اخواني النداويه
مساااااااااكم الله بالخير والرضى
اهدي لكم هذه القصيده اللتي اتمنى من خلالها ان الامس مشاعركم وأحاسيسكم الراقيه
وان تحوز على بعض رضاكم واستحسانكم .
[poem=font="Arial,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
سهرت لين الليل قرّب رحيله =والصبح شق ستار جنح الضلامي
اعتادت العين السهر كل ليله=الحب محرمها لذيذ المنامي
حبن بوسط القلب اضّمه واشيله=ولا اسمع ملام مكثرين الملامي
ياعاذلي خل الخليل وخليله=مالك ومال اهل الهوى والغرامي
عاشق وقلبه يالعواذل دليله=خلوه ياصل غايته والمرامي
لو تنشدونه ليه روحك عليله=يقول للنشّاد مدري علامي
الحب حمّلني حمولن ثقيله =ماعاد تقدر شيل جسمي عضامي
يا أم العيون الناعسات الكحيله =عليك مني كل ليله سلامي
كلمة احبك اعتبرها قليله=لو قمت اعبّر مايفيد الكلامي
لوغبتي شهور وسنين طويله=راح انتظر عودتك في كل عامي
يبي يجي لك يوم ولا تجيله=وتعرف بأن اللي تسوي حرامي
شوفي بعد غيبتك روحي قتيله=من كثر طعناتك بروس السهامي
حبك ثبت فالقلب محد ن يزيله=له في صميم القلب اعلى مقامي
الحب ياهل الحب مافيه حيله=غصبن علي اعلن له الانهزامي
نفس العزيز ان حب صارت ذليله=حسبي عليك الله يا ام اللثامي
من حب مثلي فالبشر عزتي له= يضحك وجرحه داخل القلب دامي
قلته قبل لا الليل يعلن رحيله= وقبل الصباح يزيل عنا الضلامي[/poem]
[/align]
تعليق