شيوخ الحزن

[align=CENTER]
الإخوة النداوية

السلام عليكم ورحمة الله وبركاته
متواضعه من اخيكم في الله يتمنى ان تصل إلى ذائقتكم
.
.
.
.
جوني اشيوخ الحزْن ! بـ .. ثيـاب وبشـوت
وانتزعوا امـن الصّـدْر .. كـلّ انشراحـه
***
عن العيـون اخفيتهـم ! لابـس الكـوت
واخـصّ فـي ذلـك : اعيـون الشفاحـه
***
الشيـخ منْهـم .. قـام يبنـي لـه ابيـوت
حتـى ابيـوت الشّعْـر ! خذهـا مساحـه
***
لهوا ! عثوا فيهـا ! وحتـى علـى الصـوت
استأثـمـوا فيـنـي .. وزادوا وقـاحــه
***
أقسى عذاب ٍ ذقت .. لا صـاروا اسكـوت
ويقـول شيـخ الحـزْن : هـذا مزاحـه !
***
أحـسّ فينـي .. معركـة عيـن جالـوت
القلب طاح ! ومـا سمـع صـوت صاحـه
***
الحـزْن هـذا ! مـا مـن اطباعـه الفـوت
الحـزْن هـذا ويـش ؟ يــا لَلَبجـاحـه
***
أظن ما هـو حـزْن ! انـا اظـن طاغـوت
وخوفـي يـلاقـى فالحبـيّـب مـراحـه
***
يا حبيّبي .. خذ مـن هنـا هـرج مكبـوت
هـرج العيـون اليـوم .. أُطلِـق سراحـه
***
اتصدق انّـي صـرت عطشـان للمـوت !
عطشـان أقسـى مـوت ! يعنـي قراحـه
***
ما كـنّ انْـا فـ ..الأرض ! كنّـي ابتابـوت
ذبحنـي امـن النـاس .. كثـر السمـاحـه
***
( ماي ) الدموع ! وشِعْر فكري هو ( القوت )
تشقـي مسـا طـارق ! وتشقـي صباحـه
***
دمعي ! جرح خـد ٍ غـدا منـه منحـوت
وشعـري ! نـدواي ٍ كسـيـر ٍ جنـاحـه
***
أنا الـذي .. دمعـه يعيّـش 100 حـوت
وأنـا الـذي .. شِعْـره يزيـد انفضـاحـه
***
الدمـع دمّ ! ولونـه ادهـم مـن التـوت
والشّعـر .. دكتـور امتخصـص جِراحـه
***
يا حبيّبي ! ليـه انـت ساكـت ومبهـوت ؟
لا تندهـش ! مـا جـاك غيـر الصراحـه
***
أكثر مـن دموعـي تبـي هـرج مثبـوت ؟
وش حيلـة اللـي صـار دمعـه سلاحـه ؟
***
يكفيني انّي شيخ فـي عيـن هـ .. ( النـوت )
هـذا يحسسنـي ابـ .. متـعـه وراحــه[/align]

صح الله السانك ملايين

حي القصيد الطيب

والطيب ميطلع الى من الطيب


تقبل تحياتي

طارق الحصان ولله انك حصان على حصان
بيض الله وجهك يالقرم ابيات فيها من الشعر الكثير

تقبل مروري وجعل فالك التوفيق

تحياااااتي

عزالله سبكتها ياحرّيف
واسلوب جميل وملفت للنظر
وثقافة شعر ممتعة
سلمت يمناك ولاعدمناك

صح الله لسانك










وسلم فكرك وبنانك











ولاهنت







لك تحياتي

ارررررررررررحب ياطارق



وصح لسانك وعلاشانك



كتبت وابدعت يالسنافي


لك تقديري

طارق


أرحب مليون




وفايه وكافيه



لاهنت