نجــــــوم الإســـلام

[align=center]السلام عليكم ورحمة الله وبركاته

لايخفى على الجميع حزن الشعب الإسلامي قاطبة على فراق شيوخنا الأجلاء.

شيوخا طالما اناروا لنا الطريق بعلمهم الشرعي.

وكان آخرهم فضيلة الشيخ العلامة عبدالله بن جبرين رحمه الله رحمة واسعة وجميع اموات المسلمين

كان لكل مسلم ردة فعل وها انا اطرح عليكم ردة فعلي بعد تلقي نبأ وفاته

والعذر والسموحة إن حصل أي خلل او تقصير .

فهي تبقى ردة فعل مع دعائنا لشيوخ الدين الراحلين بالرحمة والاحياء بالثبات وطولة العمر

[/align]

"
[poem=font="Arial,4,#4000FF,bold,normal" bkcolor="" bkimage="" border="double,4,#400000" type=1 line=0 align=center use=ex num="0,#400000"]

يالله لك الامـر وقت العسـر واللـيــني=سبحانك . احمدك . واشكرفضلك الضافي

اســألك باسمـك من النيــران تنجيـني=والــوذ بحمــاك . يارحمــن ياكـافـــي

خلقـت الإنســان ياربـي . من الطينـي=وتدبيرك الكون بين النون والكافي

إلهـي اعـوذ بك من فعلـي الشينـي=ماتجهل الناس . واللي كان ينشافـي

واسألك ترحم شيوخ العلم والديني=اللي على الدين كانوا ستر ولحافي

الشيخ إبن باز والشيخ العثيميـني=أهل المواقيف واهل المذهب الوافي

واسألك رحمتك للشيخ إبن جبريني=ومن كوثر الجنة اجعل شربه الصافي

واكتب لهم عفوك بثقل الموازيني=واجعل لهم جنتك مسكن وميلافي

شيوخنا اللي بشرع الله ملميني=كانوا يشيلون همه فوق الأكتافي

فراقهم هل دمعي واحرق العيني=وغيري من الناس دمعه ينزف إنزافي

عاشوا على الحق . للسنة مواليني=ابطال . شجعان. محدن منهم يخافي

نجوم الإسلام . للمنهج عناويني=كلامهم نشربه مثل العسل صافي

اسياد. قادات. بالأمه رحيميني=مرصاد للي كلامه فحش وإسفافي

اشاوس العلم. للحجة مقيميني=عاشوا وماتو وهم فالقمة أشرافي

ولاشك الآمال معقودة من سنيني=على رموز العقيدة بعد الأسلافي

على مشايخ عقيدتنا الحكيميني=الله يوفقهم إل تحقيق الاهدافي

يحكّمون الكتاب. جبال راسيني=دعات للخير اهل وقفات .ونظافي

يواصلون المسيرة . رايهم زيني=يدلنا نورهـم لو نورنا طافي

يسعون في نصرة الإسلام وافيني=متكاتفين. أقويا. من دون إجحافي

سوات إبن باز والشيخ العثيميني=والشيخ عبدالله.. اهل المنهج الوافي

شيوخنا اللي لخالقهم مطيعيني=عاشوا وماتو وهـم فالقمة أشرافي[/poem]


[align=center]احمـد السـراد[/align]

الغالي أحمد السراد



هنا كتبت مشاعرنا واحاسيسنا تجاه من أجتهدوا وكانوا ولازالو لنا الشمعه اللتي تضي لنا الطريق


أسال العلي القدير ان يرحمهم رحمته واسعه ويشملهم بفضله ومنّه وكرمه انه القادر سبحانه

ويرحم اموات المسلمين اجمعين


صح الله لسانك وقلبك وفكرك

لاهنت

تقديري ومعزتي

جزاك الله خير اخوي الغالي احمد


والله يرحم فضيلة الشيخ ويسكنه فسيح جناته



صح لسااانك ملايين يا جزززل

تحياتي