن حوبة الميت اللي ساكن ٍ قبـره
الحمل عند الغنـاوي كنّـه الريشـه
والا الضعيّف على ذالحمل ياصبـره



ارررررررررررحب يابوفهد



وصح لسانك ملايييييييييييييييين



شاعر مبدع وانا من جمهورك ومتابعينك



لك تقديري

[align=center]الحمل عند الغناوي كنّه الريشه = والا الضعيّف على ذالحمل ياصبره

الله الله ياسلام يابوفهد

قصيده معبره وواقعيه

لله درك

صح لسانك وبيض الله وجهك




تحياتي[/align]

ابو فهد

صح السانك ولاهنت

قصيده رائعه

لك تحياتي

فهيد الشهراني شكرا على مرورك وابشر بسعدك

حمد الدليهي ارحب يابو سعد
صح بدنك
وشهادتك اعتز فيها شكرا على مرورك

اررررررحب ملايين يابن عسكر دايم سباق
بالعلوم الطيبة وانت استاذ وانا من تلاميذك
اشكرك كل الشكر

شبيب شاهر مرحبا والله ومسهلا
الله يصح بدنك يابوشاهر ووجهك ابيض
وسعيد بمرورك ........تحياتي

الاخ حسن الوطري صح بدنك
وشكرا على مرورك

صح لسانك وبدنك ياعبدالله
قصيدة جميلة وموضوعها قيّم وحديث الساعة
وصدق الاخ العزيز فهيد الشهراني
والمثل كان معناه مثل ماقال

ابو مفبل شكرا على مرورك
وعلى مشاعرك الطيبة
تحياتي لك

هذا الشكل الحقيقي للقصيدة