ملز الفكر..

--------------------------------------------------------------------------------

هذه بعض الاصناف التي لقيتها في حياتي القصيره..
ربما البعض منكم من صادفها او على الاقل سمع عنها..
وهي تتكاثر بشده في (المستنقعات) والاماكن التي يقل فيها المستوى الثقافي..

القصيده على بحر الصخري..

أترككم معها..

طبعا الملز: معناه يقابل تقريبا الاسطبل..ولكنه في العصور السابقه مخبأ للخيل..

العيص:التي لم تعسف بعد

مرابط الخيل: هي أصول الخيول والسلالات النقيه والتي ترد لها انساب الخيول وهي في الجزيره 5 سلالات..



[poem=font="Simplified Arabic,5,#000000,normal,normal" bkcolor="" bkimage="" border="inset,4,#400000" type=2 line=1 align=center use=ex num="0,#400000"]

ملـز الفكـر لـزت بـه الاصايـل=بعضها عيـص مـا وليـت لقايـل
اعـن سروجهـا فمضمـار فكـري=اليـن تبـيـن اطيبـهـا سـلايـل
ولا مـنـي تبـيـنـت النجـيـبـه=لحافرهـا فـي مكنـونـي دلايــل
تخـيـرت لنواصيـهـا مـرابــط=وسـرج قبهـا بسـمـى المثـايـل
تحمحـم مـن تزاحمهـا وتصاهـل=تتابـع طايـل فـي تلـو طـايـل
ضمـور بطونهـا كبـار الثـنـادي=تجـر ذيولـهـا كنـهـا جـدايـل
لجل لا عرضت لناس(ن) عـوارف=زهت فـي قايـم وجيـد وخصايـل
ربت في ربـوة رجـع(ن) مطرهـا=وبيـن المـا وظليـلات الخمـايـل
تغذيهـا بـنـات الفـكـر حـتـى=تـوارت مـا درج فيهـا هـزايـل
مسخرهـا لجـل تحمـل تـجـارب=تجـارب عشتهـا لـو هـي قلايـل
عرفـت ان الرجـال ابهـا تفـاوت=كما فـوت السهـل وجبـال حايـل
فمنهـم مغـنـي اشـبـه بديـمـه=لعين(ن)لجـل حاجتـهـا تخـايـل
كمـا بكـور الوسـم لنـدت كفوفـه=ينقض الارض من صـدق الهمايـل
يقـدم بـذل مـا يطلـب جـزاتـه=ويسعـى دون وجـهـه بالوسـايـل
فرق عن جيلـه وجيل(ن)سبـق لـه=كفرق المـا علـى باقـي السوايـل
لقولـة نـعـم حـصـاد لمـواسـم=فعام (ن) يبـذر وفـي عـام كايـل
ومنهـم مـن كنـه بالكـف جمـره=ولا منـه نـطـق سـلـة زبـايـل
يحسـب انـه ابـوزيـد الهـلالـي=وكـل الطيـب فـي كنفـه دخايـل
وهو سهيل الكـذوب اللـي تكشـف=لعين(ن) ترقبـه مـن غيـر حايـل
ومنهـم رفقـتـه للـبـوك وحــده=ويبقـى سايـل(ن) مـادام طـايـل
يغيـر لونـه بحـسـب العطـيـه=وفـي مثلـه ضيـاع(ن) الجمـايـل
يقالـب خلـق ربـي وسـط مـلـه=ولابـه نــادر الا مـنـه نـايـل
يجي طيب النشامـا هزعـة(ن) لـه=ويفتـح فـي مدايحـهـم مسـايـل
ومنهم عايـش(ن) بيـن الخصومـه=يجي مـن بينهـم ساعـي رسايـل
حريص(ن) انه يعكـر كـل صافـي=ولا حـل بجبـل عـز(ن) تهـايـل
وناس فطـرت بنفـس(ن) ضعيفـه=تجـرح خدهـا مـن كـل عـايـل
فقيـرة راي وتابـعـة(ن) جبـلّـه=ولا تبـغـي لمراقـدهـا بـدايــل
وعرف ان به رجـال لهـا روابـع=وصارت مـن جفـا الدنيـا قتايـل
وكيد ان البشر صعـب(ن) رضاهـا=فجـى لمدحـي وزلاتــي نقـايـل
عرضت من الصنوف اللي عرض لي=ولا يخلى رجـال(ن) مـن فضايـل [/poem]

ابن شري صح الله لسانك على القصيده الجزله ياجزل

عبدالعزيز بن شري

معاني شامخه وتصوير بديع

صح الله لسانك

لك تقديري

بن شري الطيب غير مستغرب من الطيبين شرواك

ابدعت يامبدع

صح لساانك على الجزله ياجزل

اررررررررررررحب ياعبدالعزيز



وصح لسانك ملايييييين



طرق مميز وقصيدة مميزه




لك تقديري

جزززززل ياعبدالعزيز



الله هنا شعر رااائع


صح لسااانك ملايين

تحياتي لك

الله يبيض وجهك

صح الله لسانك ولاهنت فديت خشمك

عبدالعزيز
صح الله لسانك
نص شامخ
وجزاله مذهله
تحياتي

عبدالعزيز


مرحبى ومسهلا




وافيه وأنت وافي


لاعدمنا حضورك المشرق

ابن شري صح الله لسانك على القصيده الجزله ياجزل

حياك الله يا ناشر..

الاكيد اني سعيد بتواجدك..

شكرا من الاعماق..

عبدالعزيز بن شري

معاني شامخه وتصوير بديع

صح الله لسانك

لك تقديري

حياك الله اختي الحوراء..

الأكيد اني سعيد بمرورك..

بن شري الطيب غير مستغرب من الطيبين شرواك

ابدعت يامبدع

صح لساانك على الجزله ياجزل

الغالي جمال...

الابداع كللته بحضور المشرف..

أخوك...

اررررررررررررحب ياعبدالعزيز



وصح لسانك ملايييييين



طرق مميز وقصيدة مميزه




لك تقديري

الغالي بن عسكر..

لاهنت على المرور

شاكر ومقدر..