" ذلوول الهـــم "

[poem=font="Simplified Arabic,6,#43230A,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
كل ما غمّضت عيني عن بلاوي هالزمن =واتجهت بعكس ذلك هاربٍ لاقصى مداي

كلما جتني ذلول الهم تركض بالرسن=وابركت قدّام وجهي واشرت لي في عصاي

واركبتني فوق ظهر الياس واحوالي كفن=وعوّدت بي مع تباريحي على نغمة عزاي

والمصيبه في رجوعي تصبح السيره علَن=وانا في حزّة خروجي لابسٍ سترة دجاي

اتذرّى عن هل النمّات واصحاب اللِّسَن=كلمةٍ منهم تسوّي مالا يقوونه اعداي

وانت ياللي فاتك الأسلوب واغواك الحسن=ماطمعت من المكاسب غير في لقمة شقاي

مارحمت الضايق اللي جاك في ثوب الحزن=يشتكي لك وانت داله كن همّه كاس شاي

جيتك اضوى من شعاع البدر وانوار المدن=اتبعثر في غلاتك وانت ما سِـلْتْ بغلاي

صغت لك عمري حديقة ودّ واحساسي فنَن=وقمت اظلّك من لهيب الشمس في دوحة هواي

باغترابك في شبابك صرت لك احلى وطن=تشرق أطياف السعاده في ركونه من دفاي

الوله والود وانفاس الصبابه والشجن=سقتها لك كل ابوها وانت تبخل في عطاي

بس صدّقْ كنت ساذج يوم افكّر بالثمن=قبل اقارن لو دقيقه محتواك بمحتواي

تعشب الارض الغليظه من تهاتيف المزن=وانت قلبك مانبت مره رغم ديمة سماي
ما الومك والطبايع قشر والدنيا فتن=بالتمس لك عذر وارجِع ماحصل منك لرداي

واعتبر هذا وفا مني اذا ماحسنت ظن=وان اسأت الظنّ فيني عدّ هذا من غباي


ماني قايل لا رحلت : الصيف ضيعتَ اللبن=الأكيد اني بقول اليوم وينك يا مناي[/poem]
.
.

خــــــــــــالد


صح لسانك

قصيدة جميلة وحضورٌ اجمل
صح لسانك وطاب بيانك ياخالد

صح لسانك ياخالد على القصيده الجزله


تقبل مروري ولك جل تقديري

خالد

صح السانك ولاهنت

قصيده رائعه من شاعر اروع

لك تحياتي

صح لسانك ياخالد على القصيده الجزله
وافيه من شاعر وافي وجزل ولاهنت

تحياتي

اررررررررررحب



وصح لسانك ياخالد



قصيدة وافيه من وافي



لك تقديري

خــــــــــــالد


صح لسانك

.
[align=center]فهد

شرفتني بمرورك

لا عدمتك يالغالي[/align]

.

قصيدة جميلة وحضورٌ اجمل
صح لسانك وطاب بيانك ياخالد

.
[align=center]ابو مقبل

لاهنت على المرور

تقبل تحيتي الخاصة

.[/align]

[align=center],

كالعاده تاتي بالفريد المتميز لتتحفنا به

صح لسانك يالوقيت ملايييييين

قصيده اقل مايقال عنها وافيه

دمت ولاهنت

,[/align]

صح لسانك ياخالد على القصيده الجزله


تقبل مروري ولك جل تقديري

[align=center]ناشر العاطفي

صح كلك

ومرورك شرف

تحيتي لك[/align]