تعميرة عراقي...

[poem=font="Arabic Transparent,5,#000000,bold,italic" bkcolor="" bkimage="images/toolbox/backgrounds/42.gif" border="none,4,#400000" type=2 line=0 align=center use=ex num="0,#400000"]

ياسيدي صب جمرك لأنتصف ليلي=مابين حدب الضلوع وبين خفاقي

واقلط على همي وكثرة غرابيلي=مقلاط حدب الهنادي... والله الواقي

وان سال دمع المفارق في مناديلي=ماسال طيفك ولا حول من احداقي

ياويل قلبي عليك ومنك ياويلي=لا والله الا قضيت ولا بقى باقي

اضعفت نفسي وضعفت وانقطع حيلي=والارض ضاقت باهلها والفضى ضاقي

ياقو قلبك على قطع المواصيلي=ماتدري ان الجفا قطاع الارماقي

ترخي مسامعك لأهل القال والقيلي=والقوم تسعى ورى فرقاك وفراقي

ولو ان الأحقاد من ركابة الخيلي=خليت صدري لروس الشلف مطراقي

لكن حلوق تقهوى من معاميلي=ادريبها وآترفع واحفظ اخلاقي

يامترفه كلما مال الهوى ميلي=انا لميلة ليان العود مشتاقي

وان جات شرد البيوت لها مهاذيلي=فكي جدايلك من متلوع الاعناقي

تحدري من علوك كنك السيلي=حتى يفيض دفاك ببارد اعماقي

ياجنة الله على ارضه ويش باقيلي=قدام لا تلتوي ساقي على ساقي

تعالي احط باحضانك محاويلي=واعلم الذنب فيها ويشني لاقي

وليا صفا مشربك والقلب صافيلي=ثماله الود شرههتا على الساقي

وان مت من عقبها ماهوب غاديلي=من الحسايف ولو تعميرة عراقي

يا طفلة الزود والزومات صيحيلي=حنا عبيد الجمال وشعبه "الراقي"..![/poem]

ارحب يالذيب ارحب


صح الله لسانك يامشهور

ولاهنت شاعر اجمل من جميل
وشعر متفرد الله يبيض وجهك
امتعتني بكثافه


اخوك


سالم اليامي

ابووووووو فااااااااااااااااارس

لكن حلـوق تقهـوى مـن معاميلـي
ادريبهـا وآترفـع واحفـظ اخلاقـي


دايمااااا راقي وسامي في شعرك واخلاقك وتعاملك


لله درك وصح لسااااااااااااانك

تقبل مروري المتواضع وتحاياي

شايع العيافي


حضوور للاستمتاع يامعلم


صح الله لسانك ولاهنت


اخووك

ياجنة الله على ارضه ويش باقيلـي
قدام لا تلتوي ساقـي علـى ساقـي
تعالـي احـط باحضانـك محاويلـي
واعلم الذنـب فيهـا ويشنـي لاقـي
وليا صفا مشربك والقلـب صافيلـي
ثماله الود شرههتـا علـى الساقـي
وان مت من عقبها ماهـوب غاديلـي
من الحسايف ولو تعميـرة عراقـي


قرأتها حابسة أنفاسي ..!
النداوي كبير بك وبأمثالك الكبار ياابو فارس ..بدون مجاملة ورب الكعبة ..
ماشاءالله ..

تقديري ,,

[align=center]وان جات شرد البيوت لها مهاذيلـي
فكي جدايلك مـن متلـوع الاعناقـي
تحدري مـن علـوك كنـك السيلـي
حتى يفيض دفـاك ببـارد اعماقـي

ياسلام ياسلام

الشاعر العذب الغالي على قلبي شايع العيافي

ماخليت شي. كل شي جبته في هذه الأبيات

اطربتني يارجل

لله درك وصح لسانك ليوم الدفنه[/align]

صح السانك يامشهور الخيال مبدع وجزل...تقبل تحياااتي!!

ياقو قلبك علـى قطـع المواصيلـي
ماتدري ان الجفـا قطـاع الارماقـي
ترخي مسامعك لأهل القـال والقيلـي
والقوم تسعى ورى فرقـاك وفراقـي
ولو ان الأحقاد مـن ركابـة الخيلـي
خليت صدري لروس الشلف مطراقـي
لكن حلوق تقهـوى مـن معاميلـي
ادريبهـا وآترفـع واحفـظ اخلاقـي


الله الله عليك يابوفارس

شاعر محاورة ونظم متفوق

صح لسانك وبيض الله وجهك ياخوي البيت هنا عن قصيده ماشاء الله علاك


حضور للسلام والمتابعة


خالص تقديري

فاااااااالح

ولو ان الأحقاد مـن ركابـة الخيلـي
خليت صدري لروس الشلف مطراقـي
لكن حلوق تقهـوى مـن معاميلـي
ادريبهـا وآترفـع واحفـظ اخلاقـي

صح لسانك يابوفارس

مافي الحكي فايده

مبدع لاعدمتك

تقديري