خيـار القسومـي

ياربعنا ياللـي تعـرف السلومـي
عقب صبين مـا يبرهـن كلامـه

درب النشاما ما يجـي للرخومـي
وكلن على ماقيل يعـرف مقامـه

وياللي تـدور للحكـي والعلومـي
اسمع كلام اللـي خوالـه عمامـه

انـا عيونـي لسمـاء والنجومـي
لاصار عينك لـردى والرخامـه

قسمي مع ربعي خيـار القسومـي
لا وزعت بين الكـرم والشهامـه

نمشي مع ربعن حشامـن قرومـي
ولا خير في راسن تهزه عظامـه

يشبهـا اللـي مايسـد الثلـومـي
في الحـزه اللـي ماتفيـد الندامـه

واللي تستـر بالحكـي والهدومـي
الحـق بيـن والمعـزه وسـامـه

ان كان صدرك ممتلي بالهمومـي
واذنك مسلطهـا لحكـي النمامـه

وثوبك على زلات الاصحاب يومي
تضحك وحقدك دافنـه بابتسامـه

اللي يصـدق فالرفيـق الحلومـي
جعله على الدنيا يشـوف الملامـه

وراع الكذب يالله عسى مايدومـي
ويبقا الطفقيـن السوالـف علامـه

كفو يامبارك
وصح لسانك
وعزالله انها من خيار القسوم في الشعر بعد
سلمت ودمت

سعيد مقبل الاكلبي


لا هنت صح الله بدنك

كفو يامبارك انت من منابع الطيب ولاهي غريبه عليكم ياوسامة العصى



صح لسانك على القصيده الجزله لاهنت

صح لسانك واعتلا شانك
قصيده جزله من جزل
تقبل اعجابي

[align=center]





الله الله يامبارك .،
عزالله كفيت و وفيت ..
صح لسانك كثر إبداعك ..
ولاهنت على اتحافنا ..

تحياتي



[/align]

الاخ الشاعر / مبارك مناحي العمور
صح لسانك واعتلا شانك ولاهنت
قصيده جزله من جزل ومتمكن

تحياتي

مرحبا ومسهلا يامبارك


صح لسانك يالقرم

قصيده وافيه وجزله


سلمت ولاهنت

تحياتي

ناشر العاطفي

معليك زود ولا هنت


صح بدنك

قسمي مع ربعي خيـار القسومـي
لا وزعت بين الكـرم والشهامـه
:
:

في كل ماتقدم من اغراض شعريه نجدك وافي يامبارك

علي بن مسفر الحبابي

صح بدنك

ويسعدني حضورك

درب النشاما ما يجـي للرخومـي
وكلن على ماقيل يعـرف مقامـه


كفو .. يا ابو مناحي .. وصح لسانك .. ولا هنت