مثل طيـر بن عــون

[align=center]بسم الله الرحمن الرحيم
الحمدلله والصلاة والسلام على رسول الله

النداوية الغالين
لاأملك نفسي من الفرحة بعودة منتدانا الغالي
أبارك لنفسي ولإخواني النداوية إدارةً وأعضاء

وعدنا والعود أحمد
وإليكم هذه المتواضعة[/align]
[poem=font="Simplified Arabic,6,#8A1C03,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياطير في خاطرك شي امتخَفّي=متغيرٍ طبعك وضايق ومحزون
دايم على همك جناحك مظفّي=كنك بظف احد الجناحين مطعون
هذا وانا اللي في لزومك موفّي=شايلك وسط العين واغلى من النون
لافرّع القناص طيره ورفّي=والكل في طيره مولع ومفتون
أعد نقلك هو غرامي وشفي=وتزهاك في عيني تواصيف وعيون
ياما معك عنيت ساقي وخفي=مااسمع من العذال مهما يقولون
واشغلت فكري معك لين إستخفي=وادخلت في بالي هواجيس وظنون
اقبلت لك لكن اشوفك مقفي=في كل يوم الحال من دون في دون
واخاف لااحصلك يوم متوفي=ويروح معك السر ياطير مدفون
عقب المعزه مايجوز التجفّي=ولاني بمستانس معك وانت مغبون
اللي حصل من طول صبرك يكفي=والحر يرجع حر ماهوب مسجون
انا نويت اطلق سبوقك بكفي=واعتقك ياطيري مثل طير بن عون[/poem]

صح الله لسانك ووجدانك



انت يا عبد الله مبدع وابن عون مبدع



ولا على الشعر خوف مادامكم موجودين


تقبل التحيه

ياسلاام يا عبدالله


نص فاخر من شاعر جززززل


صح لسااانك ملايين

تحياتي

عبدالله الطلحي

صح السانك جزل الله يعطيك العافيه



تحيتي ولا تكفي

عبدالله الطلحي بيض الله وجهك يامنبع الشعر الجززززل


لله درك ثم لله درك

شاااعر اشفق على جديده ومدرسه شعريه اتشرف ان اكون احد طلابها لكي انهل من هذا المنهل العذب


تقبل مروري يالقرم

[align=center]هلا أخوي فيصل

انا من يشفق على حضورك المشرق وكلماتك المشجعة

تسلم والله

.[/align]

صح لسانك ولاعجمت ياعبدالله
شاعر جزل ومواضيعك تنومس الرْجال

ماعليك زود يازميل

أشكرك على تواصلك
الذي هو مكســـب بلاشك

.

السلام عليكم ورحمة الله وبركاته

الله الله

صح لسانك ولاهنت

رائع فعلااااا ماقرأت

بوح متألق جائنا محملا

بلشعر الراقي والابداع الا محدود

كل الاحترام والشكر لك

تحياتي

صح الله لسانك ياعبدالله

مبدع ومتألق والشهادة فيك مجروحه


لك تحيتي ووافر اعجابي بما تكتب

مرحبا والله بالسمي

حضورك مصدر فخر وإعتزاز طال عمرك


لاهنت

الجزل الوفي النقي

عبدالله الطلحي



لله درك ثم لله درك



تقبل خالص تقديري

اخوك حمد

شكراً لك ياحمد

على تواصلك هنا
وعلى كل ماتقدم لنا في هذا الصرح الرائع

تسلك يالغالي

.

عبدالله الطلحي بيض الله وجهك يامنبع الشعر الجززززل


لله درك ثم لله درك

شاااعر اشفق على جديده ومدرسه شعريه اتشرف ان اكون احد طلابها لكي انهل من هذا المنهل العذب


تقبل مروري يالقرم

الغالي جداً : فيصل الوعيلي

هذا بس من ذوقك وأخلاقك يالغالي

وإلا أنا أتعلم منك ومن الطيبين شرواك

أشكر لك حضورك المبهج

ولاهنت

.

:
:

[ .. عبدالله الطلحي .. ] ...!!
ماطرآ .. تنهمر .. لـ ينبت على أثر حروفك ....!!
كل مدى .. أدبي .....!
مختلف ..!!
ياعبدالله .. حروفك .. تجتآح القلوب إجتيــآح ...................!
أقولهآ .. وإن كنت .. ارآهن .............!
أنني لم آتي ..........!
بـ جديد ..!!

:
:

لك كل ودي .................!
سلالالالام ..!!